رد: هل 78000 سعر مناسب b15 2011
 

العفو يا باشا وربنا يكرمك باذن الله ونباركلك مباركه كبيييييييييييييييييره اوى .444546

رد: هل 78000 سعر مناسب b15 2011
 

ايووووووووووووووووووووه

بوظوا التوكيل علينا وخلوه يتدلع بزياده

العربيه انا ركبتها فعلاٌ جميله

بس

لما التوكيل فى كام شهر يزود 8 آلاف جنيه ده حرام والمفروض اننا نبدى الاستياء على الاقل علشان ميسوقش فيها

لان كده طمع

من سعرها الاول والتوكيل بيكسب صح ؟

يبقى ليه الاسلوب الزباله ده

انا طبعاٌ عارف ان ملاكها الحاليين فرحانين بزيادة السعر ( بدليل ان قريت موضوع واحد عايز يبيع ب 75 ألف عربيه جايبها من كام شهر ب 70 ألف )

بس بصفه عامه اللى التوكيل بيعمله ده طمع وجشع واستغلال

ومتنسوش ان كل توكيل بيبقى له عيون داخل منتديات السيارات الكبيره ( زى مصر موتورز )

يعمل المصيبه من دول ويشمشم ايه اخبار رد فعل الناس ( ده حتى ساعات لما يحبوا يعملوا مصيبه يطلعوها اشاعه اول ويشوفوا رد فعل الناس لو عدت يعملوا العمله وهما متطمنين )

وطبعاٌ ده وضع البلد اجمالاٌ

يبقى اقل واجب علينا اننا نعارض اللى بيحصل ده ( صحيح العربيه حلوه وانا معاها ) بس مش مع التوكيل

وعلى فكره توكيل لسه بادئ و منتشرش فى السوق ويبقى ده تفكيره ( استغلال وطمع من الأول ) انا والله اخاف اجيب منهم عربيه لأن العربيه فى الأول قطع غيارها هتبقى حكر عليه ومش موجوده فى السوق ( وطبعاٌ مبدأ الاستغلال موجود )

يبقى هيعمل فيى ايه لو احتجتله فى خبطه ولا حاجه كبيره فى العربيه ؟؟؟؟؟؟؟؟؟؟

اكيد هيظبطنى


خلاصة كلامى اننا منجريش ندافع عن توكيل بيحاول يسرق اخواتنا اللى عايزين يشتروا العربيه ( واللى لو احنا مكانهم مش هنبقى مبسوطين بالزياده الكبيره دى ( كده زودها 12% ) من حقها )

وبخاصه ان محدش فينا هيقسم مع صاحب التوكيل

يبقى ليه اساعده انه يسرق اخويا ؟

على العموم ده رأيى الشخصى

وآسف مقدماٌ لأى حد ممكن يزعل من كلامى

رد: هل 78000 سعر مناسب b15 2011
 

انا معاك يا استاذ (عصام ) فى الكلام اللى انت بتقولو وحولت اقول كده بس محدش فهمنى

رد: هل 78000 سعر مناسب b15 2011
 

ياعم ماحدش يزعل من كلامك لأن مافيهوش اى اساءه للعربيه ولا مالكيها وانما احنا لو بصينا على اى عربيه كورى حاليا مش حانقول وقت ما نزلت حانلاقيهم عمالين يرفعوا فى اسعار سياراتهم ومافيش اى حد بيتكلم ولا حتى بينتقد .
مع العلم ان برضو اسعار الكورى وقت ما نزل كانت مرتفعه وكانت الناس بتقول نفس كلامنا دلوقتى ( دا كورى ) ( وبالسعر دا ) ( دانا اشترى يابانى ولو حتى مستعمل ) والكل طلع فيه القطط الفاطسه . وحاليا بقينا بنحطه مثله فى مقارناتنا مع اليابانى والفرنسى والألمانى .
أكيد انت فاهمنى .
وبالنسبه للزياده انا اشتريت بالزياده . بس على ما اقتنعت بيها . وقارنت بينها وبين كل ما فى السوق من كل الجوانب . بما فى ذلك السعر طبعا . وبرضو هى كسبت .

رد: هل 78000 سعر مناسب b15 2011
 

أستاذى الفاضل--سيف-- الف شكر لحضرتك وبلفعل اتمنى من الله ان ارى جميع الأخوه الكرام ويكون لى شرف التعرف عليكم جميعا وعليه الشكر كل الشكر للجميله جاكى Jac وشكر خاص لسيادتكم ..