|
رد: صيانة اكسيل مانيوال 1500 cc
قول الحمد لله
يسترح قلبك |
رد: صيانة اكسيل مانيوال 1500 cc
الحمد لله رب العالمين
|
رد: صيانة اكسيل مانيوال 1500 cc
السلام عليكم جميعا
ازيك يا بشمهندس سمير انا حطيت شيل الاحمر للاسف ملقتش التعاون الا نوع sf ملقتش sl ولا sj الراجل قالى تقيل وكويس وحطيت عليه علبة زيت شمبر وغيرت الفلتر حسيت بتحسن نسبى بس لسه فيه دخان طالع من مكان الخرطوم اللى رايح للعمه هو عندى متشال لسه عاوز اروح اجيب واحد مكانه ( هى كده يا بشمهندس العربيه تعتبر ماشيه من غير فلتر هوا ) اصل بتاع الزيت بيقولى تجيب خرطوم طويل عشان يسقطلك اللزيت اللى طالع من المكنه ع الارض بدل ما يغرقلك المكنه وربنا يسهل والمكنه متاكلش زيت ودخان الشكمان تقريبا ابيض مائل للزراق واللى طالع من المكنه نفسها من خرطوم العمه عامل زى بخار المايه تقريبا برده ابيض مزرق بالنسبة للفتيس .. أنا غيرتله زيت الى زيت لزوجته 140 وحسيت بتحسن نسبي هو بينقل بس بسمع صوت العصاية وهى ماشيه فى حارات النقله وايدي بتقف مكان الحارات اقصد مبتخدش النقله خطف زى المايه زى ما بيقولوا يعنى على سبيل المثال هتاخد الاولانى بتجيب العصاية شمال ثم للامام بحس بتعشيقة الفتيس وانت واخد عصايته شمال ثم للامام (( الاحساس ده بسمع صوت التروس وكمان ايدي بتقف فيه مثلا ثانيه او اتنين وبكون طبعا دايس دبرياج للأخر )) لكن مفيش فيه الشخطه او الزعقه فى النقله الا لو دوسة الدبرياج مجتش مظبوطه منى يارب اكون قربت لحضرتك الصورة بالظبط السحب اتحسن نوعا ما لكن لسه مخنوقه و صوت المكنه عالى وانا ماشي وبسمع صوت زى ونه او حكة كاوتش او صوت كركبه كده عارف زى صوت التاكسيات القديمه كده لما تيجي تسيب رجلك من ع البنزين الصوت ده والعربيه مموره موجود لكن اقل منه وهى ماشيه ولما بدوس دبرياج وهى مموره ودايره الصوت بيروح نفسي احس بنعومة الهيونداى وجزاكم الله خيرا ومستني ردودكم القيمه |
رد: صيانة اكسيل مانيوال 1500 cc
اقتباس:
وحتحتاج طقم شنبر قريب وروديه وتغيير كاوتش صباب قدام أبقى أعمل نصف عمره للمكنه مش حتكلفك كتير أوى 500 ج حيرقوا الأمور بإذن الله |
رد: صيانة اكسيل مانيوال 1500 cc
اقتباس:
يعنى يا بشمهندس مفييش مؤشرات توحى انها عمره كامله ولا برده ميبانش كده ولو لقيت لا قدر الله عمره كامله مكلش واقوله نشترى موتور افضل ؟؟؟ وايه راي حضرتك فى الجزء اللى انا كتبته عن الفتيس والصوت اللى بسمعه وانا ماشي ؟؟ ولكم جزيل الشكر |
| الساعة الآن 06:40 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017