مصر موتورز مجتمع السيارات - متوسط اسعار المستعمل هذا الاسبوع

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - متوسط اسعار المستعمل هذا الاسبوع (https://www.masrmotors.com/vb/showthread.php?t=6189)

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة Peugeot 206 (المشاركة 446383)

دكتور تامر ، أنا معايا بيجو 206 موديل 2001 من سنة و مستريح و الحمد لله و نصيحتك كانت دهب وقتها بصراحة (واحد صاحبي مسمعش نصيحتك لبس سيخ ذهبي محترم)...

دلوقتي كنت عاوز أنقل على حاجة أعلى حبتين ، بفكر في حدود 50 تقريباً ،،

نصيحك إيه مثلاً ، أجيب ميجان أو لوجان كسر أو كورسا 2005 أو ميجان هاتشباك (أو احسن حاجة في الفئة السعرية دي بموديلها و ياريت تكون 1600 سي سي) ؟؟؟

و يا ريت تحط السعر لأنه موضوع (عربيتك على قد ميزانيتك قديم نسبياً)

إيه أحسن حاجة فيهم كإعتمادية و سعر قطع غيار بالنسبة لقلة الأعطال (بصراحة الميجان فيه تضارب كبير فيها حبيت أسمع رأيك) ...

مش محتاج أسحب أو غيره و بسوق لوحدي دائماً و مش بسافر تقريباً (أخرها المصيف و بما إني إسكندراني المسافة مش كبيرة) ...

شكراً ليك

اللوجان سيارة متميزة وحتكون موديل عالى
لا أنكر أن الميجان هى الأفضل فى كافة الإختيارات ولكن هناك ملاحظات على موديلات ما قبل 2006 علاوة على غلو قطع الغيار والصيانة
الكورسا سيارة جيدة لكن شخصيا لا أحبها

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة toxin (المشاركة 446393)

موضوع تحفة بجد ..

سؤال بقاا :: معاياا نيسان صني 2007 مانيوال الـ EX Saloon العربية فبريكة بجد و متابع علطول مع التوكيل واي صياانة بتم في التوكيل و الموتور والعفشة والبودي فبريكة ..

العربية اناا شاريهاا عالزيرو و ماشي لحد دلوقت 98.000 كم والرخصة فااضل فيهاا سنتين ..

اطلب فيهاا كاام لو حبيت ابيع ؟؟

تطلب 70000

رد: متوسط اسعار المستعمل هذا الاسبوع

تامر باشا

انا من متابعيك القدامى وأخر حاجة معايا ابيزا 98 1400 انجكشن كاملة منوال بور وتكييف وزجاج ومرايات كهرباء فابريكة بالكامل بره وجوه رخصة سنة ونصف حالة اعظم من ممتازة عايزك تتمنها يا كبير علشان بفكر اغير.

رد: متوسط اسعار المستعمل هذا الاسبوع

دكتور تامر رجاء تسعير عربيتين
الاولى تويوتا كرولا موديل 95 اوتوماتيك فابريكا برا وجوا 1600 سى سى وصاحبها بيتكلم فى 55 الف
التانيه تويوتا كرولا موديل 97 بطه اوتوماتيك 1600 سى سى فابريكا جوا وراشه برا وصاحبها بيتكلم فى 50 الف
الاتنين لونهم ابيض ولك جزيل الشكر

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة micky20110 (المشاركة 445991)

مساء الجمال على شباب المنتدى دكتور تامر بعد اعجابى بهذا المنتدى لكثره مواضيعه المفيده

انا ناوى اشترى اوبل فكترا موديلات من 96 الى 2002 فا عايز اعرف رنجها كام و بتبقى غاليه ليه و ده طبيعى ولا

قدامى عربيه 2002 ماتور 1600 اتوماتيك عايز اعرف سعرها يبقى كام العربيه مش محتاجه مليم يتصرف عليها

يا شباب محدش رد عليا ليه :fun_car: