رد: صيانةاكسيل اتوماتيك
 

السلام عليكم
ازيك يا بشمهندس سمير يارب بخير
روحت للكهربائي النهارده قالى سلك البلوف بتاع الفتيس مقطوع وقالى خليه بتاع الفتيس يحله ويوصل السلك المقطوع من جوه
فرجعت تانى لمتخصص الفتيس قالى الفيشه كلها اللى واصله للبلوف اصلا مش موجوده ودى ليها وصلتين اولها من جوه البلوف نفسه لحد ما توصل للفيشه اللى بره مش موضوع سلك بس زى ما الكهربائي قال
وان الفيشه دى مش موجوده فى السوق ( هل الكلام ده صحيح )
وورانى قطعة البلوف دى محلوله من فتيس اخر وجواها الفيشه بالسلوك بتاعتها وقالى محدش هيبوظلك فتيس عشان يديك الفيشه دى ولكنه قالى هات رقم تلفونك ولو جاتلى هكلمك ؟؟
البلوف ده على بعضه بكام ياترى يا بشمهندس وايه الحل هعمل ايه؟
ولكم جزيل الشكر والامتنان

لا حدد بالضبط

لأن ده مقاس ومينفعش فيه الأعتقاد

وياريت لو تصورلى شكل عصاية القياس عندك

وترفع صورتها

وعليها تدريجات ال COLD & HOT

لا أعرف حقيقة

عموما أعمل جوله أستكشافيه عند بتوع الأستيراد

كويس ........بس أسأل برضه عند بتوع الأستيراد

ليكون عنده .....وبيرسم عليك

وشويه وتلاقيه بيقولك لقيتهالك وثمنها كذا ............؟

مش عارف حقيقة

رد: صيانةاكسيل اتوماتيك
 

دى صورة المقياس يا بشمهندس فى المرفقات
والمقياس بالظبط جاى على حرف H ولونه احمر شبيه بالدم ولكن هل هو مالوش لزوجه تحسها بايديك زى زيت الماتور اصلى حاسس انه سائل شبيه بالماء حاله حال زيت الباور وملاحظ حبوب بسيطه فيه متعلقه ع المقياس نفسه مع الزيت
وهى بارده ان شاء الله بكره الصبح هتأكدلك منه هو فين بالظبط
هل اعرض العربية على متخصص اخر للفتيس ولا اصبر على ده شوية
(( خصوصا ان شكله مصمم على موضوع هاتلك واحد استيراد اوفر من حل الفتيس وتصليحه )) ومش راضي يقولى اسعار مش فاهم ليه

ماهو مش زيت فعلا .....بس الناس بتقول عليه زيت

ولكن أسمه العلمى AUTOMATIC TRANSIMTION FLUID

أى سائل نقل الحركه الأوتوماتيكى

لأنه هو روح الفتيس وبيشغل كلاتشات التعشيق

من خلال نظام هندسى دقيق شويه

لا شوفلنا قصة الحبوب دى تانى

نظف الفتيس والمقاس

وأعمل قياس تانى

وشوف أيه موضوع الحبوب ده

هل بتلاقيها شبه بودرة تيل الفرامل مثلا

شوف وقولى

لو طلع فيها حبوب زى ماوصفتهالك

حنسمع كلام الراجل الطيب ده

وتغير الفتيس خالص

رد: صيانةاكسيل اتوماتيك
 

ههههههههه شكلى مرزق يا بشمهندس ربنا يستر ( سعر الفتيس كام وايه حكاية الاستيراد دى وتجربته ازاى برده زى البطيخه )
انا بصراحة معرفش شكل بودرة تيل الفرامل
بس لاحظت تحبيبه بسيطه كده ع المقياس
طيب كهربة البلوف اللى مقطوعه دى متحلش الموضوع ولا ايه ؟؟ مممكن يكون حاجه تانيه ؟؟

وازاى انضف الفتيس وانا بقيس الزيت ؟؟؟
ممكن رقم حضرتك ع الخاص
ولكم جزيل الشكر والامتنان