|
رد: مين نازل يوم 30|6 ؟؟؟؟؟
اقتباس:
للاسف هتبقى مسخره يوم 30/6 هتلاقى فيها أم خالد سعيد جنب الظابط اللى قتل ابنها جنب المذيع اللى قال على ابنها حشاش جنب النائب العام اللى طرمخ على القضية هتلاقى الصليبى بتاع اتحاد ماسبيرو نازل جنب أبناء مجلس طنطاوى وهينسوا خناقة ماسبيرو هتلاقى أنصار توفيق عكاشة نازلين جنب انصار البرادعى هتلاقى جماعة أسفين يا ريس نازلين جنب 6 ابريل هتلاقى بتاع الطرق الصوفية والدروشة نازل جنب نجيب سويرس هتلاقى الشيوعى نازل جنب الرأسمالى هتلاقى الالتراس جمب الامن المركزى انها مظاهرات ليميز الله الخبيث من الطيب ويجعل الخبيث بعضه على بعض |
رد: مين نازل يوم 30|6 ؟؟؟؟؟
اقتباس:
حضرتك بتكرر كلام وخلاص مع خالص احترامى وتقديرى لشخصك الكريم حسن البنا اسمه بالكامل حسن عبد الرحمن البنا الساعاتى فهل يوجد يهودى ف التاريخ من ايام سيدنا دواوود وسيدنا موسى سمى ابنه عبد الرحمن او حفيده حسن ثانيا بالنسبه لسيد قطب رحمه الله ارجع لشهاده عبد الحميد كشك ف حقه ولا عبد الحميد كشك هو كمان تكفيرى ويهودى http://www.youtube.com/watch?v=As_Io4soj7c http://www.youtube.com/watch?v=O1SPuHZ9Xks قليل من الانصاف ياناااااااااااااس |
رد: مين نازل يوم 30|6 ؟؟؟؟؟
اقتباس:
وانت زعلان ليه يا استاذ احمد ما اللي ينزل يقف مع اللي هو عاوزه ولا ناس ناس ما الكتاتني كان بيمسك المايك لحمدين صباخي في 2005 وبعد كده قالوا عليه واحد خمنا وايام مبارك قالوا مقاطعه المنتجات الامريكيه وبديع راح ياكل في تشيلسي والقرض حرام ايام حكم العسكر ورجعوا حللوه ايام حكمهم والخروج علي الحاكم حرام وعلي مبارك حلال وعلي مرسي حرام ومعصيه علي القدس رايحيين شهداء بالملايين وافتحولنا باب الجهاد ودلوقتي الباب مفتوح 24 ساعه محدش ورانا حتي 100 مش ملايين مايروحوا يجاهدوا الصندوق اللي يحكم واستنوا الانتخابات طب قتلوا السادات ومستنوش الانتخابات ليه الكفره اللي قتلوه ده اللي انا افتكرتوا وياريت يس من فضلك حرصا علي مشاعر اخواتنا الاقباط في المنتدي بلاش كلمه صليبي دي ممكن تقول قبطي واشيك حتي عشان لو حد غريب داخل علي الموضوع يقول منتدي راقي وكل واحد حر اللي عاوز ينزل هو حر واللي مش عاوز براحته |
رد: مين نازل يوم 30|6 ؟؟؟؟؟
اللهم لك الحمد كله ، اللهم لا قابض لما بسطت ، ولا باسط لما قبضت ، ولا هادي لمن أضللت ، ولا مضل لمن هديت ، ولا معطي لما منعت ، ولا مانع لما أعطيت ، ولا مقرب لما باعدت ، ولا مبعد لما قربت ، اللهم ابسط علينا من بركاتك ورحمتك وفضلك ورزقك ، اللهم إني أسألك النعيم المقيم الذي لا يحول ولا يزول ، اللهم إني أسألك النعيم يوم العيلة ، والأمن يوم الخوف ، اللهم إني عائذ بك من شر ما أعطيتنا وشر ما منعتنا ، اللهم حبب إلينا الإيمان وزينه في قلوبنا ، وكره إلينا الكفر والفسوق والعصيان ، واجعلنا من الراشدين ، اللهم توفنا مسلمين ، وأحينا مسلمين ، وألحقنا بالصالحين ، غير خزايا ولا مفتونين ، اللهم قاتل الكفرة الذين يكذبون رسلك ويصدون عن سبيلك ، واجعل عليهم رجزك وعذابك ، اللهم قاتل الكفرة الذين أوتوا الكتاب إله الحق
|
رد: مين نازل يوم 30|6 ؟؟؟؟؟
انا نازل يوم 30 \ 6
ودى اسبابى انا لا أطعن فى شخص الدكتور محمد مرسى الكريم ( حافظ القرآن مصلى الفجر ) ولاكن علاقته بربه له وليست لى ( المهم عندى آدائه على الأرض وليست علاقته بالسماء ) لا أطعن فى الأخوان ( جماعه محترمه منظمه ) ولاكن اقرف منهم لما ألاقيهم بيدافعوا على طول الخط بدون اى مراجعه للذات وبدون اعتراف بالخطاء والأدهى والأمر انك لو تكلمت مع اخوانى فى شرق مصر فى قضيه ثم تكلمت مع اخوانى فى غربها فى نفس القضيه ( ستجد نفس الرد بحزافيره ) انا انتخبت مرسى فى الأعاده ومع ذلك انا أثق تمام الثقه لو كان مرسى بيعيد امام ( شفيقه المغنيه ) كانت ( شفيقه ) نجحت وايضاٌ لو كان شفيق بيعيد مع ( شفيقه ) كانت ( شفيقه ) برده نجحت سبحان الله مرسى رئيس شرعى طيب لو فرضنا انك اشتغلت عند صاحب عمل كل يوم بيضيقها عليك فى اكل عيشك وكمان كل ما ياخد قرار يرجع فيه ومش عارف يحكم شغله ولا يتحكم فى عماله هتكمل معاه ولا هتطفش ؟؟؟ طيب لو كل يوم حد يجى يأذيك وترجع لصاحب العمل ده يقولك اصلهم بيحاربونى هتقوله ايه ؟ هتقوله ملعون ابوك على ابو اللى بيحربوك انا مالى يا عم سيبنى اعيش وروحوا حاربوا بعض بعيد مش كده ولا ايه ؟ هيجى واحد يقولك انت مش بتتخلى عن صاحب الشغل انت بتتخلى عن المشروع الأسلامى هرد عليه واقوله اسلامى مين يا حبيبى بأمارة ايه ؟ بأمارة القرض ( اللى هو ربا بين ) ولا بأمارة معاداته لدول الخليج المسلمه بإرتمائه فى احضان ( ايران الشيعيه ) و لا بأمارة جريه وراء روسيا والصين ( الشيوعيين ) ولا بأمارة خطابه الى رئيس وزراء اسرائيل ( صديقى العزيز المبجل ) البلد من فشل الى فشل ومن تخبط الى تخبط انا هتكلم عن نفسى بشتغل تمن ايام مبارك ( لعدم وجود شغل ولكساد الأحوال الأقتصاديه ) عشان امون العربيه بخش فى رحلة عزاب ( من 4 الى 5 ساعات من البحث والطابور ) عمرها ما حصلت ايام مبارك النور بيتقطع عليا فى الشغل والبيت يومياٌ ( من 2 الى 3 ساعات ) عمرها ماحصلت هتقولولى طيب نديله مدته كامله ( 4 سنين ) هقولكم البلد مع فشل الأداره الصارخ اللى احنا فيه دلوقتى صدقونى البلد نفسها مش هتكمل الأربع سنين ثبت فشل ادارته من أول سنه ثبت ضعف شخصيته ثبت تخبطه أديله سنه كمان ليه فاضيين مثلا ولا غاويين بهدله ؟ لكل ما سبق انا نازل يوم 30 \ 6 |
رد: مين نازل يوم 30|6 ؟؟؟؟؟
اقتباس:
يادكتور نوح ليهم هم حلال انما احنا نترجم ونضرب ويتقال علينا كفره وانت نسيت ونيس ولا ايه يا دكتور بتاع طوخ والمزه في عربيته ولا البلكيمي بتاع عمليه التجميل اللي اتثبت يعيني وكسروله مناخيره ولا ابواسماعيل ابن الامريكيه الكذاب ولا اللي قتلوا السادات وقاعدين دلوقتي علي الشاشات وعاملين رجاله ولا القتل ساعتها كان حلال لاَ تَقْتُلُواْ النَّفْسَ الَّتِي حَرَّمَ اللّهُ إِلاَّ بِالحَقِّ وبنرد بالايات زي العضو اللي عمال في كل مشاركه يدينا ايه كاننا كفره وهو اللي هيهدينا وقال تعالي إنك لا تهدي من أحببت ولكن الله يهدي من يشاء وهو أعلم بالمهتدين يُضِلُّ اللَّهُ مَنْ يَشَاءُ وَيَهْدِي مَنْ يَشَاءُ وياريت بقي نريح بعضينا واللي عاوز ينزل هينزل مهما جبتله ايات او اقنعته واللي مش هينزل مهما طلعنا اكتر من كده في عيوب ومساؤي الاخوان برده مش هينزل ولا ايه يا دكتور ولا الله الا الله محمد رسول الله |
رد: مين نازل يوم 30|6 ؟؟؟؟؟
لا صح مفيش حبس للحريات خالص عندك حق فى دى انا اسف
صحيح حبس حريات ازاى واللى بيخطف الجنود ويقتلهم وهما عارفينهم مبيتمسكش والشباب اللى بيتظاهروا بس بيترموا فى السجون اولا احنا مش بنعمل المواضيع عشان نتخانق ولا نعمل تكتلات ودا عاجبه الراى دا افضل طول المشاركة اديله شكرا وشجعه ودا لا ايه مش عاجبنى معبروش المتمردين دول اللى مش عاجبين بعض الناس- العيال هما اللى بداوا الثورة فى الوقت اللى تانين كانوا بيعملو اتفاقات عشان مينزلوش وفى اخر خدوا الكراسى كلها والشباب فضلو بردوا فى الشارع وبردوا هيطلعو من غير ميكون ليهم منفعه ولا حب فى كرسى او منصب انا لما هنزل محدش هيجى يدينى فلوس فى ايدى ولا حد هيقولى انت جدع نزلت يبقى هجبلك بنزين ومش هفطع عنك المياه والنور بالعكس انا نازل وعارف انى ممكن اتبهدل واتهان واتصاب ويمكن اكتر ومش نازل عشانى بس انا نازل عشان اهلى واصحابى واخواتى وبعد عمر طويل عشان ولادى عايز حياتنا فيها امان والضروريات اللى بنحتاجها اللى موجودة فى كل بلد ومحرمة علينا مش عايز اما اروح بره حد يقلى بلدنا احسن منكم مش عايز حد يقولى انا اخاف اجى عندكم -اقول للظالم لا فى وشه هما لما شالو مبارك اولا كان رئيس شرعى ثانيا كان كله بيقول مستحيل يشال-وكام رئيس جه بطرق شرعيه وعمل بلاوى مع ان شرعيه مرسى مشكوك فيها بس شرعيته مش معناها انه هيبقى عادل ولا بيعمل عشانى وكلنا شايفين فكر بقلبك وشوف اصلح ليك ولبلدك واهلك واولادك اطلع اقول لا للظلم وانا محتاج عيشة كريمة وعايز تغير ميهمنيش مين يقعد على الكرسى المهم ميظلمنيش ويعيشنى كويس ولا اوهم نفسى باسباب ملهاش لازمة ولا معنى واخاف على نفسى وفى الاخر مش هنقدر نعيش فيها-فرصتك هيا دى غير كدا ارضى بالواقع حتى لو اسواء وقول يارب خيب املى فى مرسى وخليه يعمل حاجه صح عشان نعرف نعيش لاننا ملناش مكان تانى غيرها انما مرسى وغيره له |
| الساعة الآن 05:55 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017