رد: فيشة اوكتان اللانوس ( شرح موضوع الاستاذ طارق صقر )
 

انا فعلا شوفت الفيشه بس من غير خمبر
ايه هو (ونعمل ايدل ليرن بالمره) ازاى؟
يبقى يعنى من الافضل للعريبة وايضا للاستهلاك اظبط الفيشه ع 95
اسف جدا للاطاله

رد: فيشة اوكتان اللانوس ( شرح موضوع الاستاذ طارق صقر )
 

انا الى اسف على تاخرى فى الرد
لازم حتجيب جمبر من بتوع الاستعمال حيبقى رخيص
هى من غير جمبر دلوقتى يعنى مظبوطة على ال 92
انا عن نفسى مجرب وضع الجمبر على ظبطة ال 95 و باستخدم بنزين 92 و ملاحظاتى ان الاداء زاد و الاستهلاك مش عارف افرق بينه و بين من غير الفيشة بس اكيد الفرق بسيط و من غير الجمبر بتهيألى الاستهلاك اقل من ظبطة الجمبر على 95
و ساعات بحس بتسقيف بسيط (كده كده كنت ساعات بحسه من غير الجمبر برضه)
و مستنى اشوف ملاحظاتى فى الصيف لانى ممكن فى الصيف ابقى اشيل الجمبر و فى الشتا ابقى اركبه لتقليل التسقيف بقدر الامكان
انا عن نفسى تغييرات وضعية الجمبر مبعملهاش ايدل ليرن
لكن لو عايز تعمله هو بسيط :

1. افصل البطارية دقيقة على الاقل
2. العربية باردة
3. وصل البطارية
4. افتح كونتاكت بدون ادارة (التابلوه لمضه تنور و جرس الحزام يشتغل) لمدة 5 ثوانى
5. اقفل الكونتاكت خالص لمدة 5 ث
6. افتح كونتاكت تانى لمدة 5 ث
7. دور
8. استنى لغاية مراوح الرادياتير لما تشتغل (بتاخد من 10 الى 20 دقيقة متقلقش)
9. شغل التكييف لمدة 10 ث (ده لو فيها تكييف)
10. افصله 10 ث
11. شغله تانى 10 ث
12. افصله 10 ث
13. بطل العربية خالص

كده انتهى الايدل ليرن عن نفسى مبعملوش غير لو فصلت البطارية لاى سبب و ساعات اكسل اعمله و اسيب الزمن يعلمها

رد: فيشة اوكتان اللانوس ( شرح موضوع الاستاذ طارق صقر )
 

مجهود رائع

رد: فيشة اوكتان اللانوس ( شرح موضوع الاستاذ طارق صقر )
 

شكرا للتقدير الطيب

رد: فيشة اوكتان اللانوس ( شرح موضوع الاستاذ طارق صقر )
 

اولا شكرا ليك
ثانيا انشاء الله اجيب الجمبر واظبطه ع 95 وجرب