رد: رابطة ملاك ومحبى السفينه فيات 132
 

ازي اعضاء الرابطه الاحباب
اتش - ادماير - القاضي - احمد صادق - مصطفي
انا ناوي ان شاء الله اعمل حملة صيانه للعربيه ابتداء من الاربعاء خامس يوم العيد
وعاوز اعرف كام حاجه
طبعا انا سافرت اسماعيليه يوم الخميس 9-8-2012 بعد الفطار صد رد ودي كانت اول سفريه بعد ما عملت طقم الشنبر بس لاحظت حاجه زعلتني اوي انا امبير الحراره كان واقف علي 90 طول الطريق مع اني لما كنت بسافر بيها قبل ماعمل طقم الشنبر حتي في عز الحر كان امبير الحراره لا يتعدي الربع مش عارف ليه بالرغم ان المياه مش بتنقص وطبعا سرعتي تكاد لاتقل عن 130
يوم الجمعه 10-8-2012 سافرت اسماعيليه الساعه الواحده ظهرا وبرده امبير الحراره لايقل ولا يزيد عن ال 90 ورجعت بعد الفطار فكنت عاوز اسأل ليه بقي امبير الحراره واقف علي ال 90 مش عاوز ينزل
طبعا كمان صوت البليه الامامي جهة اليمين كان عامل زي الجرار عامله نعره عاليه اوي بس مشكلتي اني بحب الجري ومطاوعتهاش وقرصت علي علي العربيه فهغيرها ان شاء الله بعد العيد تنصحوني اجيب بليه نوعها ايه واغير الشمال ولا لأ مع اني كنت مغيرهم من 3 شهور تقريبا
كمان كنت عاوز اجيب طقم بوجيهات بس مش غالي اوي اجيب نوع ايه وكمان كام شمعه وكنت عاوز اغير وش الاسبراتير اجيبه نوعه ايه وبكام
يالا ياعم اتش يالا ياعم ادماير يالا ياعم قاضي

رد: رابطة ملاك ومحبى السفينه فيات 132
 

إزيك يا أيمن أخبارك اه ؟
إزيكم جميعا وأحلى مساء عليكم جميعا

الجو اليومين دول حر حتى بالليل الحرارة ساعات بتبقى 90
اتأكد ان الردياتير مليان ميه على الأخر
انا الردياتير بتاعى زى المصفة ، ولما بزود مياه الحرارة بتنزل

سبب تانى للحرارة تزيد مع الجرى انها تكون مقدمة كهربا ، او وجود جوانين للوش

هتجيب بلى امامى يابانى او ايطالى ، وهل فعلا بقاله 3 شهور بس ؟ اكيد كان مضروب ، او الصنايعيى ركبه غلط
اهم حاجة الجديد ياخد زيت ويكبس شحم كويس

غطا الإسبراتير إيطالى لو موجود بإذن الله هتلاقيه او التركى أهم حاجة الخامة وتحتفظ بالقديم

حاول تظبط الكهربا من الإسبراتير وجرب موضوع السخونة دى

رد: رابطة ملاك ومحبى السفينه فيات 132
 

ازاي يا اتش العربيه تسخن لو فيها جوانين للوش مهو الاول كان راكب جوانين قبل معمل طقم شنبر ومكنتش بتسخن خالص مع الجري طب ازاي اعرف انها مقدمه كهربه علشان اظبطها هي سحبها كويس علي الطريق ولحد 140 بسهوله بس معتقدش ان الجوانين هما اللي عاملين كده بس قولي ازاي اعرف انها مقدمه كهربا هي بتدور الصبح بسرعه الحمد لله من اول مره
وكمان الحمد لله الحمد لله المياه مش بتنقص خالص

رد: رابطة ملاك ومحبى السفينه فيات 132
 

الحمد لله
احنا بناخد بالأسباب
فسبب زيادة إستهلاك البنزين وسخونة العربية تركيب جوانين لأن ساعات مجرى المياه مش بتكون سلسة
لو أخرت الكهربا سنة مش هتسخن بسرعة لكن خلى بالك علشان ماتسكش

رد: رابطة ملاك ومحبى السفينه فيات 132
 

يعني يا اتش المشكله غالبا في الكهربا مش حاجه تانيه اصل جالي وسواس ان الشغل بتاع طقم الشنبر الاخير مكنش كويس ولا ممكن يكون حاجه تانيه

رد: رابطة ملاك ومحبى السفينه فيات 132
 

رد: رابطة ملاك ومحبى السفينه فيات 132
 

منا قولتلك هات ورنيش اسمه (3100) تلاته ميه اسمه كدا وبلاش ورنيش اوميجا علشان بيصفر من الشمس او هات ورنيش جنرال او ورنيش ناشونال او هات ورنيش 3100 وهات عليه نص لتر سكنز تاخد بيه اخر وش وادعيلي وياريت تجيب المصلب اسكنز ميصفرش العربيه في الشمس خلي بالك دي اسرار عسكريه محش يعرفها وهات كارتيرات الشاهين وركب اليمين في الشمال والشمال في اليمين وادعيلي
بس قولي ممكن الكهربا تسخن العربيه في السريع ولا حاجه تانيه