|
رد: هيونداى ماتريكس ..هل فعلا سيارة تستحق الاحترام ؟
اقتباس:
نيجي للمصاريف جوة التوكيل مش غالية اوى زى الالمانى و رخيصة اوى و انما متوسطة برة التوكيل و طبعا لان موتورها موتور الفيرنا صيانته سهلة جدا و قطع الغيار عند البقال ;) اما عن الفتيس الاوتو مش مقتنع بيه لانه مش بيدى للعربية التسارع اللازم و بالتالى مش هتحس بقوة الموتور و انا شخصيا استحرم ادفع فلوس فى عربية ما تكونش موتورها قوى و مش حاسس بيه اما من ناحيه اعطاله تقريبا مافيش مرة واحد اشتكى من عطل فيه و آلية عمله ممتازة بس محتاج حبة تطوير |
رد: هيونداى ماتريكس ..هل فعلا سيارة تستحق الاحترام ؟
شكرا لردك السريع و ربنا يبارك لك فيها و عقبال ال santa fe
|
رد: هيونداى ماتريكس ..هل فعلا سيارة تستحق الاحترام ؟
تقرير ممتاز عن عربية انا بعشقها جدا وهي الماتريكس
تسلم ايدك يا ابو حميد وربنا يديك خيرها ويكفيك شرها |
رد: هيونداى ماتريكس ..هل فعلا سيارة تستحق الاحترام ؟
يا مرحب بالماتركسوية منور الدنيا يا ابو حميد
انا ها اتناقش معاك وحده وحده في موضوع الفتيس الاوتوماتك بعد شوية علشان دلوقتي نازل رايح الشغل |
رد: هيونداى ماتريكس ..هل فعلا سيارة تستحق الاحترام ؟
اهلا بيك استاذ احمد في عائله الماتريكساويه
ومقدرش اعلق على موضوعك غير اني متفق تماما معاك في كل اللي حضرتك قلته لدرجه اني حسيت انك دخلت جوه دماغي جبت منها التقرير :) مع اني كنت عملت عنها تقرير قبل كده بس للاسف طلع معقد و مكلكع شويه بس بصراحه تقرير حضرتك سلس جدا و جاب المفيد يمكن الفرق ان عربيتي اوتو و بالتالي استهلاك البنزين عندي اعلا شويه والتسارع ابطاء بخصوص الشنطه ففي برضو حل تاني ممكن تكبرها بيه انك تقدم الكنبه لقدام شويه خصوصا ان العربيه واسعه جدا من جوه وتقديم الكنبه مش حيضايق اللي قاعدين ورا لو معاك شيل كتيره اما موضوع الاحساس بثبات الطريق فدي مش لاقيلها حل خالص العربيه ثباتها كويس .. لكن مش قادر احس بمداه وحدوده :( واهلا بيك مره تانيه اخوك .. سامح رمزي ماتريكس 2007 اوتو |
رد: هيونداى ماتريكس ..هل فعلا سيارة تستحق الاحترام ؟
تسلم ايدك يا استاذ احمد تقرير رائع و شرح وافي ROSE4U
اخوك عمرو محمد ماتريكس 2010 مانيوال |
رد: هيونداى ماتريكس ..هل فعلا سيارة تستحق الاحترام ؟
تقرير وافى وجيد بس لى تحفظ على موضوع الفتيس العربية دى اللى خلانى اجيبها هو الفتيس الاتوماتيك فشكله فريد من نوعه الوحيد اللى شكله زى مقبض او ذراع القيادة للطائرة حاجة فخمة جدا ده علاوة على ان الاتوماتيك بلاشك مريح جدا فى السواقة وخاصة فى الزحمة انا فعلا زى مابتقول كأنك فى البيت ومسترخى كمان لدرجة انه فى الزحمة انا باسترخى جدا وانا سايق لغاية مااوصل يادوبك رجلى على الفرامل اشيلها واحطها وخلاص والعربية بتمشى لوحدها واذا استدعى ادوس شوية بنزين مايضرش بدل النقل والدبرياج والفيلم الرخم ده وانا مش شايف اى مشكلة فى سحب العربية بالاتو بالعكس سحبها جامد وافضل من انواع تانية كتير وده عن تجربة ومقارنة وفعلا باحس بقوة الموتور من سحبه ومن صوته حاجة كدة زى مواتير الجيب بس طبعا على اقل يعنى ممكن تقول فيها نفس الروح وعلوها خلانى لو نزلت منها لازم اركب 4*4 هذا اقل واجب بس فعلا انا باعتبر الماتريكس ثورة فى عالم السيارات غيرت مفاهيم كثيرة ومعتقدات قديمة لمستخدمى السيارات حاجة كدة زى اللى عمله حميد الشاعرى فى عالم الغناء
|
| الساعة الآن 05:06 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017