|
رد: تحديد ميعاد مقابله مصر موتورز و بيجو نهائيا
كان نفسي اوي اكون معاكم يا جماعه ....
بس للاسف فيه ظروف تمنعني اجي .... كل ما ادخل الاقي الناس اللي جايه هي اللي بتكتب بس طبعا انا اللي خسران اني مجيش ... بس اني اكتب واقول كان نفسي اجي احسن من اني اسكت خالص بس ربنا يسهل لو قدرت اخلع ساعه ولا حاجه ... على الاقل اتعرف على الناس الحلوه اااه ..... اشكرك يا نور على الفكره الهايله دي و متابعتك ليها .... وياريت تتكرر تاني وان شاء الله اكون اول واحد يكون موجود وسلامي لكل الناس اخوكم / سامح رمزي |
رد: تحديد ميعاد مقابله مصر موتورز و بيجو نهائيا
انا في انتظركم ان شاء الله
|
رد: تحديد ميعاد مقابله مصر موتورز و بيجو نهائيا
انا كمان بعتذر على عدم المجئ لظروف مرض بنتى والله وكنت محضر كاميرا الفيديو واكيد فعلا حظى وحش انى مجتش وملحوقة فى مواعيد تانية انشاالله
بس كنا عاوزين حد يقلنا ايه اخبار المقابلة وايه اللى حصل فيها شكلكم رجعتم بالسلامة نور موجود وابو نورا موجود حد يبلغنا يارجاله |
رد: تحديد ميعاد مقابله مصر موتورز و بيجو نهائيا
الحمد لله المقابله كانت حلوه و ضحكنا كتير و كلنا اخدنا برد كتير
و اكتر موقف حلو ان اي حد كان بيقوف الكل بيقف و ابو نورا وزع علينا العديه و ان شاء الله المقدرش يجي يشرفنا في المقابله الجيه و شكرا ليكم جميعا و سعيد جدا اني اتعرفت بيكم و الف سلامه علي بنتك يا ايمن باشا |
رد: تحديد ميعاد مقابله مصر موتورز و بيجو نهائيا
اسمحولى يا رجاله انى احاول انقلكم المقابله
اولا الاعضاء اللى حضروا المقابله (كامله لان فى ناس مشيوا بدرى وعلى رأسهم زعيم الهيونداويه احمد انور) ابو نورا-احمد كار-نيسان-لانسر ستايل-محمد ابيزا-سومو-نور-بوب الجامد(العبد لله) فى ناس كان معاهم عربيات وناس لا نقول برضه ايه اللى كان موجود شهاب 3(كيا برايد بتاعت ابو نورا) فيرنا (احمد كار مشرف الكورى طبعا) فيكترا (سومو) رينو R19 (بتاعتى وطبعا انجازاتها معروفه)ptmnlo123per112 دول كانوا الناس اللى فضلوا موجودين لغايه ما مشينا كلنا من الربوه الفكره كلها بقى اننا قومنا من الكافيتريا على اساس اننا هنخرج وفى الاخر فضلنا وافين فى التلج بره اكتر من نص ساعه بسبب الكلام والنقاش وفى الاخر مشينا من غير ما نروح حته بس احنا عايزين ناس اكتر فى المقابلات الجايه دى تعتبر احصائيات للمقابله مش وصف وفى الاخر حقيقى والله انا اتشرفت جدا انى اتعرفت على الشباب دى وحبتهم فى الله وارجو انى اكون مضايقتش حد |
رد: تحديد ميعاد مقابله مصر موتورز و بيجو نهائيا
المقابلة كانت جميلة بصراحة و انا كنت مبسوط انى اتعرفت على ناس جديدة
و ائل ادانا عدية (ممبلغ و قدرة ) و الى مجاش امبارح حظة وحش و وائل هينزلكو بصور حصرية من المقابلة و الى مجاش المرة ديت يجى المرة الجاية ان شاء الله و هنحدد موعد تانى ان شاء الله عايزن المنتدى كلة يكون موجود فى اليوم دة |
رد: تحديد ميعاد مقابله مصر موتورز و بيجو نهائيا
الف سلامة على بنتك يا ايمن وياريت تطمنا عليها عاملة ايه دلوقتى وباذن الله نشوفك فى المقابلة الجاية المقابلة كانت جميلة جدا الحمد لله وقضينا وقت ظريف اتعرفنا فيه على بعض واتكلمنا وهزرنا كأننا نعرف بعض من سنين مع ان اغلبنا كان اول مرة يشوف بعضة على الحقيقة اهم المواضيع التى تم مناقشتها التوكيلات (حرامية ولا لاء ) ثبات السيارات بين الحقيقة والانطباعات الشخصية السيارات الصينية وانتشارها انشطة المنتدى وفعالياتة فى الفترة القادمة واخيرا اشكر كل اللى حضروا واتمنى لكل اللى مجاش انه يقدر يجى المرة الجاية http://www.up-3rb.net/uploads/images/3rb-dc5a4bc0e8.gif |
| الساعة الآن 01:19 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017