|
رد: إلى أخوتى ( حازم خضر وفادى )
يا هندسه - دا الاكل كان بيجيلوا يوميا فريش من مزارع اورجانيس في ريف فرنسا تحت حراسة الجيش و الحرس الجمهوري و المخابرات!!! و الشرب من احسن مزارع الكرم في فرنسا و الميه حتى اللي بيستحمى بيها كانت بتيجي من ينابيع المياه في اوروبا!!!
انا واحد صاحبي كان في الجيش و حظه الهباب جه في كتيبة تأمين تابعة للرئاسة و كان بيحكيلي ماسي و متعقد!!! عموما انا قصدي ان حتى لو مكنتش سرقت او نهبت كان زماني عملت مبلغ محترم لان كل حاجة ببلاش!!! ولا انا رئيس دولة ولا حبقى رئيس دولة - لاني متزوج باجنبية و ده دليل على اني خائن ولا اصلح رئيس مصر |
رد: إلى أخوتى ( حازم خضر وفادى )
لا ياباشا
أنا فاهمك كويس أوى وياريتها كانت جات على الأكل والشرب فقط كانت هتبقى أرحم من البلاوى إللى تم أكتشافها وكانت شبه مداريه عن الشعب _____________ عموما ربنا يبعد عننا كل منصب ممكن يودينا النار ولقد صدق رسول الله (ص) حينما كان يقول فيما معناه اللهم أحينى فقيرا ....وأمتنى فقيرا وأحشرنى فى زمرة المساكين صدق رسول الله (ص) ______________ من الآخر يغور المنصب إللى ممكن يودى الواحد جهنم والعياذ بالله |
رد: إلى أخوتى ( حازم خضر وفادى )
مبدئيا سواء بعملية مدبرة او حتى صدفة ...رغم اني مؤمن بان كل شيئ يساق بقدر مكتوب ومعلوم اوله واخرة
مبارك لم يصن الامانة اللي كانت في ايده مبارك لم يحمد لله على نعمة انعم بها الله علية لم يقدرها حق قدرها لم يراعيها دا لو واحد بيزرع بصلة في كوباية ولم يراعيها حتموت هو زي ماكان بيقول كان اكتر املة ان يكون سفيرا في دولة اجنبية عشان يرتاح في اخر ايام عملة ربنا ادالة بلد بحالها يسوى ايه الان نظرة الناس لية هو نفسة نظرتة لنفسة ايه دلوقتي لما كل شيئ حتى هو حققة سواء بتعب او جهد بس النهاية كانت مهينة بالشكل المزري دا من منا لايتمنى الجاة والسلطان والقدرة والتحكم في البلاد والعباد بس قليل اوي من يتقى الله فيما رزقة الله ياتري مبارك دلوقتي لما يبص وراة بيشوف ايه وادامة برضة بيشوف ايه هل احس بالخزي والعار والندم على ما ضيعة ولا برضة عندة كبر وتعالى بان الناس دي ماتستحقنيش وانا ياما عملت وسويت بس دي ناس واطية ماتستحقش اللي عملتة عشانهم(دا من وجهة نظره) هل ياترى لسة مش حاسس باللي حصل انا مرة كنت باتفرج على حوار لية في قناة العربية بعد انتخابات الرئاسة 2005 اخر سؤال موجه اليه ...انت راضي عن نفسك؟ رد بكل براءة وثقة ودون تردد...طبعا....كنت حاتنقط الراجل دا عارف اللي حاصل ولا عايش في ملكوت تاني...مش عارف معقولة دا انا اعترف مرة تانية اني كنت متعاطف جدا في الاول معاة بشكل كبير وكنت اتضايق لما اشوف حد يغلط فية...دا هو مش عارف وهو انضحك علية..وووووووو حجج كتيرة كنت باضحك بيها على نفسي بس الحق لأ...ظهر حاجات مروعه ...لا مش ممكن مايكونش عارف ولو عارف تبقى مصيبة ولو مش عارف تبقة كارثة ان الحاكم مش حاكم بجد..دا منظر...دا واجهه بس....والايادي الخفية تلعب في الظلام من تحت لتحت... دلوقتي بقول نفسي الراجل دا يطلع يتحاكم يقول اي حاجة الابهام اللي احنا فية دا مش صح...كل شيئ مجهول ماحدش عارف حاجة |
مصيبة اخرى من مصايب مبارك...حسبي الله ونعم الوكيل
أعلنت الحكومة الأثيوبية رسمياً اليوم، الأربعاء، عن عزمها إنشاء "سد الألفية العظيم"، بالقرب من الحدود الأثيوبية السودانية، على "النيل الأزرق"، وقالت، إنه سيرفع إنتاج الطاقة الكهرومائية فى البلاد إلى 10 آلاف ميجاوات خلال السنوات الخمس المقبلة.
وقال وزير المياه والطاقة الأثيوبى، ألمايهو تيجنو، إن معظم هذه الزيادة فى إنتاج الكهرباء، والتى تبلغ خمسة أضعاف حجم الإنتاج الحالى، ستأتى من هذه المحطة الكهرومائية، المقرر إنشاؤها حاليا فى مكان مشروع السد على النيل الأزرق، بالقرب من حدود السودان، مشيراً إلى أن هذا السد وحده يتوقع أن ينتج 5250 ميجاوات من الكهرباء. وأضاف الوزير، أنه بينما تعد الاستفادة الرئيسية لأثيوبيا من هذا السد هو ضمان إمدادات يعتمد عليها من الطاقة، إلا أن المشروع يحقق مزايا لدولتى المصب، وهما السودان ومصر أيضا، موضحاً أن هذا السد سيزيد من إمكانية حصولها على إمدادات الطاقة النظيفة بأسعار تنافسية. وأكد أن "مصر والسودان سوف تستفيدان فى نفس الوقت من مزايا من هذا المشروع فى صورة تراجع تراكم الطمى وراء سدود الرى بالبلدين، وتراجع فى معدل تكرار الفيضانات، وبالتالى انخفاض الفاقد فى موارد المياه"، مشيرا إلى أن هذا المشروع غير مسبوق فى أفضليته الكلية من حيث حجم السد وحجم المياه المحتجزة خلفه، وقدرته على توليد الطاقة، وكذلك أثره على ضمان استمرار تدفق المياه دون انقطاع. وتابع: "إنه يمكن القول حقيقة، إنه لا يوجد مشروع آخر يتسم بهذه المزايا، مثل هذا السد، من حيث تحقيق مزايا جديدة ومشتركة لكل الدول الثلاث المعنية "أثيوبيا والسودان ومصر". وأوضح أن هذا المشروع، الذى كان يعرف حتى الآن باسم مشروع "إكس"، سوف نطلق عليه الآن اسم "سد الألفية"، ومن المقرر أن يبنى فى منطقة بنى شنقول على بعد ما بين 20 إلى 40 كيلومتراً شرق الحدود السودانية، مشيراً إلى أنه بعد اكتمال هذا السد، من المتوقع أن يحجز خلفه 62 مليار متر مكعب من المياه، وهو ما يعد تقريباً ضعف بحيرة تانا، ومن الطبيعى أن يستغرق الأمر سنوات قلائل قبل أن يصل هذا السد إلى كامل قدرته من حيث حجز هذه المياه. اليوم السابع |
رد: إلى أخوتى ( حازم خضر وفادى )
يا وليد - انا لما ارجع بالذاكرة عندما كنت اناقش مناقشات عنيفة مع كل مؤيد للريس او مؤيد لانهائة مدة الرئاسة - كان نابع من معرفتي لكم الفساد اللي مستخبي ورا ظهرة - مو قراءتي لشخصية مبارك - عنجهية - كبر - عناد - غطرسة - و يا ريت مصحوبة بذكاء سياسي او رؤية تدعم او تكون سببا في كبره و عناده - و لكن يقابلها - غباء سياسي منقطع النظير - عمى قلب و بصيرة - جهل - تخلف - حقد - فشل سياسي و اقتصادي و اجتماعي - تبعية مطلقة لامريكا و اسرائيل -اصبح ولاءه لامريكا وليس لله او للوطن او للشعب - اصبح يناصر اي اجنبي ضد بني جلدته سواءا في الخارج او حتى داخل مصر - يعني اصبح يمارس عنصرية قميئة ضد اي مصري اسوأ من العنصرية التي ارسها البيض ضد السود و نسى او تناسى انه هو نفسه مصري وعلى العكس هو رئيس مصر و كرامة اي مصري من كرامة مصر و و كرامته ططبعا ولكن كما قلت غباء سياسي و اخلاقي منقطع النظير
رحم الله السادات رفع شان المصري فرفع شأن مصر - و كان المصري بياخد فيزا لاي دولة في العالم في نص ساعه |
| الساعة الآن 10:17 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017