|
رد: حكايتى مع السيارات فى العراق !
ربنا يبارك فى عمر حضرتك ويديك الصحة
|
رد: حكايتى مع السيارات فى العراق !
تانى يوم رحت أفطر فى ميس المستشفى ( بيض المره دى و تأكدت انه موش بيض خنزير ! )
و جلست على نهاية ترابيزه طويله هى كل ما فى الميس ! وفى الطرف الآخ حضر 5 أو 6 ستات برازيليات ممرضات و دكتورات ( ما فيش فرق ! بس اوعوا تتخيلوهم زى ممرضات مصر ! لا يوجد أى شبه لا فى الحلاوه ) ( ولا فى الآناقه و لا فى أى شىء ! ) حاجه كده زى ER و Scrub و Grey Anatomy ! ptmnlo123per122 لاحظت انهم بيتكلمو بالراحه وبيبصولى من تحت لتحت و بعدين يضحكوا ! ايه اليوم اللى مش فايت ده ؟؟ موش كفايه انى لم أنم بالليل ! قمت حبيت أعمل نفسى واد برم و أفهمهم ان عيب عندنا الواد ينام جنب البنت و أكلمهم بالبرتغالى كمان ( لآنهم لا يتكلمون الانجليزيه ) ولما جيت أتكام سكتوا و نظروا الى لقيت نفسى لا أعرف ماذا أقول ! وبعدين بعد لجلجه و تهتهه قلت لهم Eu noa gosto madame ودى معناها أنا لا أحب الستات ( و طبعآ ما كانش دا مقصودى حرفيآ ولكن اللى جه فى مخى ان الجمله دى أثرب شىء للى عاوز أقوله) فجأه لقيتهم انفجروا فى الضحك مع محاولتهم كتم الضحك بس موش عارفين ! ptmnlo123per144 نهار أسود هوا أنا عكيت و لا ايه ؟؟ خلصت الآكل بسرعه وجريت على بره قابلت واحد برازيلى من أصل فلسطينى و طبعا بيتكلم عربى كويس و اسمه أنطوان ! حكيت له اللى حصل ! قاللى يانهار اسود انت قلت لهم كده ! ptmnlo123per160 قلت آه فيه ايه ؟ قال لى دى معناها عندهم ما دام مابتحبش الستات تبقى بتحب الرجاله ! ( ما هو لازم تحب حاجه ) ptmnlo123per1106 قلت له أحب النبى ! أنا واقع فى عرضك ياعم أنطوان خلص لى الموضوع ده ! لازم نفهمهم قصدى بالضبط ! ما يرضيكش ان أخوك بلبلان يطلع خوفو ! ptmnlo123per144 المهم ساعة الغذاء جه انطوان و جلس معانا و الحريم موجوده طبعآ و خليته يفهمهم الموضوع بلباقه ( يعنى عملت نفسى بأتعرف عليهم و قلت لهم على ) ( فكره أنا لسه بأتعلم برازيلى فاعذرونى انى ماكنتش عارف أتكلم معاكم الصبح وقول لهم بقى ياعم أنطوان ! ) الراجل ترجم لهم والله أعلم اقتنعوا ولا لآ بس لسع منى 100 دولار بصنعة لطافه ! ptmnlo123per111 قاللى انه معاه شيك مصرفى على فرع سيتى بنك البرازيل و هو محتاج فلوس عراقى و أنا أبقى أصرفه من مصر و طبعآ كان مضروب ! واللى حصل حصل ! ) - المشاركه القادمه سأحكى لكم كيف كنت سأنضرب بالرصاص وكيف تصرفت وان كان فيه مكان فى نفس المشاركه ح أحكيلكم كيف تم اختطافى الى دوله أخرى ! حقيقى موش تأليف !! Dr. Bolbolan ptmnlo123per1127 |
رد: حكايتى مع السيارات فى العراق !
following and interested to read more,
|
رد: حكايتى مع السيارات فى العراق !
كنت جالس فى العياده صباحآ و مزاجى حلو ! لقيت الباب مفتوح ودخل اثنان بيتكلموا عربى واحد كبير فى السن
بالنسبة لى وقتها و الثانى فى أوسط العمر ! والثانى ده برده برازيلى من أصل فلسطينى و كان مسئول المغسله التى تقع خلف العياده لكن ماكانش لى علاقه به ! المهم قدم لى الرجل كبير السن بأنه مندوب القوى العامله أو مندوب الحكومه فى الموقع الذى ليس به أى شخص عراقى الا هوه ! أهلا و سهلآ !! تفحصت الرجل ! حوالى فوق الخمسين - بعين واحده - لابس جاكت ثقيل بلون غير لون البنطلون ومعلق جراب فيه طبنجه كبيره قوى ( فشر بتاعة كلينت ايستوود فى فيام ديرتى هارى ) ! رحبت بهم وايه المشكله يا عم قال لى ظهرى بيوجعنى و لا أقدر أمشى جيدآ ! فحصته جيدآ و الآخوه الآطباء بالموقع عارفين ان فيه شوية فحوصات بالنسبه للحاله دى بالذات نقدر نكشف بيها الصادق من الكاذب ! المهم لقيته سليم لكن ما رضيتش أحرجه ! فأعطيته بعض الدهانات و علب مسكنات و قلت له ان شاء الله تبقى كويس ( بكل أدب ) لقيت الراجل بكل قلة أدب قام رامى الدواء بعصبيه على مكتبى ( يعنى فى وشى ) و قاللى أنا لا أريد دواء أنا عاوز أجازه ! طبعآ عرق الدكتره نقح على و قمت قايم على حيلى و جريته من ياقة الجاكت بتاعه و قلت له امشى اطلع يره انت سليم و حتى لا تستاهل الدواء اللى انت رميته ! و موش عاوز أشوفك فى العياده تانى الا لو كنت محمول على نقاله ! و طبعآ الفلسطينى كان عمال يعظم فيه فى الآول و فى الآخر روحت زاقه هوه كمان ! بعد ساعه لقيت الراجل ده داخل العياده لوحده المره دى و زى القرد و لا بيعرج و لا حاجه ! و وضع أمامى نسخه من 10 نسخ مكتوبه على الآله الكاتبه و قالى بأدب أنا كتبت شكوى فيك و دى نسختك علشان ما أبقاش عملت حاجه من وراك ؟ قلت له طب يا عم ورينى عرض اكتافك و فرجنا خطوتك ! أبص فى الورقه ألاقيها موجهه لمين ؟؟؟؟؟ سيادة القائد المبجل / صدام حسين !!ptmnlo123per1106 يالهوى ! نقابة العمل والعمال ! نقابة الآطباء ! مدير الشركة ومدير الموقع - و موش فاكر مين و مين كمان ( بس ما كانش فيهم الصليب الآحمر و لا لجنة حقوق الانسان ) ! و لن أطيل عليكم و أذكر ما كتبه لآنه كتير جدآ بس اللى أقدر أقوله - انى لو اتحاكمت بالكلام ده و كان القاضى أطيب قاضى فى الدنيا كنت خدت اعدام ptmnlo123per1106 - والله يا جماعه ماعرفش الجرأه دى جت لى منين وماكنتش خايف ماعرفش ليه ! وقلت آخرتها ايه ! أروح و أقعد عند أمى ؟؟ والله وحشتنى جدآ ! و ماله ياجدع ! آخر النهار لقيت مدير الموقع ندهلى فى مكتبه و لقيت الراجل ده و الفلسطينى عند المدير ! الذى سألنى ايه اللى حصل ! أخينا الفلسطينى حب يعمل فيها مترجم ! قمت شاخط فيه ! و فهمت المدير ! قام قال لى طب معلش علشان خاطرى اعطيه أجازه ! فرفضت رفضآ قاطعآ ptmnlo123per195 قام العراقى مطلع الطبنجه و شد الآجزاء و وضعها فى رآسى و قال لى ( أنت ترفض تعطينى أجازه ؟؟ دانا أولادى يلعبوا بك الطابه - أنا سأقتلك الآن ) - أقسم بالله يا جماعه ماعرفش الشجاعه دى جت لى منين ! فقلتآ اه لو راجل اضرب !! بس موش ح أرجع فى كلامى !! واتشاهدت فى سرى و فجأه لقيت الرجل هجم على و أخذنى بالحضن ! وقال لى خلاص موش عاوز أجازه ! وانت عربى مثلى و أنا أنحنى لك بعد الله ! دانا عينى دى اتقلعت فى الحرب مع ايران ماقولتش أى و ما روحتش لدكتور ! واتصالحنا ولم يعتب العياده مره أخرى لا هو ولا الكلب التابع له ! المشاركه القادمه سأحكى لكم كيف تم اختطافى لدوله أخرى ؟؟؟ Dr. Bolbolan ptmnlo123per1127 |
رد: حكايتى مع السيارات فى العراق !
بجد متشكر جدا ليك يا دكتور على كم الضحك والمرح اللى بتوردهولنا يوميا ... وياريت حكاياتك ماتنتهيش
متابع بشغف واهتمام |
| الساعة الآن 10:02 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017