رد: متوسط اسعار المستعمل هذا الاسبوع
 

السلام عليكم د.تامر
ايه راى حضرتك كورولا رموش افضل ام لانسر مكوه او كريستاله وياريت ياباشا متوسط اسعارهم حاليا وشكرا جزيلا
اللانسر أفضل لكن فيما بعد هذا الموديل الكورولا أفضل
راجع موضوع عربيتك على قد ميزانيتك للأسعار
========================= ===========
باشا لو سمحت انا معروض عليا عربية بيجو 405 موديل 91
بحاله جيدة جدا ولا تحتاج اى مصاريف
وهى غير مكيفة
كم تساوى تقريبا
وايه رايك فى العربيه دى عموما
تساوى 38000 حد اقصى
سيارة جيدة طبعا
========================= ================
مساء الانوار يا دكتور
معلهش انا كنت سالت حضرتك امس بخصوص سياره فورد فيستا 97 السياره جميله وهى فابريكا فعلا باستثناء شغل بسيط فى فرش الابواب الاماميه وصاحبها مصمم على 20 الف فهل اشتريها ولالا ؟؟ وهل هى سياره محترمه من حيث الاعطال والصيانه علما بان متوسط مشاويرى اليوميه حوالى 70 كيلو انا فى انتظار سرعة ردك لانى مفروض اخلص بكره انشاء الله .
سعر معقول
سيارة تتحمل السفروقوية كعادة الفورد
قطع الغيار والصيانة غالية لكن فى الحدود المقبولة

رد: متوسط اسعار المستعمل هذا الاسبوع
 

شكرا جزيلا للرد السريع
وفقكم الله

رد: متوسط اسعار المستعمل هذا الاسبوع
 

السلام عليكم
د/ تامر بشكر حضرتك جدا على مجهودك وربنا يجازيك كل خير إن شاء الله.
عاوز أعرف من حضرتك إيه رأيك في بيجو 405 من اكتر من ناحية
1- كفائتها مع المطبات الرهيبة اللي في بلادنا.
2- تكاليف قطع غيارها ومدى توافرها في السوق.
3- أعطالها كثيرة أم قليلة (طبعا أنا أقصد نسبيا).
4- ايه أفضل الموديلات منها ومتوسط السعر(موديل كام بالظبط اللي أدور عليه ومتوسط سعره).
محلوظة أحب حضرتك تاخد بالك منها ان المنطقة اللي أنا عايش فيها الطرق فيها غير ممهدة بالمرة :crazyW14:وخايف يكون ده ليه تأثير كبير على العربية دي علشان كده انا كنت بفكر في شاهين بس بصراحة على حد علمي ان اختلاف السعر بينهم مش كبير ومنطقيا البيجو يكسب وانا من عشاق البيجو لما ليها من سمعة عالمية وخصوصا في مصر.
فنصيحة حضرتك ليا إيه.
أسف اني طولت على حضرتك وهتعبك معايا.

رد: متوسط اسعار المستعمل هذا الاسبوع
 

لو سمحت يا د\ تامر
ممكن اعرف اية راى حضرتك فى ستروين c4
وبالنسبة لقطع الغيار هل هى غالية ولكن فى الحد المعقول ولا مبالغ فيها
ولماذا لم اجد فى السوق غير موديل 2005 2006 2007
هل يوجد فيهم عيوب
وكم يبلغ سعرها موديل 2007 او 2008
وبجد شكرا شكرا شكرا لمجهودك

اكسل 98 1300 سي سي
 

أكسل 1998 1300 سي سي عاملة 38,000 كيلو فبريكة بره و جوه مطلوب 37,500 جنيه مع التفاوض البسيط عند الشراء
مرفوعة فترة طويلة أول يد

معقول السعر ولا أنزل

مع إني والله حبيب الاكسنت أكتر لكن للاسف مفيش حاجة قدامي حالتها كويسة