رد: المختصر المفيد في الإلانترا الجديد
 

السلام عليكم
كل سنه و انتم طيبين
أنا اشتريتها و ركبتها مجبرا عليها كنوع لأسباب خاصة
و لو كان بايدى كنت جبت الفوكس أو الميجان...أو حاجات تانيه كتير أخيرها التويوتا
أنا نازل من لانسر 1600 مانيوال ايرباج ا بى اس وكيل
عملت بالالانترا 2000 كم
السيارة قبل صيانة ال1000 كانت 8.1 لتر كل 100 كم الآن 12 لتر كل 100 كم
صيانات دورية كل 5000 ب 160 جنية للصيانه اللى مبيعملوش فيها حاجه
العربيه واطيه
التابلوه و خصوصا الكونصول اللى فى النص خاماته رديئه
السيارة كاداء أفضل من اللانسر سالفة الذكر
التوكيل تجارى بحت يعنى مش بيربى زبون هو اكتفى و عالرف انه مش هيقدم نجاح جديد فى الكورى فبدأ يوجه مجهوده لأنواع تانيه زى المازدا لكن هو مش هيفرق معاه الزباين يزعلوا يولعوا يقلل سعر العربيه و يخرب بيوتهم أو حتى يروحوا يصينوا بره للزحام الشديد و اللطعة ...خلاص هو مل النجاح مع الماركة و الزبون ده عايز مستويات تانية عكس كيا لسه بيكافحوا أو بيجو لسه بيدوروا على الزبون أو حتى رينو عايزين الزبون يعرف ان ليهم كونسبت اقتصادى...بتوع تويوتا بردو زى غبور ده رأىي

رد: المختصر المفيد في الإلانترا الجديد
 

طب اقول نكتة ..
فاكرين فيلم fast and furious tokyo drift
فاكرين لما البطل الياباني جاب لانسر ايفو للبطل الامريكاني و البطل الامريكاني انبهر بيها ..
فاكرين الياباني قاله ايه ..
امال انت كنت فاكر انك هتسوق و تنافس باسمي و انت راكب هيونداي مثلا ؟؟؟
:CONGRA~238: :CONGRA~238: :CONGRA~238:
و توب جير ..
و الفرح اللي بيعملوه لما بيسوقوا عربية كوري ..
الاخ اللي بيقول الكوري تفوق على الالماني ..
في كام جينسيس و سوناتا ماشيين في مصر ..
و على فكرة ..
المصرية لسه فيها سوناتا 2010 زيرو و بيدللوا عليها هناك ..
الاوروبي اوروبي ..
و الياباني ياباني ..
و الكوري .. بيتطور
و شكرا ..

رد: المختصر المفيد في الإلانترا الجديد
 

والصينى بيعور هههههههههههههههه

والله لازم يكون فى فرق بين العربيات دى نتيجه سعرها وربنا يرزق الناس بالخير :fun_36_3_11[1]:
على فكرة محدش يقدر ينكر ان فى عربيات صينى كويسه ومنافسه بسعرها :dzy:

رد: المختصر المفيد في الإلانترا الجديد
 

لا تصدق خلاص طالما البطل قال فى الفيلم كده انا قايم دلوقتى ابيع العربية هههههه

رد: المختصر المفيد في الإلانترا الجديد
 

ايوووووه هو ده اللى انا كنت عاوز اوصله بالظبط وكان نقطة الخلاف بينا كلمة فى مصر لان فى البداية اما حضرتك اكلمت قولت العربية الالنترا موش كويسة فيما معناه يعنى .. ومفرقتش بين الالنترا الاورجينال هههه اللى هى نزله من المصنع الكورى واظن اعتقد انها ومثيلاتها الاوربى زى بعض وابقى ظلمتها لو قولت عليها وحشة وبين الالنترا اللى فى مصر اللى عملها عمو غبور ههههه واللى هى عبارة عن الشكل بس yesyes لكن مقولش بردة ان الالنترا اللى فى مصر وحشه زى ما قال اخ اصل فى فيلم fast and furious tokyo driftالبطل قال انت كنت فاكر انك هتسوق و تنافس باسمي و انت راكب هيونداي :w6w2005041122522161:w6w2 00504112239346e
وفى النهاية تقبل تحياتى وكل سنة وانت طيب SLAM

رد: المختصر المفيد في الإلانترا الجديد
 

يا جماعة الموضوع بسيط جدا جدا ومش محتاج أكتر من كام توضيح بسيط
أول حاجة :-
لو شركة هيونداي دي شركة محترمة كانت متسيبش الوكيل ينزل منتجاتها بالأسلوب والشكل والإمكانيات والتسعير اللي منزله غبور (الإستغلالي) .
يا أما بقى نظرة الدول المصنعة للدول المستهلكة المتخلفة نظرة فيها عدم تقدير إنهم حتى يفكروا ولو لحظة إنهم يدرسوا الأسواق بتاعت الدول دي بنفسهم لكن أغلبية الشركات العالمية سايبه الموضوع ده للوكلاء اللي هما أصلا مش هاممهم غير حاجة واحدة وهى تحقيق أرباح يالية في وقت قياسي من دم شعب غلبان ومعندوش حد يجيبلو حقه لأنه طول عمره اللي حاميه حراميه
وبالنسبة لجودة المنتجات الكورية هى فعلا بقيت على مستوى عالي جدا لدرجة أنها بقيت في مستوي الياباني مثلا
لكن عمرها بالعمر ما هتوصل لجودة الألمان والأمريكان على الأقل خالص على مدار 50 سنة قادمة
وبالنسبة بقى لمحل الموضوع وهى السيارة الإلنترا (على الرغم من أني عايز أجيبها وشكلها عاجبني جدا)
بس مش مقتنع بسعرها ومأخر قرار شرائي ليها لحد ما حاجة من الأتنين تحصل وهما كالتالي:-
1- يا أما سعرها يقل عن الإستهبال اللي بنشوفه ده .
2- يا أما أصبر كام شهر وأزود الفلوس اللي معايا وأجيب حاجة أوروبي محترمة وطظ في الشكل لأنه الشكل بكرة الواحد يزهق منه وخصوصا خصوصا لما يكتر حواليك وعنيك تأخد عليه
لأن بصراحة هو الواحد معاه كام 150000 عشان يجرب يغامر بيهم يعني أو يحس لحظة أنو أشترى الكنافة
هههههههههههه
تقبلوا تحياتي
ودايما أي رأئي بقوله ببقى على يقين تام أنه ممكن يكون صح أو ممكن يكون غلط ولكني بتقبل كل الأراء بصدر رحب
السلام عليكم

رد: المختصر المفيد في الإلانترا الجديد
 

أنا رأيي ان الفئات الأولى من النترا 2012 كويسة فى المضمون و السعر و الشكل..

يعنى لما تجيب الفئة اللى لغاية 130 او 135 الف هيكون الموضوع نوعا ما مقنع ، خصوصاً ان الموديلات التانية اللى فى رينج السعر ده كورى (كروز و سيراتو)، او يابانى بس مش نفس فئة السيارات المتوسطة
لكن لو حد عاوز يجيب الفئة اللى ب 160 الف، احسنله يكمل حاجة بسيطة و يدخل فى اليابانى المحترم زى السيفيك او اوروبى طبعا .. و لا أيه ؟!! :w6w200504111340266d