مصر موتورز مجتمع السيارات - رابطة ملاك ومحبى السفينه فيات 132

اقتباس:

المشاركة الأصلية كتبت بواسطة Hisham.Elgazzar (المشاركة 707268)

بص يا ايمن لو الفارغه بتاعت طرمبة المايه هى اللى بايظه فا ممكن تجيب فارغه فاضيا وتركب فيها الطرمبه
ولو مش هى اللى بايظه تبقى تغيير الماسوره وانا جايبها من فتره يجى 6 شهور كدا

الماسورة رخيصة والطرنبة المياه برضو مش مشكلة
وبالنسبه ليك يا هشام لو فى لحام باين ياريت تحميه باى حاجه
عشان البرومه
هديها بوتمين وسيليكون أسود الصبر بس ربنا يسهل اول الشهر
وانا عربيتى والحمد لله شكلها عاوزه شويه علاج على الماشى
عاوز اجييب
اولسيه كرنك (بيتغير الاولسيه الداخلى والخارجى مرة واحدة عمر واحد)
وجوان وش سلندر( ليه هيا بتنفخ والا اه المشكلة علشان تغيرة ؟)
وساعة زيت
وانت عارف ياهشام التمساحين اللى فوق
من ناحية الصالون راكب زى غطا بثلاث صواميل ( عندك غطايين ودول بيتفصل ليهم الجوان وبيتحطلهم جمالكه من الناحيتين وإنساهم ) ، وعلى فكرة انا كمان عندى نفس المشكلة.
الغطا دا مرشح زيت هو كمان دى عاوز جوان ولا اولسيه
غير ان عاوز اروح المخرطه الواد بليه المكانيكى كان بيركب البوجيه وقام مركب البوجيه غلط خلف السنون بتاعت الوش
عاوز اروح اضبطه
(أهم حاجة لما يمشط مكان البوجية تدور العربية شوية تنفض الرايش اللى دخل غرفة الحريق وسن القلاووظ يبقى مفيهوش رايش خالص)
واحتمال اجيب طقم بوجيهات وفلتر بنزين
لان العربيه سحبها زباله وبتسقف وحاجه تكسف اوووى ( الإسبراتير أكيد عاوز يتظبط وماتنساش تظبط البوجيهات على 0.5 بالفيلر)
عشان كدا مش هقدر اجى بيها يوم السبت اللى جاى وهاجى مواصلات ودا لانى برضه مش خبير بالقاهره اوووى

:THE_PR~18::fun_Whisperin g:[/QUOTE]
تعرف يا هشام انا اكتر حاجه مضيقانى اوووى
هو اولسيه الكرنك مش عارف هيظبط ولا ممكن يبقى العن من دلوقتى ولازم اطلع المكنه برا وجايز الاسطوانه والديسك ميظبوطش وحورات وافلام
انا الموضوع دا اكتر حاجه محيرانى اوووى لكن الموتور شكله يقرف الزيت مغطيه من كل حته مع التراب غير انى اما ادور العربيه الصبح القائى تحتها بقعة زيت محترمه من الكرنك على الساعه على الجوانات انا هنجن والله وعاوز احكم الموتور صح عشان العزم يبقى تمام
ثانيا ان شايف رشح زيت على جنب الموتور اليمين من عند البستم الثالث لحد الرابع مش عارف دا جوان بيسرب ولا تسريب الكامه من فوق هو دا السبب
ومن ناحية التسقيف فان معلى الكهربا اليومين دول لان البوجيه بينفث وعشان كدا لازم اروح اعمله
انا عاوز اما انزل القاهره اسأل على الحاجات دى وبالمره اكون جبت الحاجه بتاعت ايمن معايا
وان شاء الله هنزل اشتريها بكرا من باب الامان