مصر موتورز مجتمع السيارات - الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة medo akef (المشاركة 145715)

اهلا اخي
انا مش عارف ليه كل ما اقول لحد تربو سواء في لانسر او مرسيدس او اي عربيهي قول ركبه ازاي لا المواتير بتاعت اصحابي دي بيجبوها من بور سعيد بالتربو بتعها مواتير اوروبيه كامله مبنحطش فيها مصمار احنا و لاحظ كلامي مشوار 7 ساعات خدناه في 3 ساعات دي لو فورميلا ون كان زمنها ضربت في نص الطريق:waving:
اما عن تركيب التربو اولا عربيتك اصلا مش محتاجه تربو صحبي بعد ما والده شاف افتراه قرر يربيه و سقط له موتور 2400 سي سي بس و ديزل كمان يعني الراجل خلاص نسي ايام الجري بس في التخميس اسطوره مسكت فرامل مع بنزين تلاقي الدخان الابيض بيخشلك من مكان التكييف ولله بنتخنق جواهاptmnlo123per122
اما عن تركيب التربو عندك دا موضوع كبير اوي و مش هتقدر تعمله لانك هتحطه في عربيه مرسيدس اولا هتحتاج نوع كبير اوي و تربو جبار و اسعار فوق الخيال و لا ما تقفله و تجيب كل استلزاماته هتدفع تمن العربيه مره و نص بدون مباله الحل الوحيد تسقيط موتور و اعتقد انت مش محتاج اصلاptmnlo123per1147

ربنا معانا يا مان:HAPPY_~211:

كلام جميل يا مان و انا بفكترا 2000 اوتو 193 كيلو في طريق لا يتعدي ال3 كيلو و العربيه كان لسه فيها كتير اصلا و ثبات تحفه
بس عاوز رايك يا مان في موضوعي انا معي لانسر 1300 اوتو 2009 و في صدد تجنيطها هي 14 زي ما انت عارف مش عارف اجيب جنط اصلي بتعها الي بيسموه عش النمل باين و احط في العجل الي عندي عني هيكون نفس المقاس اصلا
ولا 15 بس مش هينفع اجيب اصلاي الانه واقف علي ب7 الاف و ده كتير اوي هجيب صيني عادي ب1600 انا عارف انه هيتقل العربيه تمام بس من نحيه سحب البنزين و تسارع العربيه و العفشه ممكن تعمل فيهم مشكله؟

موتور تربو جاهز ده عز الطلب انا فاكره متربن عشان كده بستفسر عشان ليا اصدقاء متخصصين و محترفين تربوهات و عملوا مشاريع تعديل كتير في العديد من انواع العربيات زي الجولف 2 و 3 و ال 128 و الفيرنا و الدايهتسو و هكذا فا قلت اسأل لان ممكن يكون عارفهم ولا حاجةptmnlo123per122

انا حتي لو حبيت اركب تربو في المرسيدس بتاعتنا هلاقي ادامي عقبة ان والدي مش هيوافق هيقولي 182 حصان عايز ايه اكتر من كده:D و اكيد عشان اركب علي موتور زي ده هجيب hks او garrett و عشان اعمل شغل صح و اتربن الموتور صح و اجيب حاجات ماركات نضيفه مش هيقل عن 10-15 الاف جنيه عشان اخد نتيجه جباره :)

سيبك من الجنط الاصلي يا باشا هيبقي غالي اوي هات جنط 15 هيظبط معاك اوي و هيثبتها اكتر و شكلها هيبقي اجمل كتير

و اوعي تجيب جنط صيني ده بيتفرتك زي الازاز و سعره عمره ما يوصل 1600 جنيه

كان فيه جنطbbs الماني بتاع سباقات 15 معروض ب 1550 علي الفيس علي جروب every thing for sale كلم ادمين الجروب اسمه gobe civic و اسأله عليه و هو هيقولك الجنط بتاعي انا اشتريته من الجروب ده علي فكرة و اشتريت منه حاجة تانيه كمان

و سحب البنزين لم يتخلف تماما عندي و محصلش اي مشاكل في العفشه و تسارع العربية لم يتأثر الفرق الوحيد ان الشكل بقي تحفه و الثبات زاد جدا في الغرز انا دلوقتي مركبه بقالي شهر و 4 ايام و لو هتجيب جنط يا اما تجيب ماركه و تكون اصلي و زي o.z الايطالي او bbs الالماني او ronal الماني او تجيب حاجة صناعة ماليزي او اندونيسي و اضعف الايمان تايواني لكن صيني لا و الف لا انا جنطي ماليزي و عن تجربه ممتاز و صلب جدا بس يكون حالته حلوه و تبص علي الريش من جوا لو فيها شروخ او لحامات متجبوش و لو فيه ريشه ملحومه متجبوش و كده

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

ايه ياجماعة ده انتو بتتكلمو عن الغرز كانها شىء عادى وطبيعى حرام عليكو نفسكم وحرام عليكم غيركم انا شفت ناس بتتخض لما حد يعمل غرزة جنبها او حواليها وكده هتقع فى مشكلة مع ربنا ياحلو
قال رسول الله (صلى الله عليه وسلم ) من روع (خوف )مسلما روعه (خوفه) الله يوم القيامة /صدق رسول الله (رواه البخارى ومسلم )
مين فتوة على ربنا ومستعد يخوف كل الناس ومش خايف من تخويف ربنا له ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حرام عليكم
اجرى محدش قال لك لا بس الجرى له اصول اهمها
حساب المسافات
عينك جايبة اخر الشارع
تنبه اللى انت جاى من وراه ( نور او كلاكس ) مش تعدى من جنبه زى الطلقة وتعمل تفريغ هوا يخبط فى الباب عنده يقوم يتخض
نفسيا مجهز رجليك تبقى قريبة من الفرامل
فرامل على الشعرة
انما التفاخر بالغرز ده حرام وشرعا مينفعش اتقوا الله فى انفسكم وفى الناس

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة خالدخليفة (المشاركة 145949)

كلام حضرتك كله صح بس اللي انا حكيت عليه ده كان علي الدائري مش في الشوارع وسط الناس و انا عن نفسي مش بعمل ده في الشوارع عشان لو حصل اي موقف مفاجئ شخص ظهر ادامي فجأة او طفل او او ممكن يموت فا الواحد بيبعد عن الغرز و الجري في الشوارع العمومية بالذات رغم ان ساعات الواحد يبقي ماشي هادي جدا و المصيبة تجيله لحد عنده و اخرها في شارع الهرم ماشي 60 و واحده معديه ماسكه طفل في ايدها الطفل فلت من ايدها و كنت بينه و بينه مش كتير و ستر ربنا اني مدستوش يعني مش اصحاب العربيات بس هما اللي المفروض يراعوا المفروض الناس تراعي كمان

و صدقني ده مش تفاخر احنا بس بنتكلم في نقطة ثبات العربية و ان الثبات الحقيقي بيبان في الغرز مش في الطوالي مش اكتر

و مشكووور علي التنبيه و النصيحه الغاليه :) و جزاك الله خيرا ptmnlo123per122

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة mohamed ibiza (المشاركة 145956)

اشكر ليك اهتمامك بالنصيحة لكن مايسرى على اى طريق يسرى على الدايرى يعنى انت هتاخد الغرزة وانت لوحدك فى الشارع؟ اومال يبقى اسمها غرزة ازاى؟؟؟؟ والدايرى اولى بالنصيحة دى لان فى ناس اصلا بتخاف من الطرق السريعة
وربنا يسترعليك وعلينا
اللهم آمين

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة mohamed ibiza (المشاركة 145685)

الفيرنا بتعدي ال 220 كمان :D

اما يوم رمضان ده كان الاتي يا كروسير

ابيزا 94 1300 سي سي غلبانه و قريبا 2000 :D

فيرنا 1600

اوبل فيكترا 2000 سي سي اوتو

الابيزا 170 و الحمد لله غرز يمين في شمال و الثبات روعه و بعد الجنط 15 هيبقي اروعptmnlo123per122

فيرنا 180 ماشي مستقيم لا يمين ولا شمال :D:D

اوبل فيكترا سرعة كانت فوق 190 ورا عربية نقل بمقطورتين و غرزه بشعه !! ربع الفيكترا الامامي عدي من تحت المقطوره و خد الغرزه و طار من جنبها و صوت الكيك دوان خرم ودني !! بسم الله ما شاء الله علي ثباتها انا كنت ماشي 160 و سومو جاي مجمع من ورا و خد الغرزه دي و هو في اقصي اليمين و انا في الشمال و العربية بجد لو مش ثابته كانت اتزحلقت لا محاله في غرزه زي دي علي سرعه زي دي !!

هو ده الثبات بجد و صدقني لو جنطت عربيتك يا محمد هتفرق معاك جدا يعني انا عربيتي مشهور عنها انها ثابته و لازقه في الارض و كانت جنط 14 و كاوتش مقاسه كان غلط كمان المفروض 185/60 و اللي كان راكب كان 175/65 دلوقتي 195/50 جنط 15 صدقني فرق جامد بقت اكثر ثباتا من الاول و أأمن في الغرز بكتير و يا سلام عليك لو جنطت و جبت طقم سوست سبور هتبقي فتاك:HAPPY_~211:

علي فكرة والله امبارح كنت مع واحد صاحبي معاه فيرنا و مجنط 14 كمان والله بدون اي مبالغه قالي فرامل الفيرنا في السرعة تهديها لكن متوقفهاش والله قالي كده بدون اي حرف زياده مني و ساعتها قلتله هات طقم تيل امامي ebc و ديسكات مهواه او هات دوشمتين فرامل كاملين بتوع المكنة ال 2.0 و نفس الرأي ده عن الفرامل قاله نايل ستورم قبل كده

انتا استاذ يا حمادة انتا وسومو بس بلاش تهور انا بالنسبالي مره وعدت وعايزين نشوف نظام الابيزا معاك يا يا حمادة بعد ما تخليها 2000 cc وعايز اعرف هتخليها 2000cc ازاي يا مفتري وبالنسبة عندي مينفعش اجنط الا 13 علشان متخرجش بره الضمان وربنا معانا ومعاك يا معلم وبلاش تهور يا جميل

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

اقتباس:

المشاركة الأصلية كتبت بواسطة Mr.Mamo (المشاركة 145687)

أنا فعلا كان أخري 180 وكنت بخلي معايا 3 زمايلي عشان اتقل العربية شوية بس هم بعد الـ 180 طلبوا مني اني ابطل تهور و استجابت بس و الله كان فيه زيادة
بس فعلا ملهاش لازمة ماستفدش حاجة و كنت متضايق بعد كده اني كان ممكن يحصل حاجة ليه و لزمايلي و قررت ما اعملش كده تاني
وياريت تبقي معايا في كده

انا معاك والله يا استاذ مامو وربنا يسترها علينا والواحد فعلا يمشي علي مهله احسن ما نتروق بعد كدا

رد: الناس اللي بتقول ان الفيرنا ضايعه بعد 120 كيلو ثانية واحدة لو سمحتوا

الى اخونا كاتب هذا الموضوع انصحكم بقراءة هذا الموضوع وهو تجربة شخصية لاحد اخواننا هنا فى المنتدى مع ملحوظة بسيطة انه بيقارن الفيرنا بمثيلاتها اللانوس والاسبرانزا مش بفئات كبر منها زى الالينترا والبى ام
http://www.masrmotors.com/vb/showthread.php?t=9755