رد: مجرد فضفضة فى زمن الإخوان
 

فعلا عندك حق يا بشمهندس الاسعار كلها فى السوق زادت والمدام عندها حق انا برضة كل ما اروح السوبر ماركت او اى موول او هايبر 1 الاحظ الزيادة فى كل السلع دى حاجة بقت مستفزة واحنا شاعرين بكدة ونقدر الحمد لله نشترى فما بال
الفقير ومعدومى الدخل الله يكون فى عونهم والله :pty:
انا بقيت اشوف رود فعل لا حول ولا قوة الا بالله تحزن وتبكى لناس مش قادرة تشترى قوت يومها ............ الفقراء زادوا فقرا وقلة حيلة يعنى فعلا لو الفقير ده سرق علشان يؤكل أولاده ايه هيكون الوضع ؟؟؟؟؟؟؟؟


أنا فعلا حزينة على فقراء بلدى الناس خلاص فاض بيها ومش عارفين يعيشوا
اللى ماسكين البلد دلوقتى ناس غبية جدا جدا ومش عارفة ايه الخطة الموضوعة
ولا ماشيين عشوائى كده وبغباء شديد ايه ده
ده ابسط الامور مش عارفين يديروها


وكمان سمعت ان مخزون القمح على وشك الانتهاء
وادينى بتكلم بأسلوب متحضر و مؤدب ولا غلطنا فى حد ولا تجاوزنا الاحترام للجميع بس لغاية امتى الناس هتستحمل الفشل ده والبلد تهبط للقاع
وناس بتدافع عميانى كده وخلاص وادينا لا بنقول خرفان و لا احب الرسوم المسيئة
ولا الالفاظ البذيئة فى التعبير عن الرأى
ولكن فى نفس الوقت انا اصبحت غير راضيه اطلاقا عن وضع البلد فى اى مجال
لا علاج ولا تعليم ولا اسعار الطعام وضروريات الحياة ولا ولا ولا تقدر تضع مليون حاجة فى النازل وده مش معناه انى مشتاقة لايام مبارك منه لله وربنا ينتقم منه


بس برضه ايه اللى انصلح حاله فى البلد

لنا الله وربنا معانا جميعا


ده فيه ناس لا حول ولا قوة الا بالله كل دخلهم حتى الاآن 500 او 1000 جنيه
بالله عليكم الناس دى تعيش ازاى فى ظل الاسعار الحالية:pty:


برافو يا حكومة :018A1D~146:
برافو يا مرشد :018A1D~146:
برافو يا شاطر :018A1D~146:
برافو يا مرسى :018A1D~146:


حققتوا مشروع النهضة على أكمل وجه

:018A1D~146::018A1D~146:: 018A1D~146:

رد: مجرد فضفضة فى زمن الإخوان
 

حد عنده احساس داخلى بالتفاؤل؟

حد عنده احساس بالامان؟

حد حاسس ان البلد تسير على طريق صحيح؟
ده احنا لسه هنشوف ايام الله اعلم بيها

المحله عندنا نفسى يوم يعدى بدون قتل ولا تثبيت سيارات

طيب حد يقول للحاكم ان فيه شعب خلاااااااااااص طفح بيه الكيل حد يقول له انت بتحكم البلد اللى الشعب ده عايش فيها حد يقول له حسبى الله ونعم الوكيل فيك وفى كل القائمين على السياسه والاعلام وعلى كل اللى بيسيب البلد تخرب والمهم عندهم الكرسى والحكم من معارضه بتهدم ومن رئاسه فاشله كبيرها تمسك جمعيه مش بلد زى مصر

رد: مجرد فضفضة فى زمن الإخوان
 

رد: مجرد فضفضة فى زمن الإخوان
 

ده كان عايز محاكمه ثوريه .,,,. انما القضاء المدني ليه ورق بيحكم من خلاله و في حاجات لا يستطيع ادانته فيها بالرغم من انه مدان و مذنب .!!!.

رد: مجرد فضفضة فى زمن الإخوان
 

السلام عليكم اولا
ثانيا علشان محدش يقول اني اخواني ولا متعصب تعالو نشوف انجازات الرئيس وبعدين ننتقد الحكومة علشان الهجوم الي من غير سبب يعتبر حقد غير مبرر
لما نعرف ان حصاد القمح المزروع حوالي 12 مليون طن واحتياجنا من القمح حوالي 13 مليون طن يعني قربنا نوصل للاكتفاء الذاتي مش ده يدعو للتفائل
لما نعرف ان تنميه اقيلم قناة السويس هيحقق حوالي 50000 فرصة عمل وده مشروع واحد يعني لو اتعمل زي مهو متخطط لية مصر هتبئا احسن من دبي في ظرف 5 سنين واقل بسبب ان مينائ جبل علي هيروح علية خالص مش ده برضو يدعو للتفائل
لما نعرف ان الدستور الي الناس بيهاجموه من غير ما يعرفو حاجة غير من الاعالم الموجة الدستور بينص علي ان مدة الرئيس لن تزيد عن 4 سنوات ولا يجوز التجديد لاكثر من مدتين يعني تداول السلطة مش ده يدعو للتفائل ولو حد شايف في نفسو ان يقدر يدور البلد يدخل يورينا نفسو بدل ما يقعد علي الكنبة ويشتم ويسب وينتقد ويياس الناس وشايف الدنيا ضلمة وخلاص طب اعمل حاجة ايجابية ميعرفش يبقا اسكت احسنلك وبلاش تيياس
والله انا بكتب الكلام ده وواحدة زي لميس الصفيحي عمالة تنتقد في القرض بتاع قطر الله يرحم ايام مبارك لما الوشوش دي كلها مكنش حد بيقدر يفتح بقه دلوقتي بقا زمن الرويبضة كلو بيتكلم لميس وباسم وحمزاوي واديب وغيرهم كتير يا ناس بصو بنظرة امل شوية وخلو البلد تتقدم ولو مش عارفين تبصو بنظرة امل وبقا كلكو تشاوم اسكتو شوية وان شاء الله البلد هتتحرك علي فكرة انا مش عايز اتكلم علي انجازات مرسي في الشهور القليلة الي فاتت بس عايز اقول حاجة صغيرة لو اي واحد مكان مرسي دخل البلد لقي كلها بايظة بقالها 30 سنة تفتكرو هيقدر يصلحها في 8 شهور ولو حد قالي مهو هو الي رشح نفسو ارد واقولو مهو اي واحد غيرو لو كان رشح نفسو كان هيقابلو نفس الفساد الي بقالو 30 سنة ولو حد عندو حلول غير تقليدية يا ريت يقولها بدل ما ينتقد علي الفاضي والمليان ومعندوش حلول المثل الانجليزي بيقول بدلا من ان تلعن الظلام اوقد شمعة يا ريت الناس كلها توقد شمعة امل ومن كان يومن بالله واليوم الاخر فايلقل خيرا او ليصمت :Wkiss5: