رد: تجربتي المتواضعة مع الدايو لانوس S
 

الى الاعضاء الكرام
انا عربيتى دايهاتسو شارد 90 وناوى ابيع عاشان اشترى زيرو
فى حدود 65000 جنية
ومحتار بين ( اللانوس / الفيرنا / اسبرانزا 516 / نيو ساجا / اللوجان)
انا شغال فى المهندسين وساكن فى مدينة نصر يعنى متوسط الحركة بالسيارة فى حدود 60 كم يوميا
عاوز حد يفيدنى اشترى ايه
مع العلم انا ممكن ابيع العربية بعد 5 سنين مثلا او اكتر شوية
مع تحياتى للجميع

رد: تجربتي المتواضعة مع الدايو لانوس S
 

السلام عليكم
ايه يا شباب
حد ينورنى
اشترى ايه؟؟؟

رد: تجربتي المتواضعة مع الدايو لانوس S
 

الف مبروك على السيارة...........
سيارة حلوة بس هي مبيلقش عليها اي تظبيط
عزلها للمتور وما خرج السيارة سيء جداااااااا
بالاضافة الى صوتها النشاز
واحب اقول ان عفشة النوبيرا واللانوس تعبانين
خصوصا ان اللانوس تعليقها الخلفي بيتعب بسرعة
معلش انا بحب اقول رأيي بصراحة

رد: تجربتي المتواضعة مع الدايو لانوس S
 

ربنا يديك خيرها ويكفيك شرها يارب

رد: تجربتي المتواضعة مع الدايو لانوس S
 

تقيمك شديد الموضوعية

رد: تجربتي المتواضعة مع الدايو لانوس S
 

اجهزة تعليق اللانوس زفت وبمعنى اصح ودة مش اسلوبى ابدا فى التقييم ربش زباله وسيارة غير امنة بالمرة على الطرقات السريعة حتى لو لم تكن مسرع يعنى بصراحة اابتسامة الوحيدة التى سوف تحصل عليها هى من موزع السيارات الذى قام ببيع السيارة لك على كل الاحوال هى كانت سيارة جيدة فى عصرها ووقتها لانها اول سيارة جعلت المصريين يمتلكون سيارة فل اوبشن بسعر معتدل بعد عصر الدوجان والشاهين واللادا والفيات الخ بالنسبة للناس اللى كانت بتستخدم هذا النوع من السيارات من بل فهى طبعا سيارة مثالية بالنسبة لهم على العموم لكل وقت اذانة ولكل عصر مقايسة ومعاييرة ومش ممكن نفضل نتكلم عن اللانوس واحنا فى 2010 زى ما لغاية دلوقتى فى ناس بتتكلم عن 128 سيارات توقف انتاجها عالميا منذ ما يفارب العشر سنوات ولكم منى جميعا خالص الشكر والاحترام

رد: تجربتي المتواضعة مع الدايو لانوس S
 

عزيزى Luckyman بعد التحية
احترم رايك فى السيارة لانوس - واسمح لى ان اعرض وجههة نظر قد تبدو مختلفه معك
أولا: معظم السيارات الموجوده فى السوق فى نفس الفئة السعرية حتى 70الف ج ليس بها عوامل امان
air bag - ABS وهكذا
اذن فان كل من : لانوس - فيرنا - فيفا - لوجان - اسبرانزا 516 (ويمكن ساجا كمان - لا اعرف بالظبط )
كلهم يتساوون فى هذه الخاصية
ثانيا : انا شخصيا معى لانوس شيفروليه 2010 - جربتها فى السفر لوحدى او بحمولة كامله - بصراحة زى الفل مفيش اى مشاكل فى الثبات او الامان - علما باننى لست من هواه السرعة يعنى بالكتير 100 - 120 كم /ساعة
وحتى لو راكب مرسيدس عمرى ما هزود عن السرعة دى - لانى اؤمن ان السيارة ليست الا وسيلة مواصلات ، كما انه عند السرعات العالية فانك تفقد كل مميزات الامان ويصعب التحكم فى اى سيارة مهما كانت
ثالثا : موافقك ان لكل وقت اذانه - لكن لا تنكر ان اللانوس مازالت مطلوبة فى السوق وتستحوذ على شريحه كبيرة جدا من السوق المصرى ، واعتقد انها ستعمر كمان 10 سنين .
رابعا : يمكن فعلا عفشة اللانوس مش اد كده (ويمكن تتفوق عليها اللوجان فى هذه الجزئية ) لكن هذا لا ينفى ان اللانوس من اكثر السيارات ملائمة للمستهلك المصرى والاجواء المصرية ،، ومعلش لو معاك هامر ومشيت بيها فى شوارع المحروسة برده هتخاف على العفشة بتاعتها من البهدلة .

ارجو تقبل وجهة نظرى ، ولسيادتكم وافر الاحترام والتقدير