رد: عاوز رايكم ضروري تاجير سيارتى ب 3500 جنيه شهرياً
 

حضرتك مش عندك عربية وبتاجرها
كمان انا مقولتش صيانة انا بقول لما تسلم للشركة عربية مش فى مصاريف بوليصة تامين وفى حجات اسمها عمر افتراضى زى الكاوتش والبطارية
راجع واعرف التفصيل كويس من العرض ال حضرتك قرات

رد: عاوز رايكم ضروري تاجير سيارتى ب 3500 جنيه شهرياً
 

تمام وياريت برضو حد يفيدنا

رد: عاوز رايكم ضروري تاجير سيارتى ب 3500 جنيه شهرياً
 

تعالى نحسبها مع بعض
اولا . الشركات دى مش هبلة لو مافيش فيها مخاطرة كانت الشركة جابت العربية قسط ودفعت قيمة الايجار قسط للسيارة و بعد الثلاث سنوات تبعها و تجيب عربية تانية
ثانيا . لو حدث حادث للسيارة لا قدر الله الشركة ملهاش دعوة وهيقولولك اتصرف مع التامين . وعلشان كدة بيشترطو التامين الشامل على السيارة
ثالثا . بعد انتهاء العقد مش هيجدد العقد لنفس السيارة . عاوزين زيرو
رابعا . عند استلامك للسيارة بعد انتهاء العقد فى الغالب هتحتاج تغير عفشة كاملة ويمكن متور كمان وهيكون العداد مش اقل من 200000 كم
انصحك بلاش
وبالتوفيق

رد: عاوز رايكم ضروري تاجير سيارتى ب 3500 جنيه شهرياً
 

شكرا علي الرد وانا كنت بفكر وحتي سالت واحد بتاع تاجيير عربيات فالي انهم في الغاب بيبقا واحد فاتحله مكتب ولا شركة بترول ولا غيره ولا بتاخد فلوس ويطلع عينيك وقالي انه كان اجر العربيه زي كده وطلع حرامي ولا شركه ولا غيره وسرق العربيه وقعدت معاه سنتين وبعدين خبطهاله ورماها بدون مايديله جنيه

رد: عاوز رايكم ضروري تاجير سيارتى ب 3500 جنيه شهرياً
 

والله شوف انا هقلك تجربتين مريت بيهم .
الاولي صديق لي اجر عربيتو لمعرض واشتغل معاة زي الحلاوة لفترة 6 شهور كل شهر يديلو المبلغ وماشي كويس.. لحد ما اتصل بية قالو العربية عملت حادثة راح شاف العربية لقاها متركب ليها ربع ورا وكبوت وسقف يعني العربية اتقلبت واتعملت تحت بير السلم . وقالو استلم العربية . العربية وشها وحش وملهاش شغل عندي ومش عارف اية .وحصلت قضية وصاحبي خد منو 25 الف جنية تعويض بعد سنة محاكم . بس خسر فالنهاية مبلغ مش قليل لما باعها . وحرم يعمل كدا تاااااني .
والصديق الاخر .. اجر عربيتو لشركة بترول في البحر الاحمر . وصل ليها عن طريق شركة فاتحة فالمعادي ودفع عملوة 8 الف جنية . واجرها بمبلغ حلو جدا. بدون سائق لكن العقد كان ملزم فترة سنة فقط . واشترطو فالتسليم يستلموها بورق التوكيل ( فحص شامل ) .. ولما جة يستلمها استلمها بورق التوكيل فحص شامل . وكان فالعربية العافشة والكاوتش جابو كاوتش جديد والعافشة كمان ظبطوهالو والعداد بتاع العربية كان عامل 32 الف كيلو . علما بانها كانت بتوصل المهندس من البحر لاحمر للقاهرة مرتين فالشهر . يعني كل مرة حوالي 1000 كيلو ( رايح جي ) يعني فالشهر 2000 كيلو يعني فالسنة 24 الف كيلو . يعني لو جيت تحسبها صح العربية مكنتش بتمشي اساسا توصيل مهندس وشغل الموقع . وحافظو عالعربية صح الصح . وكان الشهري 4500 جنية .
----
انا ناوي اجيب واشغلها بس بالسواق . عشان مش هقدر اكون محل تجارب :dzy:
والله بدور علي شركة زي بتاعت اخينا الاخير دة ومستعد ادفع عملوة محترمة .