مصر موتورز مجتمع السيارات - سيراتو سياره الحوادث الاولي في مصر.

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - سيراتو سياره الحوادث الاولي في مصر. (https://www.masrmotors.com/vb/showthread.php?t=46266)

رد: سيراتو سياره الحوادث الاولي في مصر.

من زمان كان الناس بتقول ان الفرنا عربية الحوادث الاولى فى مصر وبعد كدة كل الناس قالت اللانسر البومة والقرش والان السيراتوا
مش المشكلة فى العربية احنا الشعب المصرى لو طلع حاجة جديدة كل الشعب يجبها وتنتشر جدا شعب استهلاكى جدا
وافتكروا كلامى كويس حتى الانترا الجديدة بعد عامين من الان هيتقال عليها كدة
احنا لية بنشوف ان حودثها كثيرة لما عربية يكون تم بيع منها 100 الف عربية وحصل حوادث فى 10 الف عربية هنحس انها كثير انما لو عربية اتباع منها 10 الف وحصل حوادث فى 1 الف عربية مش هنحث بيها
نسب وتناسب من عدد ما تم بيعة فى مصر

رد: سيراتو سياره الحوادث الاولي في مصر.

اقتباس:

المشاركة الأصلية كتبت بواسطة saif el din (المشاركة 461976)

تسلم يا باشا كلام زي الفل ومنطقي جدا ROSE4UROSE4U

رد: سيراتو سياره الحوادث الاولي في مصر.

بصراحة مجربتش السيراتو قبل كدا ( الحمدلله ) :shyy:

بس حوادثها كتير فعلا صاحب ابن عمي - الله يرحمه - اتوفي في حادثة سيراتو

مع احترامي للناس اللي بتقول ان هوينداي و كيا نفس الانتاج !!

فــ النترا ثابتة الي حد ما .. بس مش زي الألماني طبعا .. بس مقبولة

تسلم ع التوبيكــ

رد: سيراتو سياره الحوادث الاولي في مصر.

طيب ما اللانسر بوما أكتر أنتشار ومع ذلك مش بنشوف أبدا كمية الحوادث دى.أعتقد المشكلة هى أن شكله بيخلى الواحد يفتكر إنه راكب بى أم ويجرىHPPYBUS

رد: سيراتو سياره الحوادث الاولي في مصر.

يا جماعه السيراتو زيها زى اللأنترا كله قريب جدا من بعضة سبب الحوادث اعتقد انها بتشجع على الجرى والتهور وكمان هى منتشره وكذلك نسبة الحوادث هتكون عاليه بس معتقدشى ان فيها عيوب موت دى مش نازلة مصر بس هى الناس الى بتجرى جامد واى عربيه هتلاقى منها كسر زيرو مش جديد

رد: سيراتو سياره الحوادث الاولي في مصر.

الى عنده دليل منطقى مدعم بالصور ينشره وبلاش كلام بدون دليل لان الشعب المصرى يعشق الكلام والجدال :014FDA~117::017165~155:

رد: سيراتو سياره الحوادث الاولي في مصر.

اقتباس:

المشاركة الأصلية كتبت بواسطة fineart607 (المشاركة 482303)

الى عنده دليل منطقى مدعم بالصور ينشره وبلاش كلام بدون دليل لان الشعب المصرى يعشق الكلام والجدال :014FDA~117::017165~155:

بسم الله الرحمن الرحيم

ازيكم كلكم بلا استثناء دي اول مشاركه ليا في المنتدي مع اني عضو فيه من سنه وفدني كتير لما جيت اشتري عربية بس ماكانش عندي حاجه افيد بيها لسه.
دلوقتي وبعد سنه مع الكيا سيراتو الكامله سعودي أقدر ان شاء الله افيدكم واشارك معاكم بخبرتي المتواضعة.
عشان نقدر نحكم علي عربيه او نقارن بين كذا عربية لازم نثبت العوامل المؤثرة في المقارنه زي الطريق وحالته, اللي سايق و خبرته ,يعني المقارنات السابقه مش دقيقه لانها مبنية علي خبرات مختلفة لاشخاص مختلفة في ظروف مختلفة.
بالنسبة لموضوع الثبات في السيراتو انا معايا المواصفه اللي تحت الهاي لاين جنط .17 العربية علي اي طريق محترم ملهاش حل بتوصل ل 180 وهي ثابته جدا زي طريق مصر الاسكندرية الصحراوي وده طريق مطابق للمواصفات العالميه بجد بتحس بأن الجنط ال 17 نعمه.
الثبات علي الدائري بالنسبه لحاله الطريق ومطبات الهوا العربية تمام لغاية 140 : 150 بردو ثباتها ممتاز بالنسبة لحالة الطريق.
ملحوظه الجنط ال 17نعمه علي الطرق المحترمه ونقمه علي الطرق المكسره او الخشنه او اللي فيها مطبات هواء لانه بيرفع تأثير العوامل دي علي ثبات العربية. بس اللي بيسافر كتير افضل له ال 17.
نسبة كبيره من الحوادث سببها اللي سايق وبما ان العربيه سحبها قوي والاتوماتيك فيها تجميعها سريع فبتغري اللي سايق انه يطير مع طرق ضايعه وحفر و مفاجأت فطبيعي ان الحوادث تبقي قاتله حتي ماسكة الدريكسيون ليها دور في الثبات نسبه كبيره مننا بيسوق بايد واحد و يمسك الدريكسيون بتراخي ودي كارثه.
تفتكروا ليه الطرق بتاعتنا السريعه اقصي سرعه 90 ؟؟؟؟؟
لان الطرق ما تحتملش اكتر من كده حالتها وانحناءتها مع السرعات اللي اعلي من كده بتقلل من تحكمنا في العربية في الظروف العاديه و مفيش تحكم في الظروف الخاصه او في حاله الحوادث لا قدر الله.
لكن العربية بصفه عامة ممتازه بالنسبه لسعرها و شكلها وامكانيتها.
معلش طولت عليكم وربنا يسترها معانا كلنا.