رد: كل واحد بيغير زيت عربيتو يغيرو نوعة اية وعامل اية الزيت معاة؟؟؟؟!!
اقتباس:
الشكر لله يا أ هشام انا لو قلتلك على تعديلات لانى مش عارف المحرك بتاعك يستحمل ولا لا يبقى ملهاش لزمه وفلوس على الفاضى لان الافضل والانسب انك تغير محرك بفئه اعلى من الموجود عشان تحس اختلاف فى القوه والاداء 100 درجه والتعديل يجى بعد تغيير المحرك عشان تحافظ على الاداء والقوه الى انتا عيزها |
رد: كل واحد بيغير زيت عربيتو يغيرو نوعة اية وعامل اية الزيت معاة
|
رد: كل واحد بيغير زيت عربيتو يغيرو نوعة اية وعامل اية الزيت معاة
متشكر جدا لكل من شارك فى الموضوع وكنت عايز اسأل اية رأيكو فى شل 10 الف كيلو كويس ولا موبيل وان احسن
|
رد: كل واحد بيغير زيت عربيتو يغيرو نوعة اية وعامل اية الزيت معاة
انا حاليا موبييل وان وفيه ناس كتيره نصحتني ب فيسكو ال 5000 ده ربنا يكرم واجيبه ان شاء الله
|
رد: كل واحد بيغير زيت عربيتو يغيرو نوعة اية وعامل اية الزيت معاة
موضوع رائع و مفيد جدا ROSE4U
و هقولكم على تجربتي انا كنت بفضل استخدم موبيل 1 الجركن الأبيض اللي بيعمل 1500 بصراحة كان بيهدي صوت المكنة و بيخليها تسحب حلو بس بعد حوالي 500 كيلو لما اعمل كام مشوار في الصيف و اركن العربية كنت اسمع صوت الزيت بيغلي جوه المكنة , قلت يمكن الزيت لزوجته مش قد كده غيرت لزيت اسو برضه بعمل حوالي 1500 كيلو و كنت حاسس ان صوت المكنة عالي قوي و مش مضبوطة , في مرة من المرات سيبت العربية للميكانيكي عشان يغير الزيت ويعمل كام حاجة تانية و قلتله هات موبيل الأبيض 4 لتر عشان مكنش عندي وقت رجعت بعدها لقيته حط زيت التعاون sj الكحلى و قعد يشكر فيه طبعا ماعجبنيش الكلام و مشيت و انا ناوي انزل الزيت ده على 1000 بس بصراحة بدون مبالغة لقيت صوت المكنة هادي زي لما كنت بحط موبيل و السحب حلو جدا مشيت بيه بتاع 4 شهور يعني حوالي 3000ك او يمكن اكتر شوية و كان الزيت نازل اسود خالص حطيت بعديها كالتكس من باب التجربة و كان عامل حوالي 65 جنيه برده ادائه زي الموبيل و التعاون , جربت بعد كده زيت توتال كان عامل 60 جنيه البياع قالي ده آخره 1500 كيلو و انا حملت عليه لغاية 2000 بس بصراحة كان نازل اسود نيلة قولت اجرب زيت شل الجركن الأحمر بحولي 60 جنيه و ده المفروض يعمل 1500 ّ 2000 كيلو بس و حطيت معاه زيت شنبر ابرو و بصراحة الفرق كان ملحوظ جدا سواء صوت المتور او السحب لدرجة انها كانت بترشح مياه من الشكمان ايه ياترى (على فكرة ترشيح المياه حصل مع موبيل و توتال والتعاون و شل و ده طبعا مع تغيير فلاتر الزيت و البنزين و الهواء بمعدل كل 6 شهور و البوجيهات)بس بعد الألف كنت احيانا بحس من فترة للتانية بعد مشوار في عز الحر و المياه نقصه ان صوت الغليان كان رجع تاني بعديها بفترة.و رجعت تاني لزيت توتال و خلاص هغير المرة ديه لحاجة من الزيوت ديه هبتدي من الأرخص : 1- زيت التعاون sl الجركن الأصفر 2- زيت فيسكو 2000 3- زيت موبيل دلفاك mx مع زيت ابرو (و لا زيت موبيل دلفاك 1034) - بناء على ترشيح العضو الرائع car admire المهم زيت يستحمل معايا و يكمل 5000 مستريح ترشحولي ايه ؟ و برد هل فيه مشكلة ان نحط زيت كثيف و لزوجته عالية للمكنة و هل ده يضر المكنة :12F099~16: و لا العكس ان نحط زيت خفيف يتعب المكنة و لأي حد ممكن المكنة تستحمل تقل الزيت؟ |
الساعة الآن 07:13 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017