|
رد: اختبار قياده و ملاحظات على النيوسيراتو أول 700كم
اقتباس:
شوف أنا واحد من الناس مع الآسف لما بأصمم على حاجه بأعملها ثم لا أندم عليها ! بمعنى انى كنت عارف ان العفشه ناشفه و سمعت عن السياره ما قاله مالك فى الخمر ! بس قلت أجرب بنفسى وبناء على تجربتى أقرر ماذا أفعل ! صحيح وجدت العفشه الخلفيه ناشفه ولكن ممكن الواحد يتعلم انه يتعايش معاها ويحاول قدر الامكان ماينزلش فى مطبات خاصة على سرعات عاليه نسبيآ ! ولو لم أستطع التعايش فى خلال سنه سأبيعها وأخسر ما أخسره ! بس مش ح أعتبرها خساره ولكن ح أعتبرها مقابل انى ركبتها واستعملتها و عملت اللى أنا عاوزه و نفسى فيه ! ده الموضوع ببساطه علشان ما تعقدش نفسك ! Dr. Bolbolan ptmnlo123per122 |
رد: اختبار قياده و ملاحظات على النيوسيراتو أول 700كم
المشكلة مش فال مطبات المشكلة فالحفر والنقر إلي في كل حتة فالشارع طبعاً والزالت
أنا حتى فكرة أجيب كوتشت و جانت16 |
رد: اختبار قياده و ملاحظات على النيوسيراتو أول 700كم
خلصنا من السياره من الخارج و ندخل على الانتريور ! التابلوه أنيق ! على اليمين درج واسع ! وفى المنتصف
مجموعة الراديو والسى دى و التكييف ! الراديو 3 محطات ! اف ام 1 و 2 و أيه ام ! السى دى أنا سامع انه ممكن يشيل 6 سى دى بس لم أجربه ولم أتأكد من الكتيب لضيق الوقت ! الراديو ام بى 3 ممتاز و يعمل حتى بدون الايريال بشكل جيد ! لآنى رافع الايريال من مكانه وواضعه فى درج التابلوه لآنه سهل الفك والسرقه ! حيث أن مكانه بقلاووظ على السقف أعلى الزجاج الخلفى ! وطبعآ الراديو له شاشه حمراء جميله يتم عرض المعلومات عليها ديجيتال ! ويمكن التحكم فى الراديو و السى دى من طارة الدركسيون بسهوله شديده ب 3 أزرار فقط على يسار الطاره و بترتيب جيد وبحيث انك مش محتاج تنظر لهم لتعمل بهم ما تريد ! أسفل الراديو يوجد شاشة التكييف وبرده حمراء و تعرض المعلومات ديجيتال ! و تحتها بكره أنيقه بزر فى المنتصف لتشغيل و قفل التكييف ! والبكره نفسها تدور يمين أو يسار بسلاسه مع تكات دقيقه وكل تكه بترفع أو تنزل درجة الحراره نصف درجه ! و طبعآ انت بتثبت درجة الحراره اللى انت عايزها و يتم كتابتها بحجم كبير على الشاشه ! و على يمين الشاشه من أعلى يتم كتابة درجة الحراره خارج السياره! على يمين الشاشه زرارين مرسوم علي أحدهم رسم يدل على دوره داخليه للهواء و الثانى يسمح بادخال الهواء من الخارج من عند الموتور ! ولسه مش عارف ايه السبب انه لما تشغل أو تقفل التكييف بينتقل عمل الدوره أوتوماتيكيآ الى الدوره الخارجيه والتى تدخل هواء دافىء للسياره لذلك دائمآ أنظر اليها فاذا وجدتها نورت ! أضغط على الدوره الداخليه ! و على يسار الشاشه أيضآ زرارين أحدهما لزيادة سرعة المروحه والآخر لتقليل سرعة المروحه ديجيتال ! يعنى مافيش 1-2-3-4 ولكن تظهر لك شرط على الشاشه لدقة التحكم ! والزر الثالث يطفأ المروحه لو هيه شغاله بدون التكييف ( الفريون ) أو تطفىء المروحه والفريون لو كانوا شغالين مع بعض ! و التكييف جيد جدآ و صوته ليس عاليآ ! ولا يؤثر على سحب وأداء السياره نهائيآ ! على يمين التكييف زر لتسخين الزجاج الآمامى فى حالة الشبوره وعلى يسار الشاشه زر لتسخين الزجاج الخلفى ! التابلوه نفسه شبه مسطح مع انحدار خفيف و عريض فى نفس الوقت ! و يوجد فى منتصفه تمامآ عند التقائه بالزجاج انتفاخ يشبه البليه الكبيره شويه ( حساس درجة الحراره بالخارج ) ! لذلك ينصح بعدم وضع أى أشياء عليه ! أعلى الدركسيون على التابلوه توجد 3 عدادات متداخله أنيقه وبلون أحمر و تضىء بمجرد تشغيل السياره ليلآ و نهارآ بدون اضائتها بمفتاح مستقل ! وهم من على اليمين عداد البنزين واليسار عداد ال آر بى ام و المنتصف عداد السرعه و من داخله توجد شاشة كومبيوتر الرحلات الديجيتال ! و الذى يعمل بزر واحد على التابلوه يمين الدركسيون و كل ضغطة زر بأكشن مختلف ! و هم 8 ضغطات ! عداد لحساب الكيلومترات المقطوعه للرحله (أ) ثم الرحله (ب) و يمكن تصفير كل عداد ليعمل من جديد ! نسبة استهلاك البنزين للتريب ثم نسبة الاستهلاك اللحظى ثم درجة حرارة مياه الموتور مرسومه ديجيتال و المسافه التى ممكن أن تقطعها السياره بالبنزين المتبقى فى التانك ! و على يسار العدادات على التابلوه يوجد زرار لزيادة أو تقليل شدة اضائة التابلوه و مش متأكد اذا كان يشمل الآنوار الخارجيه أم لا ! كفايه كده النهارده لضيق الوقت ! هوه وصف ممل مع ذكر محاسن أو مساوىء الموصوف ! Dr. Bolbolan ptmnlo123per122 |
رد: اختبار قياده و ملاحظات على النيوسيراتو أول 700كم
حلقة جديده مميزه و مفصله لبرنامج التقييم , شكرا يا دكتور على مجهود حضرتك
اقتباس:
اقتباس:
|
رد: اختبار قياده و ملاحظات على النيوسيراتو أول 700كم
اقتباس:
الآلزهايمر بتاعتى لآنى بعيد عن السياره 2200 كم ! ياريت تبص انت تانى فى كتيب السياره و تقول لنا وشكرآ ! Dr. Bolbolan :HAPPY_~211: |
| الساعة الآن 08:30 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017