المشاركة الأصلية كتبت بواسطة محمود زيزوو (المشاركة 562365)

سؤال تانى معلش يا استاذ بوريو تعبتك معاية عن كاسترول ايدج بس هو فى حاجة غريبة شوية ان هو 10w40 صح كدة طب دة هيتحمل درجة الحرارة بتاعت الصيف فى مصر لان هى بتوصل لحد45 درجة فى الصيف

المشاركة الأصلية كتبت بواسطة teto2007 (المشاركة 562585)

اخى الفاضل بوريو انا معايا رينو رينبو موديل 99 عاملة 168000 كيلو انا حاليا بستخدم زيت توتال كوارتز 5000 50w20 هل دة مناسب ولا استخدم زيت اخف شوية ارجو النصيحة وشكرا لك

المشاركة الأصلية كتبت بواسطة emadwady (المشاركة 562969)

اخى الفاضل انا معايا 125 لسة عاملها عامرة ياريت نصيحتك فى نوع الزيت اللى تنصحنى بية

المشاركة الأصلية كتبت بواسطة borio1704 (المشاركة 563017)

اللزوجة دي بالذات لا يفضل استخدامها... الرجاء الرجوع إلى الموضوع الأصلي... فيه الرد على سؤالك






أهم حاجة نرجع للكتالوج بتاع العربية... الرجاء الرجوع إلى الموضوع الأصلي






أي نوع زيت حيشتغل كويس جداً... الرجاء الرجوع إلى المشاركة رقم 23 ورقم 21 ورقم 35 في نفس الموضوع


...

المشاركة الأصلية كتبت بواسطة borio1704 (المشاركة 561976)

أنا آسف إني اتأخرت في الرد... ساعات الواحد بيهيس وينسى إنه ما ردش :)

الزيت التقيل مشكلته إنه بيعمل إعاقة نسبية لدوران الموتور ... الموضوع ممكن نشبهه بالفرق بين المية والعسل... جرب تجيب كوباية مية وكوباية عسل وحاول تحرك معلقة فيهم... المية أكيد أسهل بكتير
ميزة الزيت الثقيل إنه حيعمل طبقة سميكة على الأجزاء اللي بيحصل فيها الاحتكاك وبكده حيقلل التآكل وعمر الموتور يطول... بس في المقابل استهلاك البنزين حيزيد شوية لإنك حتضطر تدوس بنزين زيادة عشان العربية تأدي نفس الأداء الأصلي

الزيت الخفيف بالعكس.. حيديك أداء أحسن (مؤقت)، بمعنى إنه حيساعد في السحب وحيوفر في البنزين... بس تآكل الموتور كمان حيزيد...

فلو عندك عربية بتأجرها.. جرب حط فيها زيت خفيف عشان توفرلك بنزين، وكده كده حتبيعها بعد 3-4 سنين.

خلي بالك... لو كتالوج العربية بيوصي باستخدام أو بعد استخدام لزوجة معينة يبقى لازم نلتزم بيها
خد مثال العربية الأفيو زي ما أ. محمود زيزوو كتب... واضح إن الخلوصات في الموتور ضيقة جدا ومحتاجة زيت لزوجته منخفضة عشان يقدر يوصل لكل أجزاء الموتور بسهولة


بالنسبة لموضوع التحويل للغاز.. بصراحة معلوماتي فيه قليلة شوية لإني ما جربتوش... واللي أعرفه إن استخدام الغاز ممكن يزيد معدل التآكل في الموتور .. بالذات جوه السلندر بسبب ارتفاع نسبة مركبات الكبريت في الغاز... وده السبب إن سمعة الغاز الطبيعي وحشة شوية بالنسبة لعمر الموتور... ده غير إن سحب الموتور بيقل شوية... ومتهيألي كمان لازم نغير زيت بمعدل أسرع عشان نشيل بقايا مركبات الكبريت اللي ممكن تترسب في الزيت.

بس لازم نرجع في النقطة دي للي عندهم خبرة مع الغاز الطبيعي.

...