مصر موتورز مجتمع السيارات - متوسط اسعار المستعمل هذا الاسبوع

اقتباس:

المشاركة الأصلية كتبت بواسطة hesham 2010 (المشاركة 371136)

السلام عليكم يا دكتور تامر
انا كان عندى استفسار صغير واحب حضرتك تجاوبنى عليه
انا النهارده نزلت شوفت عربية نيسان صنى موديل 2003 1300 سى سى وكنت عايز حضرتك تقوللى على سعرها و آخرها كام، ومواصفاتها :
أول يد من الزيرو وعاملة 68 الف كيلو فقط
فبريكة بالكامل من الداخل والخارج ولكن توجد خدوش كثيرة بالخارج نتيجة خبطات خفيفة
هى من فئة EX Salon
تكييف وبور و4 زجاج كهرباء
الصيانة الدورية بالتوكيل بالفواتير
فكنت عايز حضرتك تقيملى سعر ليها من غير ما انا اتظلم ولا صاحبها يتظلم
وكمان كنت عايز اعرف الموديل ده الموتور بتاعه كربراتير ولا انجكشن؟؟؟
وما هى اهم العيوب المشهورة لهذه العربية
فى انتظار تكرمك على بالاجابة واشكر حضرتك شكرا جزيلا لوقت حضرتك
والسلام ختام

الموتور إنجكشن طبعا وهو قوى ومعمر جدا مقارنة بمن فى فئتها 16 صباب و2 كامة
سعرها لو مانيوال =56000 لو أوتو=60000 كأقصى حد
العيب المشهور المساعدين الخلفيين ضعاف نسبيا صوت الموتور عالى نسبيا مع السرعات العالية ولكنه مقبول -عزلها للصوت متوسط لكنه مقبول-ضيق المسافة بين المقاعد الامامية والخلفية نوعا ما
المميزات: سيارة كفاءة وتتحمل السفر المتكرر وإرتفاع درجة الحرارة والأوزان بدون أعطال
ثبات جيد جدا مع السرعات العالية وفى المنحنيات
سير كاتينة جنزير حديد لا يحتاج لصيانة
دورة تبريد ممتازة ولا تحتاج لمياة رادياتير إلا تزويد طفيف كل عام
تكييف ممتاز ولا يؤثر على كفاءة السحب
الباور ثقيل بعض الشىء وهو يعطى إنطباع بالأمان والإتزان مع السرعات
صيانتها سهلة جدا وقطع غيارها متعددة من أول الصينى للماليزى للتايلاندى للكورى لليابانى