|
رد: حكايتى مع التأمين...و النصب العظيــم !
[quote=alraues;139906]أخى احمد
لك منى كل التحية ولكن انت مش فاهم التأمين كما يجب بعد اذنك و مش علشان انا شغال فى شركة تأمين بقول كده لا والله و بعدين ممكن نتكلم بالبلدى شوية و ابسطهالك صلى على النبى مثال بلدى انا ساكن فى شارع به 20 منزل كل منزل 4 شقق يعنى 80 شقه مثلا نسكن بجوار محطه ننزين مثلا خطر الحريق عالى فى هذا الشارع عن شارع حضرتك اتفقنا ان نجمع كل شهر من كل شقة 10 جنية و نضعها فى صندوق و لو تعرضت اى شقه او منزل للحريق نعوضها ونبنى له شقته من جديد وحدث بعد سنتين مثلا فى المنزل رقم 3 فى الشقه رقم 10 حريق واهل هذه الشقة اصبحوا من غير شقة تاويهم فتحنا الصندوق وجدنا به 80*10*24 =19200 جنية 80 شقة * 10 جنيه شهرى * 24 شهر = 19200 جنيه اخدها اللى شقتهم اتحرقت ساهمت فى اعاده تعمير الشقة و اعداد بعض الاثاث انا و انت دفعنا كل واحد 240 جنيه وراحو علية لم يستفيد منهم لكن اللى تعرض لحريق استغاد باللى انا و انت وغيرنا دفعناه مع انه دافع ذى وذيك دون تغير هو دا مفهوم التامين ببساطه ياعم اعمل معروف سيب الفـقـه لأهله طيب الجمعية اللى بتحكى عليها دى زى اتحاد الملاك مش زى شركات التامين لان عقدكم محدد بمدة لو انتهت ومحصلش حاجة اللى دفعو كلهم تروح عليهم الفلوس ونظام التامين قائم على ان 50 مثلا يدفعو وواحد يستفيد هنا تكسب الشركة لكن لو زاد المستفيدين عن رقم معين تخسر الشركة وتبتدى شغل اللبط زى الجمعية المصرية للتامين فى العباسية اما تأمين الاشخاص فرضا ان معى 10 الف جنيه ومش عارف اشغلهم و انت بحكم خبرتك تعرف تشغلهم و تكسب منهم و تكسبنى اتفقنا انا و انت ان تاخد ال 10 الف جنيه و تستسمرهم لى مده 20 سنه على ان لا اخد منهم اى مبالغ الا بعد 20 سنه و على شرط كل سنه تقول لى كسبنا كام او خسرنا كام و بعد 20 سنه انت بتعمل ايه ؟ بتدينى ال 10 الف + الارباح خلال ال 20 سنه بلاقيهم مثلا 18 الف يبقى بعد مرور 20 سنه انت ادتنى 28 الف طيب ولو انا توفيت بعد 4 سنوات مثلا حتعمل ايه ؟ حتيجى الى اولادى و تقولهم ابوكم من 4 سنوات ادانى 10 الف جنيه علشان اشغلهم 20 سنه تحت المكسب و الخساره لكن الله يرحمه مات خدوا ال 10 الف اللى كان مديهم لى و ال 4 سنوات كسبوا مثلا 3 الف جنية يعنى اخدوا 13 الف جنيه الكلام ده لما تكون الا رباح غير محددة سلفا لكن انتو بتقولو للشخص هنديك كذا بعد كذا سنة يعنى تحديد الربح طيب افرض خسرتو برضه ملزمين تدفع ربح لانكو اتفقتم على كده وده حرام شرعا طيب افرض كسبتو اكتر من النسبة هتدوله الزيادة طبعا لا وفى ظل الازمة الاقتصادية العالمية دى هل سعادتكم قللتو الارباح والا هيا نفس النسبة اعمل معروف التصدى للفقه بدون علم هتشيل وزره ووزر اللى بيعمل بيه الى يوم القيامة هو دا مفهوم التامين بالبلدى الشيىء اللى ممكن نتكلم فيه انت أو (شركة التامين) حتشغل الفلوس فى ايه؟و حقك تعرف ممكن اتاجر فى الخمر مثلا او المخدرات او ابنى بيهم عقارات او اشتغل فى تجاره السيارات او قطع الغيار او او او من حقى اعرف انت حتشغل فلوسى الكلام ده فيه مغالطة لانى اتحدى اى حد يروح لبنك او شركة تامين ويقول لهم انا معترض على النشاط الفلانى وساعتها هيردو عليه الرد الاتى انت ملكش دعوة انت ليك ارباحك اخر السنة وخلاص ثم لما يلاقوك محبكها ومش عارفين يخلصو منك يقولولك انت معترض على ايه تقول النشاط الفلانى يعمل نفسه بيدور فى الورق وبيشوف الكومبيوتر وبعدين يجيبلك البشرى السعيدة ابسط ياعم فلوسك مراحتش فى النشاط اللى انت معترض عليه لان الانشطة كتيرة وبيحطو الفلوس على بعضها وعمليا ملكش حق الاعتراض على انشطة البنك او التامين انت ليك برحك او فايدتك يعنى وخلاص ثم فى تامين السيارات بالذات ميجيبش سيرة التحمل فى العقد ابدااااااااا ويقوللك قطع الغيار التالفة من حقك تيجى بقى تقول له هات الاجزاء التالفة يقول لك ادفع 5% من قيمتها جديدة وخدها طيب ليه ده انتو قايلين فى العقد كذا يقول لك ايوه بس نسبة التحمل دى لازم تدفعها ويدخلك فى متاهات لا اخر لها طيب عربية هلاك كلى ادونى العربية يقوللك مش اخدت التعويض طيب م انتو قايلين انكو هتدونى التالف يقوللك لا ويبيعها علشان يقلل خسارته اللى هو مشترطها على نفسه شغل حلق حوش عايز تعمل دعاية لنفسك او شغلك انت حر لكن ابعد عن الفقه والشريعة اعمل معروف اشكر ليك تحملك ليا |
رد: حكايتى مع التأمين...و النصب العظيــم !
اقتباس:
وهذا هو الحرام بعينه وهو أن يستفيد شخص والآخر لا يستفيد وهي مقامرة لأن المقامرة هي أن يدفع الكل وفي النهاية يتم التوزيع بدون تساوي حسب الحظ اقتباس:
الحسابات كلها كاملة من قبل أن تدفع أنت الأقساط هتدفع أقساط كذا ثابتة وبعد عشرين سنة هتاخد مبلغ كذا ثابت محدش قال ربح وخسارة فلا داعي لإدخال مصطلحات في الكلام لا تخصه من ربح وخسارة والجميع يفهم جيداً ما هو التأمين على السيارات وأنا أراه السحت بعينه ولا حاجة للجدل في هذا الأمر فالموضوع لم يفتح من أجله |
رد: حكايتى مع التأمين...و النصب العظيــم !
اعتقد ان الحوار اصبح هل التامين حلال ام حرام
عموما نحن مطالبين بان نطيع الله و الرسول واولى الامر منا بس عايز اوضح للاخ خالد خليفة نقطه بالنسبه لتامين الاشخاص حضرتك قلت الكلام ده لما تكون الا رباح غير محددة سلفا لكن انتو بتقولو للشخص هنديك كذا بعد كذا سنة يعنى تحديد الربح طيب افرض خسرتو برضه ملزمين تدفع ربح لانكو اتفقتم على كده وده حرام شرعا طيب افرض كسبتو اكتر من النسبة هتدوله الزيادة طبعا لا وفى ظل الازمة الاقتصادية العالمية دى هل سعادتكم قللتو الارباح والا هيا نفس النسبة للعلم مصر للتامين بدات سنه 36 بارباح 25 جنيه لكل الف جنيه يعنى 2.5% و كل سنه يتمل الاعلان عن الارباح و اخبار العميل على الايصال رقم 12 من كل سنه للشهرى فى السداد و ما ساقوله الان لن يقوله لك اى شخص فى شركة التامين لانه ممكن يوثر على حجم عملة كانت الارباح فى مصر للتامين 9.5 % و دا دام حوالى 4 سنوات أو 5 كمان و بعدها تم المج بين مصر للتأمين و الشرق للتامين تحت اداره و مسمى مصر للتامين فاصبحت الارباح 8.5 % و بعدها تم المج بين مصر للتامين (مصر سابقا و الشرق سابقا) و الشركة الاهليه للتامين تحت مسمى واحد هو الشركة القابضة مصر للتامين و الكلام دا السنه دى و اصبحت الارباح 6.5% و القادم هو كالاتى سيتم فصل الشركة القابضة مصر للتامين او تقسيمها الى شركتين هما 1 _ شركة مصر لتامينات الممتلكات و ستمارس جميع انواع التامينات العامه (سيارات تكميلى - سطو - حريق - هندسى - طبى - 00000 2 _ الشركة الاهلية لتأمينات الحياه و ستمارس جميع انواع تامينات الاشخصاس و جميع برامج التامين و الاحتمال الاكثر ان تصل الارباح الى 7.5 % اذاى الارباح ثابته دا المنتج او المندوب عامل جدول او بيشرح كدا للتبسيط لو دفعت 40 جنيه مده 20 سنه تكون عامل وثيقة ب 10 الف جنيه تسيتحق بعد 20 سنه 28 الف تقريبا بس حسب معدل ارباح السنه دى (لو فضلت معدلات الارباح كما هى الان) بس للتسهيل يقال تدفع كذا بعد كذا سنه تاخذ كذا لكن لا انا ولا الشركة ولا الجهاز المركزى ولا الهيئة العامه للرقابه على التامين تقدر تقول لك ممكن تاخد كام بعد 20 سنه ممكن الارباح تزيد و ممكن تقل وممكن الشركة تفلس و فى هذه الحاله يضمن البنك المركزى رد قيمة الوثيقة بالاضافه اللا ارباح تعادل 1% ودا مذكور فى العقد فقط اردت التوضيح و بخصوص تامين السيارات لازم كل واحد يقراء العقد كويس و يعرف حقوقه وواجباته و لو الشركه ظلمته فيه الهيئة العامه للرقابه على التامين و فيه وزاره الاستثمار و مافيش حق وراه مطالب بيضيع بس اعرف حقك و اعرف ما عليك و اسمح لى بصراحه انا مش قوى اوى فى جزئية الاقناع بموضوع الحلال و الحرام مع العلم المفروض اكون اقوى من كده بس اوعدك حقراء و ازاكر فيه كويس حتى تعظم حجتى ولك منى الشكر و اسمح لى على اسلوبى فى التعبير لو كان مش مقبول لك فاعتذر ولكن ممكن يكون مقبول لعضو اخر واخيرا لك منى كل التحيه |
رد: حكايتى مع التأمين...و النصب العظيــم !
اقتباس:
طيب شركتين بيكسبو وييأدو التزاماتهم كما هو مطلوب هيدمجوهم ليه الا لو كانو بيخسرو ومع ذلك بيأدو التزاماتهم بدون تغيير وبعدين مين قال ان الربح غير محدد محدد ونص كمان وانا لم بعمل وثيقة تأمين عارف اوى انى هقبض اد ايه حسب قيمة التامين ولو عملت نظام ال10 الاف جنيه عارف تااما انى هاخد بعد 10 سنين 100 الف مثلا وكله معروف والجزئية دى برضه انت رديت فيها على نفسك ازاى ؟؟؟ لما قلت بعدها ان لو الشركة فلست البنك المركزى يرد قيمة الوثيقة (؟؟؟؟؟!!!!!!) مع ايه (مع ربح 1%) عن السنة طيب ده بنك انتر فلس فى الستينات وخرج من ورا كده اشهر مفلس عربى وهو الفنان/ عبد السلام النابلسى والمفروض شركة خسرت تحاسب الناس على ربح وخسارة ولكن ضمان الربح فقط ده اختراع يهودى علشان يخلو الناس تديهم فلوسها والكلام ده مش اختراعى لانهم اخترعو البنك ومن جواها التامين ومن جواها المعاشات وان كانت المعاشات دى عبارة عن جمعيه بيدفعوها 100 وبيقبضها اللى بيخرج معاش منهم يعنى حوالى 10 مثلا اذن معاملات البنوك فى جانب الائتمان وجميع معاملات شركات التامين هى بقى الربا بعينه وايده ورجله وكل ملامحه لان مفيش تعامل على ارباح وخساير وانما التعامل على ارباح فقط ارجو انى اكون وضحت اكتر واشكر ليك تحملك ليا وان كنت اتكلمت بطريقة اعتقدت انها عصبيه قبل كده فانا لااقصدها ابدا و لكن الفقه لايؤخذ بالرأى وانما بالتعلم من العلماء |
رد: حكايتى مع التأمين...و النصب العظيــم !
وعلى فكرة ربح ال1% اللى بيرده البنك المركزى ده مقابل ايه اذا كان البنك او الشركة فلسو ده هو لو ادانى اصل فلوسى بدون خصم نسبتى فى الخسائر يبقى الزيادة حرام فمبالك هيدينى فلوس وفوقها بوسة اسمها 1% ارباح
|
| الساعة الآن 11:26 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017