مصر موتورز مجتمع السيارات - كم أكثر سرعة مشيت عليها؟؟؟

مصر موتورز مجتمع السيارات (https://www.masrmotors.com/vb/index.php)

- سلامتك على الطريق (https://www.masrmotors.com/vb/forumdisplay.php?f=8)

- - كم أكثر سرعة مشيت عليها؟؟؟ (https://www.masrmotors.com/vb/showthread.php?t=3688)

رد: كم أكثر سرعة مشيت عليها؟؟؟

160 كم بسيارة لانوس لمدة خمس دقائق فقط للتجربة وعديتنى اثنين سيارة مرسيدس كانى واقف وبعد 12 كم رايت سيارة منهم مقلوبه على ظهرها وخرج راكبيها بالسلامة واعتبرت الامر رسالة لى التزمت بعدها بالتسعين واطرف شئ ان الرخصة اتسحبت منى فى نفس الطريق بسسب ان السرعة كانت 96 كم ودى يضبطوها ازاى

رد: كم أكثر سرعة مشيت عليها؟؟؟

يا جماعه انا ملاحظ ان موضوع الثبات ده عى حسب العربيات اللى سوقتها يعنى اللى مسقش غير عربيه و احده بيحس انها ثابته لاكن اللى بيسوقوا عربيات كتير هما اللى فعلن بيحسوا بموضوع الثبات ده
و ده رأى شخصى

رد: كم أكثر سرعة مشيت عليها؟؟؟

كام اكثر سرعة مشيت عليها ؟ 170
عملت الكارثة دى فين بالظبط و امتى ؟ كنت راجع من اسكندريه لطنطا من أربع سنين
كان ايه السبب فى التهور؟ بصراحه شديده (هبل) ptmnlo123per1118
نوع العربية و الموديل ؟ أكسنت 98 موتور 1500
ايه اخبار ثبات العربية ؟ (stability ) ؟؟؟ زي الزفت
كان احساسك ايه اثناء و بعد التجربة الحياتية المريرة دى ؟
بصراحه وقتها كنت حاسس ان جسمي كله بيتنفض واني مش حاسس بأي حاجه جنبي..بعدها بقيت فخور اني عملت كده..
دلوقتي بصراحه بقول ايه الهبل اللي كنت فيه ده؟؟!!

رد: كم أكثر سرعة مشيت عليها؟؟؟

السرعه 170 كم بفورد فوكس والثبات روعه كأنى ماشى على 80 على طريق بالكويت ومره تانيه 170 كم ببيجو 206 وكنت حاسس او لو نمله جيت هتقلب العربيه

رد: كم أكثر سرعة مشيت عليها؟؟؟

كرستاله جبت بيها 160 كان تقربيا الفجر

رد: كم أكثر سرعة مشيت عليها؟؟؟

اقتباس:

المشاركة الأصلية كتبت بواسطة bmkbmk (المشاركة 13180)

تكملة لموضوع الاخ الفاضل ابو نورا عن السرعة
حبيت احط الموضوع ده و ارجو انه ميكونش مكرر

كام اكثر سرعة مشيت عليها ؟
عملت الكارثة دى فين بالظبط و امتى ؟
كان ايه السبب فى التهور؟
نوع العربية و الموديل ؟
ايه اخبار ثبات العربية ؟ (stability ) ؟؟؟
كان احساسك ايه اثناء و بعد التجربة الحياتية المريرة دى ؟

تعليقك على الموضوع

ياأستاذى الفاضل السرعة دى مرض وأسالنى أنا لانى بسافر كل يوم طرق سريعة والكارثة انى لما بسوق بسرعة 100 اكتر من ربع ساعة الاقى نفسى عايز انام بل واسيب ايديا واشرب شاى على فكرة بيبقى معايا ترموس شاى واعمل اى حاجة وعينى ع الطريق وده لانى من يوم م جبت العربية وانا بسافر على طول فاتعودت ع السرعة العالية وأهم شىء اتعلمته ان الجرى بسرعة له اصول مش بامية لامؤاخذة يعنى فى طرق زى القاهرة /اسكندرية الزراعى مينفعش زياده عن 90 لحد بنها لان منحنياته كتير فى المنطقة دى ولحد طنطا منطقة المنوفية ممكن تزود شوية وهكذا لكن انا اخدت فترة آجى من ميدان المنشة فى اسكندرية لحد البيت فى الزيتون فى ساعة وتلت طبعا قبل ميبدأو تصليح الطريق ويحطو العربيات اللى فيها رادارات على المحور وكنت بوصل سرعة 185 بالنيسان الصنى بتاعتى موديل 2008 وبصراحة ثااااااااااااابتة جدااااااا ولا كأنى وصلت سرعة100 وبثبت السرعة بحيث متقلش ابدا عن 175 لما اهدى السرعة بحيث اشوف اقل وقت من المنشية لحد الزيتون اد ايه خيابة بعيد عنكم وكان ساعة وتلت طبعا لكن لقيت ان السرعات العالية بتاكل بنزين وركبت غاز علشان الم نفسى فلقيت العربية بعد تركيب الغاز ممكن توصل 165 كيلو فى الساعة ورحت التوكيل وقلتلهم ركبولى مثبت سرعة قالو دى مبيركبلهاش طب حطولها عصفورة تزن وتصدعنى عند ال 120 قالو ده سوفت وير مش جاى فى العربية يانااااااااااااااس الحقووووووووونى من نفسى ولو سقت 100 فى الساعة او 110 بنااااااااااااااااااااااا ااااام ولا كأنى نايم فى البيت ومشغل التكييف وبتفرج على فيلم شوفو لى حل احسن كده صعب اوى

رد: كم أكثر سرعة مشيت عليها؟؟؟

اقتباس:

المشاركة الأصلية كتبت بواسطة نبيل عبدالرحمن (المشاركة 93985)

امبارح ركبت سيارة سيات 133 موديل 1981 وحققت سرعة لم يبلغها أحد بهذه الفئة وهى 85 كم فى الساعة وطبعاً مؤشر الحرارة ضرب لفوق وإضطررت لتزويد الرادياتير بجركن مياه كامل ووقفت بالسيارة لمدة نصف ساعة حتى تبرد أما عن الثبات فصفر

هههههههههههههههه انت لو فتحت كبوت السيات مش هتلاقى موتور شغال هتلاقى 2 جرايبنا بينهجو جوه من كتر الجرى بالعربية متزعلش ده هزار طبعا ومحبة ليك ولكل الاعضاء