رد: فيرنا 1600cc
 

طلعت النهارده من البيت الساعه 4 الفجر عشان اخلص باقى التليين العربيه كانت عامله 640 كيلو , اخدت الدائرى من اول طريق الاسماعيليه و بعدين نزلت على طريق اسكندريه الصحراوى لحد موصلت على مدخل الاسكندريه و رجعت تانى على توكيل هيونداى فى ابورواش وصلت عندهم الساعه 9:30 تقريبا ptmnlo123per1106استلمه العربيه و قالولى الاستلام على 12:30 ptmnlo123per172, المهم قدت شويه فى الكافتريا بعدين حبيت اشرب سيجاره , فرحت اوضة المدخنين " انريه صغير مقفول عشان المدخنين, هناك اتعرفت على كذا واحد معاه فيرنا و دار بينا حوار طويل,, اول واحد عنده فيرنا 2009 عامله 7000 كيلو و بيشد شعره من الزوايا " عربيته بتحدف يمين جامد" رغم انه ركب جنوط سبور جديده, المهم قعد يحكى عن ماساته, بعد متخانق معاهم خله بتاع العفشه يشتغل فيهه و صاحب العربيه شاكك يا اما يكون المقص فيه حاجه او يكون المساعد مش راكب صح و الى قالو كده واحد بتاع زوايا و عفشه بره التوكيل, بس معرفتش حل المشكله مع التوكيل ولا لا لانهم نادوه على اسمه و مشى, التانى كان لسه فى صيانة ال1000 و حيغير الطنابير المصرى بس حيدوفعوه تمن التيل!!!!!, المهم بعد طول انتظار استلمت العربيه قالولى غيرنالك زيت و فلتر و ربطنا العفشه, و انا راجع بيهه من التوكيل صوت الموتور كان اهدى بعد تغيير الزييت و حسيت ان العربيه احسن من ناحية العفشه " يمكن يكون ايحاء ptmnlo123per1105" , المهم دفعت 130 جنيه غير بنزين ال400 كيلو الى عملتهم ptmnlo123per195

رد: فيرنا 1600cc
 

نسيت اسالهم على ال PIN CODE بتاع العربيه عشان لو حصل حاجه غلط فى سيستم النذار اعرف ادورهه, حد سال على ال PIN CODE قبل كده؟

رد: فيرنا 1600cc
 

مبرووووووووك للفيرناويه الجدد
وربنا يبارك لكو فيها

رد: فيرنا 1600cc
 

بتستحمل وبتجرى اوعى تعدى 130 انا جبت 160 بيها كنت مأجرها مش سابته خالص الف مبروك مقدما

رد: فيرنا 1600cc
 

تحياتى لجميع المنئين بالفيرنا

ولكن ايه الشكاوى الكتيرة اللى بدا المستخدمين للفيرنا يتكلموا عليها -- يعنى وفقا لكلام العضو lost 2008 لما اتكلم على احد مالكى الفيرنا قال --اول واحد عنده فيرنا 2009 عامله 7000 كيلو و بيشد شعره من الزوايا " عربيته بتحدف يمين جامد" رغم انه ركب جنوط سبور جديده, المهم قعد يحكى عن ماساته) -- هل ممكن المأساة تبان بعد ما تكون جايب العربية زيرو واللا ممكن يكون الناس دول اشتروها من معارض يعنى عربيات مستهلكة -- على فكرة انا فاكرة لما كنت بتعلم السواقة كنت انا اللى بحدف شمال فهل ممكن يكون المالك دة هو اللى بيحدف يمين وجايب اللوم على العربية ؟؟؟؟ ** سؤال يستحق البحث عن اجابة!!!!

رد: فيرنا 1600cc
 

الحمد لله انا و جميع اصدقائى معندناش الحكايه دى خالص لكن ممكن تكون بسبب الطلعه الشديده العربيه تحدف منه ليه

لان الكوبلن الطويل بيكون نحيه اليمين و باخد السرعه اكتر من الشمال فى حاله الطلوع بسرعه بالتالى الفرده اليمين بتتحرك اسرع من الشمال علشان كده ممكن تلاقى الحدفه فى الطلعه السريعه

و دى بتحصل معايا فعلا لكن السرعه العاديه مافيش مشاكل

رد: فيرنا 1600cc
 

شكرا على التوضيح ومنكم نستفييييييييييييييد