|
|
ابحث عن سياره مستعمله بالتقسيط ,,, وأرجو المساعده
بعد السلام عليكم ورحمه الله وبركاته ,,,
مطلوب سياره حديثه موديل السنه "كسر زيرو" بالتقسيط بالمواصفات التاليه : مقدم حوالى 60 ألف جنيه نقدا , والباقى أقساط شهريه لمده سنه , والقسط الشهرى يتراوح ما بين 5-6 الالاف جنيه بشيكات بنكيه , مضاف الى ذلك قيمه فائده التقسيط التى سيتم الاتفاق عليها , ومع الاخذ فى الاعتباربالشروط التاليه _السياره المطلوبه تكون بناقل حركه يدوى "مانيول" ونوع السياره المطلوبه النترا أو اكسنت ار بى أو كيا سيراتو أو رينو فلونيس أو شيفروليه كروز...... _لا توجد ضمانات وظيفيه غير الشيكات البنكيه وعقد البيع وفاتوره كهرباء ,, حيث أننى غير موظف بالحكومه _عقود البيع تكون نزيهه ومنصفه بما يضمن حقوق كل من الطرفين _ أنا لست من سكان محافظه القاهره الكبرى, لالاسف من محافظه قنا فى انتظار الردود من الجادين فقط , والتواصل عبر الرسائل الخاصه أو البريد الالكترونى الخاص بى dr_ahmed1531984@yahoo.com فى انتظار المساعده والمشوره من أهل الخبره ,,, والله الموفق |
رد: ابحث عن سياره مستعمله بالتقسيط ,,, وأرجو المساعده
السلام عليكم ربنا يوفق ان شاء الله بس ليه سؤال ليه بتقول للأسف من قنا والله المستعان |
رد: ابحث عن سياره مستعمله بالتقسيط ,,, وأرجو المساعده
لا طبعا مقصدش حاجه والله أبدا
وهذا منشأى وأفتخر به لا شك ولكن أقصد ان هناك صالات لبيع السيارات بالتقسيط بوفره فى القاهره , ومن المنطقى أنهم يتخفون من التعامل مع أشخاص من محافظات بعيده عن حدود القاهره , وهذا شى منطقى فأنا اتأسف مثلا على أننا حرمنا من شى مثل هذا , حيث لا يوجد لدينا أى طرق لشراء السيارات سوى القروض البنكيه |
رد: اريد تقسيط مباشر بدون تامين
اقتباس:
ربنا يباركلك في العربية بس يا سلام بقه لو تفيد أخوانك و تقولهم الشروط بتاعته إيه بالضبط يبقى انت خدمتنا خدمة العمر و ربنا يسهلك طريقك |
رد: اريد تقسيط مباشر بدون تامين
هي شروطهم مش صعبه اوي بس طبعا مش هتتوافق مع كل الناس ارخم حاجه في شروطهم ان قسط السياره اللي هتشتريها لا يتعدي 30% من مرتبك او بمعني اخر 30% من مرتبك تغطي القسط.
مثال: انا مرتبي 4000 لوحسبت 30% منه هيبقو 1200 يبقي العربيه اللي هتشتريها لازم قسطها يبقي 1200 جنيه -لو هتدفع 50% من ثمن السياره يبقي مش هتحتاج ضامن -انا بالنسبالي كنت دافع 50% بس شرط ال30% مكنتش محققه فقلولي هندخل الزوجه ضامن يعني في استثناءات -الاوراق المطلوبه هي صورة البطاقه-ايصال كهرباء او مياه-مفردات مرتب وصورة بطاقه للضامن اذا كان المقدم اقل من 50% -نسبة الفائده لو هتامن 9.5% -لو مش هتامن 11% -طبعا في استعلام منزل واستعلام عمل بتدفع من 150 الي 200 جنيه مصاريف استعلام مره واحده فقط حسب المكان المقيم فيه -لا يوجد غرامات علي التاخير -بيبقي في حظر بيع فقط لصالح الشركه لكن السياره باسمك -لا يوجد توكيل لصالحهم زي ما بتعمل بعض المعارض والشركات -لا ياخذو نسخه من مفتاح السياره زي ما بتعمل بعض الشركات والمعارض |
| الساعة الآن 11:41 AM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017