رد: يوميات سيترونتى........ الـ AX
 

نخش بقى على شغل الاضاءة بالليل
لاحظوا انى اضطريت اصور بدون فلاش عشان النور يبقى على طبيعته لذلك ممكن تلاقوا الصور مهزوزة شوية استحملونى بقى....ونشوف مع بعض

http://www.masrmotors.com/vb/picture...pictureid=3448
ده اسمه نور طيار عشان لمبته مدورة ومتحركة زى بتاعة السوبر جيت كده وبتشتغل مع الكونتاكت


http://www.masrmotors.com/vb/picture...pictureid=3449
ده نور الدواسة تحت التابلوه بينور بزرار لوحده اللى قولت عليه قبل كده عشان اشوف بالليل لو حاجه وقعت كده ولا كده او حبيت انظف او......او.......او...... .........


http://www.masrmotors.com/vb/picture...pictureid=3450
ده نور العدادت بس الصورة مهزوزة قوى المفروض لما شيلت اللون الاخضر من الورق انه ينور ابيض زى ماشوفت على المنتدى لكن لاقيت النور اصفر زى ماهو باين مش بطال برضه والالوان الاحمر والازرق انا اللى ملونها على الورق برضه ومافيش لمبه مش شغالة جوه العداد

http://www.masrmotors.com/vb/picture...pictureid=3451
ده النور الصغير بتاع بالليل


http://www.masrmotors.com/vb/picture...pictureid=3452
ده النور العالى غيرت اللمبات لان القديمة كان لونها ازرق بتدى نور على ابيض خفيف ومكتوم لكن الاصفر ده قوى وبيفرش احسن 200/260

http://www.masrmotors.com/vb/picture...pictureid=3453
ده النور الواطى

http://www.masrmotors.com/vb/picture...pictureid=3454
ده نور عين الكتكوت (الشبورة)

http://www.masrmotors.com/vb/picture...pictureid=3455
كده اضاءتة من قدام

http://www.masrmotors.com/vb/picture...pictureid=3456
مشط النور تحت الكراسى مع نور الدواسة الامامى برضه

http://www.masrmotors.com/vb/picture...pictureid=3457
شريط نور فى الشنطة بمفتاح واحد شده اسمة كده واحد شده
الشريط 90سم اشتريت 2 على انهم ابيض لقيت واحد ابيض وواحد ازرق

http://www.masrmotors.com/vb/picture...pictureid=3458
ده المفتاح واحد شده متثبت بسهولة جنب مكنة حزام الامان اللى فى الشنطة

http://www.masrmotors.com/vb/picture...pictureid=3459
نور الابواب بينور مع فتح الباب وبيقفل لما الباب يقفل او ندوس على زرار الباب برضه

http://www.masrmotors.com/vb/picture...pictureid=3460
علامة ستروين بتنور بالتبادل بين الكلمة والعلامة وتثبت لما ادوس فرامل وبتشتغل مع النور الصغير على فكرة العلامة متوصلة من لمبة النور الصغير فى الفانوس الخلفى مش من ذراع النور


http://www.masrmotors.com/vb/picture...pictureid=3461
ده فانوس شبورة خلفى بيشتغل اختيارى (من زرار لوحده بتاع الفابريقة فى التبلوه) مع انور الواطى بالليل

http://www.masrmotors.com/vb/picture...pictureid=3462
ده زرار نور الشبورة الخلفى موجود فى الاطار الخارجى لعلبة العدادات

http://www.masrmotors.com/vb/picture...pictureid=3463
ده زرار سخان الازاز اللى ورا شغال برضه

http://www.masrmotors.com/vb/picture...pictureid=3464
دى الزراير اللى قولتلكم عليها بتاعة نور الدواسات وفلاش البرق انا اللى مألف الزراير دى وعامل مكانهم زى مانتوا شايفين كده واللمبة الطويلة اللى قدام دى بتاعة الصالون الرئيسية بتنور مع فتح الباب وموصل عليها مشط نور ازرق ورا فى القوايم هنشوفها دلوقت


http://www.masrmotors.com/vb/picture...pictureid=3465
دى لقطة كده لفلاش البرق بينور بالتبادل بين الفانوسين حطيت اللمبات بتاعتة جوة الفانوس وقفلت عليهم بدواية لمبة الفانوس(محكمة جدا) والجهاز ورا الشبكة الامامية فى الوش ولفيت عليها لزق عشان تحميها من الميه واخدت السلك على جوه (عديته من الحوض) ووصلته بالزرار اللى جنب نور الصالون (الزرار الابيض) طبعا الكهربائى اللى وصل الاساسيات وانا وصلت اللمبات وشرايط النور والمشط والحاجات دى البسيطة


يتبع..................... ..

رد: يوميات سيترونتى........ الـ AX
 

http://www.masrmotors.com/vb/picture...pictureid=3468
ده مشط النور اللى بنور مع نور الصالون الرئيسى انا مش مركبة للمنظر لأ
ده اضرار جبته عشان الوحيد اللى مالوش قاعدة وبيتلزق ع الوش على طول وللأسف مافيش منه النور العادى زى نور الصالون لان الليد كله ابيض والوان وانا كنت عايز الاصفر العادى مالاقيتش غير الازرق عشان يمشى مع نور الدواسة الخلفى والغرض منه ينور بالليل برضه عشان اشوف لو فى حاجه على الكنبة اوتحتها

http://www.masrmotors.com/vb/picture...pictureid=3469
دى بقى الحركة اللى بعتبرها تعديل فى الفوانيس(ولو انه تعديل بسيط) ليه؟؟
لان المفروض الفانوس الشمال اخر لمبه فيه من تحت بتعة الشبورة الخلفى اللى قولنا عليها قبل كده واللى بقابلها فى اليمين نور المرشدير فانزلت نور وصلة نور الشبورة بفانوس منفصل لوحده(فى الصور اللى فاتت) ووصلت مكانه مع نور المرشدير بقى ينور يمين وشمال ...... ده اولا
ثانيا بقى الفوانيس الخلفية كل الوشوش بتاعتها من تحت احمر (مش شفاف) ومع الرجوع للخلف الاضاءة بتكون تقريبا مالهاش لازمة عشان كده فرغت الوش الاحمر ولزقت بداله وش ابيض بقى اضاءته واضحة زى ماهو باين فى الصورة بس اللون الاحمر الباهت اللى باين ده من اجمالى لون الوش ومن حوالين الابيض لكن كده بقى اوضح بكتير وبينور اكتر...... ادعوا لى بقى هههههه

http://www.masrmotors.com/vb/picture...pictureid=3470
كده شكله من قريب وعلى فكرة حطيت الفامية على الفوانيس الخلفية عشان يدارى على مكان التفريغ واللزق اللى عملته منه شكل ومنه حل

http://www.masrmotors.com/vb/picture...pictureid=3471
نور الكبوت بالليل بقى ولا مالوش نفس يعبر عن نفسه؟؟؟؟

http://www.masrmotors.com/vb/picture...pictureid=3472
وده الزرار بتاعة

يتبع..................... ...

رد: يوميات سيترونتى........ الـ AX
 

ايه المجهود الجبار ده يااستاذ ايمن مش ممكن صبر وعزيمه واصرار من فولاذ وحاجات تعبتك لكن باصرارك عملتها حقيقى انا عاجز عن اى كلمه اعجاب او انبهار بالى بشوفه ده لأه شىء ولا فى الخيال ونادر اوى لما واحد يجيب عربيتع على الفبريكه كده ويبنى فيها من اول وجديد حقيقى فعلا ستحق موضوع العام من وجه نظرى المتواضعه وامانه عليك بعد المجهود الجبار ده اوعى تفرط فى العربيه دى

رد: يوميات سيترونتى........ الـ AX
 

آخر عرض فيديو للاضاءة اعذرونى بقى الفيديو مش قد كده عشان كنت واقف فى حته ضلمة كحل وخايف حد ييجى يثبتنى وياخد منى مفتاح العجل ههههههههه
انا هشرح لكم اللى فى الفيديو بالترتيب كده وانتو عيشوا بقى مع الاحداث
الدنيا ضلمة وبفتح الباب وبنور نور الدواسة من الزرار اللى فوق ونور الدواسة هنا اصفر لمبه صغيرة كده اللى فى الشمال ساقطة شوية عشان مااحشرهاش فى الجلد وتسيحة
وبعدين طفيت ونورت وطفيت تانى وروحت للباب فتحت عشان نور الليد يبان ولونة اصفر قفلت وفتحت وقفلت تانى وفتحت وبعدين روحت للنور للباب اللى ورا وبعدين منظر للبابين مع بعض
وافتكرت اوريكم النور اللى ورا تحت الكراسى تبع نور الدواسة برضه ولونه ازرق مرة بصورة من ناحية الباب اللى قدام ومرة بعد مافتحت الباب اللى ورا وباين النور تحت الكرسيين
وبعدين حته سوده كده اثناء ما بفتح الكبوت وبدوس على زرار نور الكبوت وباين لمبتين منورين وبعدين طفيت من الزرار ونورت تانى ولقطة من بعيد
وبعدية شغلت فلاش البرق انا ظابطة انه يرعش بالتبادل بين الفانوسين طبعا نوره مش قوى بس شغال وهوه المربعات اللى اللى انتو شايفينها دى لانى حاطه جوه الفانوس
الخلفية بتاعة صوت الفيديو انا اللى مختارها لانى بحبها جدا اغنية sway with me,
وحسيت بقلق لميت العدة وقفلت ونسيت اصور نور الشنطة والمرشدير والفوانيس ونور الصالون ورا وقدام و....
معلش بقى ده اللى قدرت اعمله
ونشوف العك قصدى نشوف الفيديو ....
http://www.youtube.com/watch?v=pYSr-rSufTQ

لغاية كده الصور والشرح واللى عندى خلص ولله الحمد
لو كنت نسيت حاجه قولولى ونفتح بقى باب الاستفسارات والنقاشات واللى عايز يسأل
يللا يللا يللا يللا يا جدعان
ومش هنقول تانى يتبع لان اللى جاى بتاعكم انتو بقى
شكرا لكل اللى شاف او قرأ او شارك ياريت اى حد استفاد حاجه يدعيلى من قلبه
والسلام عليكم ورحمة الله وبركاته

رد: يوميات سيترونتى........ الـ AX
 

كلام حضرتك مس مشاعرى جدا جدا جدا وعلى قد ما كنت فى الحوار ده كله من اوله لآخره لوحدى(ومعايا ربنا طبعا)وكنت محتاج اى حد ان شاء الله يمسكلى مسمار عشان اعرف اصورة الا ان تقديرك ده خلانى احس ان الدنيا كلها كانت معايا بجد يا بيسو انا اللى عاجز عن شكرك على كلامك اكبر منى
ومش عارف اقولك ايه؟؟؟
بالنسبة لبيع انا فعلا كنت عارضها للبيع بسبب ضائقة مالية ولما ربنا فرجها ظبطها زى ما شوفت عشان احتفظ بيها على طول ان شاء الله لانها عربية تستحق الاحتفاظ بيها حتى ولو خردة
وشكرا لمشاركتك مره تانية

رد: يوميات سيترونتى........ الـ AX
 

رد: يوميات سيترونتى........ الـ AX
 

جزاك الله الخير كله على طيب كلامك ومديحك الذى يستحقة من علمنى (مصر موتورز بأعضائه)
والحمد الله الذى اعطانى الصبر وحب العمل
وكل اللى عملته مش اكتر من تجربة منقولة بتفاصيل ليس الا
ويشرفنى طبعا ان عضو كبير زى حضرتك يشارك فى موضوعى الف شكر ليكشكر وتقدير
باين حضرتك من امبابة برضه
سلام بإحترام لامبابة واللى منها واللى بيحبها هههههههههههههه