رد: هواء السلانسيه فى الحقن الألكترونى
 

اخي الفاضل اشكرك على اهتمامك وسرعة الرد مما اثلج صدري . وبالنسبه للسيارة حقيقه انا اشتريتها على عجل منذ حوالي 5 شهور ولا اعلم نوع البواجي الاصليه لها .على كلا ساذهب يوم السبت ان شاء الله الى الشركة واشتري لها البواجي .وان كنت تنصحني بنوع ما انا في الانتظار .
اما بالنسبة للنوع الموجود عليها الان فهو NGK .... BK6E Japan / M9XX l تم تنظيفها منذ حوالي 10 ايام واستعملها منذ حوالي الشهرين .

رد: هواء السلانسيه فى الحقن الألكترونى
 

اضافة بسيطه / بالنسبه للبواجي لايوجد فارق يذكر بين وضعها جديدة وقت الشراء وبين تنظيفها واعادة تركيبها . والوقت التي تحتاجه لاعادة التنظيف او التغيير ففي احسن الاحوال لا تصل 3 اسابيع لكي تحتاج الى تغيير . وعند استعمال البنزين في السير لا تتحمل اكثر من 350 كم لكي تحتاج الى التنظيف او التغيير .

رد: هواء السلانسيه فى الحقن الألكترونى
 

طبعا السياره عندك حقن ألكترونى كامل ................أربع رشاشات

أنا لاحظت عدم تواجد حرف R على بوجيهات سيارتك

وده بيكون موجود فى بوجيهات الحقن الألكترونى

عندى بسيارتى النوبيرا

البوجيهات الأساسيه NGK

نوعها أو تصميمها

BKR6E-11

ممكن تستعملها

أو تستعمل النوع ده برضه ( أنا مشغله معايا حاليا )

أيضا أنتاج NGK ولكن تصميم مختلف

BKR5EYA-11


أنا عاوزك تجرب القصه دى بتاعة البواجى الأول

وياريت يكون النوع التانى لأن مداه الحرارى أعلى من الأول

وبيدل على أن الشمعه أكثر سخونه

وبالتالى ذاتيتها فى التنظيف SELF BOLISHING

أفضل من الأساسيه كمان

رد: هواء السلانسيه فى الحقن الألكترونى
 

تحياتي مهندس سمير. لفد فعلت ما تفضلت به ووضعت البواجي من النوع

NGK
R
BKR5ES
11
made in korea
اضافه الى التاكد من سلامة الخيوط الكهربائيه الموصله لهم والبطارية .وكذلك فلتر الهواء ورغم ذلك لاجديد على عملية الاحتراق . خروج للدخان الاسود وطبعا استهلاك زائد للوقود .
علما انه اذا بقيت المسأله في هذه الحدود اي ان تنظف البواجي نفسها فهو انجاز كبير . مره اخرى تحياتي لك منتظرا اي جديد . والى لقاء .

رد: هواء السلانسيه فى الحقن الألكترونى
 

فى الحقيقه كده دورة الأشعال مفيهاش مشاكل

والعيب متجه بقوه تجاه دورة البنزين

واضح أن الضغط كبير على الرشاشات

لما بتحول على البنزين

ممكن يكون السبب خط راجع البنزين مش شغال كويس

لأى سبب من الأسباب

وغالبا بيكون السبب بسبب بلف تنظيم ضغط البنزين

الموجود على نهاية مسطرة الرشاشات

أو فيه مشكله فى الرشاشات نفسها

بتسيل بنزين كتير

ولى سؤال عندك

كيف يتم دخول الغاز لغرف الحريق عندك

وهل يمكنك رفع صوره لوضع توصيلات الغاز على المكنه نفسها

لأننى عاوز أتأكد من عدم وجود علاقه بين الغاز والرشاشات الأساسيه أيضا

لعدم تعرضى السابق لهذا التداخل بين الغاز والبنزين كدوائر حقن

رد: هواء السلانسيه فى الحقن الألكترونى
 

اخي الكريم بعد التحيه . مرفق لك صوره اتمنا ان تجيب على سؤالك . ولي استفسار كيف يمكنني التاكد من صلاحية بلف تنظيم البنزين وكذلك الرشاشات .
تقبل تحياتي والى لقاء .

رد: هواء السلانسيه فى الحقن الألكترونى
 

نعم بالفعل الصوره جاوبت على تساؤلى

ولا يوجد علاقه بين الرشاشات والغاز

بلف تنظيم ضغط البنزين فى الحقن الألكترونى

بيعمل غالبا من خلال خط تخلخل أو فاكيوم من بعد بوابة دخول الهواء لغرف الحريق

بيكون عامل زى رداخ البنزين بتاع زمان ( مع الفارق )

خط التخلخل بيرفع رق البلف من الداخل ( حسب التخلخل )

وحسب ضغط السائق على دواسة البنزين

ومن هنا بيتم ضبط ضغط البنزين فى مسطرة الرشاشات

نعمل أيه أحنا علشان نعرف البلف شغال ولا لا

هناك طريقتين بدائيتين

1- نحل خرطوم الفاكيوم الذاهب لتشغيل البلف ( من بعد البوابه )

بعد تشغيل المكنه فتره من الوقت

لقينا الخرطوم فيه بنزين

يبقى رداخ البلف مقطوع وتالف

2- ممكن نشغل المكنه عادى جدا ....ونجس بحاسة اللمس بقبضة اليد خط الراجع من نهاية مسطرة الرشاشات ....ورايح لتنك البنزين

لقينا مفيش ضغط يذكر أو سريان للبنزين بيرجع للتنك ( يبقى البلف مبيفتحش فعلا )

وقافل السريان على راجع البنزين للتنك

الرشاشات

يمكن أختبارها بطريقتين

1- بأخراج المسطره كاملة بالرشاشات بره المكنه وفيش الكهرباء واصله

ونفتح الكونتاكت على وضع ماقبل سنة المارش

طلمبة البنزين حتودى البنزين لمسطرة الرشاشات

لو لقينا البنزين بيشر أو بيسيل على هذا الوضع ( والمكنه مش شغاله )

يبقى الرشاشات وحشه ومحتاجه تتغير

2- يمكن أختبار تسيل الرشاشات أيضا على جهاز الأختبار المخصص لهذا الأختبار