مصر موتورز مجتمع السيارات - هل من ضرر لو حطيت زيت موبيل دلفاك لموتور بنزين

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - هل من ضرر لو حطيت زيت موبيل دلفاك لموتور بنزين (https://www.masrmotors.com/vb/showthread.php?t=82687)

رد: هل من ضرر لو حطيت زيت موبيل دلفاك لموتور بنزين

فعلا اللزوجة ودرجتها مش ثابتة تعتمد على منطقة تشغيل السيارة باردة حارة وكمان عمر المحرك الخ

رد: هل من ضرر لو حطيت زيت موبيل دلفاك لموتور بنزين

اقتباس:

المشاركة الأصلية كتبت بواسطة sherif fersh (المشاركة 642463)

يا جماعة بالراحة كده ..
موضوع الزيوت ده ... إما الإلتزام بتعليمات الصانع بكل دقة
أو إجتهاد شخصى ، كلٌ طبقا لخبرته
طيب المحرك بتاعى .. الصانع بيقول لزوجة 5w30
و يكون SJ أو أعلى ...
طيب الموتور بقى قديم ... وأنا إستخدامى شاق
عملت أييييه ....
حطيت زيت 10w60 و SL
و حطيت علبة محسن لزوجة 250 م ل
و الفيصل هو عدد الكيلومترات ( أو الساعات ) المقطوعة مع عدم فقدان اللزوجة
طيب ما الفرق بين زيوت البنزين و الديزل ؟
الإجابة بعيد شوية ... والكلام اللى جاى مالوش دعوة باللزوجة
مما قرأت فهمت( و جايز مافهمتش ) أن زيوت البنزين حدث لها تطورات
فى الإضافات الخاصة بتحسين اللزوجة و منع الفوران و المنظفات ،
التطورات كان لها علاقة مباشرة بالوقود ( من حيث وجود الرصاص أو عدمه )
و كذلك المحافظة على البيئة ( المحول الحفّاز ) أو ما نسمية علبة البيئة
الخلاصة لا يصح إستعمال زيت مصنفSF أو أقل فى محرك انتاج عام 2000 أو ما بعده
لكن العكس " قد " يكون صحيح ......................
طيب ، بتطبيق نفس المفهوم على زيوت السولار و البنزين
يبقى لا يـــجــوز أســتـخـدام زيـوت الـديــزل للمحركات العاملة بالبنزين
حاجة كمان ... الأخ العزيز اللى بيتكلم عن الزيوت التى تعمل بنزين و ديزل
زى ما فى تصنيف لزيوت البنزين sj , sl , sm , sn
فى تصنيف لزيوت الديزل ce , cf ( إن لم أكن مخطىء .. مش فاكر بالضبط )
تصنيف الزيوت التى تعمل " على الونجين " بيكون منخفض يعنى كيلومترات قليلة
و كذلك غير ملائمة لمحركات البنزين الحديثة
آسف للإطالة .. وتحياتى ،

طيب لو الشركة المصنعة للزيت نفسها قالت ينفع يبقى فيه يا كبير بعد كده كلام

رد: هل من ضرر لو حطيت زيت موبيل دلفاك لموتور بنزين

اقتباس:

المشاركة الأصلية كتبت بواسطة khaabas (المشاركة 642774)

طيب لو الشركة المصنعة للزيت نفسها قالت ينفع يبقى فيه يا كبير بعد كده كلام

ما إحنا قولنا قبل كده

متخدش على بتوع تصنيع الحاجه

لكن

خد الصح من صاحب الآله

إللى بيقولك

حط للآله دى .......الشىء الفلانى

بمعنى

لو لقيت صانع مكنه

بيقولك

حط زيت معين فى المكنه دى

حط نوع الزيت إللى قالك عليه

بدون ماتتعب تفكيرك فى بدائل

-----------------

ولو جيبتلى واحد مصمم مكنه بنزين

( صنعها يعنى )

وقالك

حط فيها زيت معمول لمكنه ديزل

يبقى مفيش كلام يقال بعد كلامه

----------------

وبحاول أشوفلك تشبيه يمشى مع كلامنا إللى فات

يامسهل الحال .....يارب

هفترض أن أنا رحت إشتريت عربيه جديده محترمه

وصانع المكنه

قاللى المفروض تحط للمكنه ميه خضراء على طول علشان تحافظ على دورة التبريد ودفاية التكييف

---------------------

قمت رايح أسأل واحد بتاع ردياتيرات

قام قايلى

ياعم سيبك من كلام العلم ده

وشغل الناس بتوع المكاتب والابتوبات

دول ياعم ناس مبتوسخش إيديها زى حالاتنا

ورايح قايلى

ياعم كبر دماغك ....وحط ميه عاديه من الحنفيه

ولو أتزنقت وأنت ماشى جنب ترعه

زود عادى ولا يهمك

أهى كلها ميه ....وكله عن العرب صابون

-------------

أأقوم أنا ( والكلام عليا طبعا )

أسمع كلام الراجل ده !!!!!!!!!!!

-------------------

طبعا لأ ....وألف لأ

ليه ............؟

أولا مية الترعه هتشتغل وكل حاجه

بس

هل مكونات دورة التبريد هتعيش بنفس المعدل

لو أنا كنت بأستعمل الميه إللى قالى عليها صانع

المكنه

---------------

أعتقد كده

كل الأمور واضحه

رد: هل من ضرر لو حطيت زيت موبيل دلفاك لموتور بنزين

samirayad:fun_36_3_1[1]:

رد: هل من ضرر لو حطيت زيت موبيل دلفاك لموتور بنزين

:fun_36_3_11[1]::fun_36_3_11[1]:Eng.SamierAyad:fun_36_3_ 11[1]::fun_36_3_11[1]: