|
|
رد: رابطة ملاك ومحبى السفينه فيات 132
اقتباس:
انا روحت الصبح ورجعت قبل الصلاه قرط على صمولة البنيون وربط الكردان تانى وبعدين قاللى عاوزة عمود بنيون وترس تاج وإعمل حسابك على 1500 جنيه قلتله اسافر قاللى سافر ، وخليها لما تنتهى خالص وبعدين نصلحها وبإذن الله هراجع على مستوى الزيت وخلاص ، انت عارف الظروف |
رد: رابطة ملاك ومحبى السفينه فيات 132
أولا السلام عليكم جميعا
وان شاء الله هيبقى عيد مبارك علينا جميعا ثانيا انا زعلان وواخد على خاطرى جدااااا منكم كلكم مفيش حد سأل عليا فى شدتى عموما كنت مفكر انكم هتعملوا معايا الواجب لكن محصلش لكن مضطر التمس لكم العذر جايز كنتم مشغولين او فى ظروف انا الحمد لله انتهيت من دهان العربيه وقفلتها بس باقى شوية كماليات عندى بس مش هركبهم لان شكلهم مش ظريف وحلو اتكلفت بويا وسمكره 1800 جنيه بالتمام والكمال السمكره 300 جنيه والحمد لله مغيرتش حاجه فى الصاج كله رجع بالزرجينه البويا 100 جنيه ثمن 5 كياو معجون وسنفره ماركة ميدو 70 جنيه ثمن فيلر وبطانه 620 جنيه ثمن 1.75 كيلو بويا اوميجا بالرقم والورنيش 150 جنيه ثمن مصنعية فرن وعامل الرش 350 جنيه ثمن مصنعية بتاع البويا 100 جنيه ثمن بويات اضافيه للاكصدامات والعتب 50 علامة فيات 132 و علامة 2000 النيكل بتوع الشنطه 100 ثمن اربع فوانيس امامى للشبكه تركى الاجمالى 1850 جنيه بالتمام والكمال لسه باقى لى 100 جنيه طقم نواكل الرفراف بس عاوزه فبريقه ابو شفه قصيره مش اللى مغطى شفة الرفرف كله ومن غير اطار جلد 85 جنيه طقم كاتيرات رفارف 50 جنيه دالايات 132 قصيره زى بتاعت العربيات الجديده جنيه150 تمن اتنين مكن ازاز كهربا لان عندى واحده ضعيفه من التوفيقه بالتركيب 100 جنيه غيار زيت بالفلتر وتمشيط سن البوجيه التالت 60 جنيه تفويلة تانك بنزين 80 20 مصنعية كهربائى لظبط النور والاشارات 75 جنية تمن اريال راديو كهربا اجمالى الحاجات الباقيه 640 جنيه يعنى كله على بعضه 2490 جنيه يا بلاش عشان تشوفوا الواحد محصور اد ايه على الفلوس وخصوصا ان العربيه مدهونه من سنه بالظبط وكان برضه فى رمضان لكن الواحد يرجع ويقول الحمد لله والشكر لله على كل شىء |
رد: رابطة ملاك ومحبى السفينه فيات 132
اقتباس:
وان شاء الله تبقى تويوتا اقتباس:
ليك حق تزعل ............. ليك حق نرضييك عموما عن نفسى معرفش اى حاجة عن الحادثة دى اصلا بس سلامتك وسلامة العرببية وانا بعتذرلك بالنيابة عن الكل فهل تقبل اعتذارى المتواضع ؟؟؟ :Wkiss5: |
رد: رابطة ملاك ومحبى السفينه فيات 132
اقتباس:
|
رد: رابطة ملاك ومحبى السفينه فيات 132
اقتباس:
المهم ان شاء الله تخلصها علي خير ويتريت تصورلي شكل الدلايات اللي هتجبها |
رد: رابطة ملاك ومحبى السفينه فيات 132
|
رد: رابطة ملاك ومحبى السفينه فيات 132
انهارده يا جماعه نزلت الورشه عندي حميت العربيه حمومت العيد
اولا جبت مسدس الجا ومليتو جاز ابيض وغسلت الموتور والحوض حته حته وبعد كده غسلته بمياه وبريل وبالمره روحت فاكك خرطوم المياه بتاع الكوعه وفضيت في الرادياتير كيس بريل وحطيت خرطوم المياه فيه وغسلت دوره المياه وطبعا نضفت الصالون تنضيفه تمام ومعطر وغسلتها من بره وروحت جايب كمبوند وبولش وفضلت المعها انا واخويا والنتيجه بقت كأنها لسه خارجه من المعرض قولو بسم الله ما شاء الله وربنا يحفظهالي |
| الساعة الآن 04:29 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017