رد: سال وهتلاقى المتخصص الى هيجاوبك عن سوالك فى بيجــو
 

مهندس هيثم يا جميل احنا تعبينك معانا كتير بس انت راجل محترم ومستحملنا
الموضوع انا معايا بيجو 206 موديل 2001 كان الدركسيون بيطلع صوت عند الدوران يمين او يسار وانا واقف دون حركة يعني وانا بركن المهم روحت للميكانيكي قالي مفيش زيت باور جبت الزيت وحطيته الصوت راح بس الميكانيكي بيقولي لازم اغير طرمبة الزيت ويشتريللي واحد استعمال ب 800 جنيه روحت التوكيل في اسكندرية قالولي الخرطوم هو اللي بيسرب وعشان تغيره تدفع 2000 جنيه وفي واحد ميكانيكي تاني قالي متغيرش ده ولا ده المهم خلي عينك علي الزيت اول باول وزوده كل ما ينقص
لان انت معندكش تسريب جامد دي حاجة بسيطة
بصراحة مش عارف اعمل ايه اغير الخرطوم وادفع 2000 جنيه ولا كفاية اني اتابع الزيت اول باول
ارجوك الافادة عشان انا قربت اولع في العربية دي :08da300846c84943ae1

رد: سال وهتلاقى المتخصص الى هيجاوبك عن سوالك فى بيجــو
 

عندى مشكلة فى الستروين اكسارا 2000 انها بتطفى منى وانا ماشى وساعات بتكتم بس.( يعنى تحس انها بتتخنق ثوانى وتمشى بعدها عادى) وساعات بعد ما ادور اول مادوس بنزين تطفى وتقعد شوية على كدة وبعدين تدور وتمشى عادى.

رد: سال وهتلاقى المتخصص الى هيجاوبك عن سوالك فى بيجــو
 

ممكن يكون جوان حلقة الشكمان ويفضل سماع الصوت بنفسي لتحديد ماهية الصوت

رد: سال وهتلاقى المتخصص الى هيجاوبك عن سوالك فى بيجــو
 

اولا اشكرك عل كلامك الطيب...........
ملخص حل مشكلتك.......
لو تسريب الزيت بمعدل بطئ ممكن تشتري علبة زيت باور (مصري او امريكي من البنزينه) وتزود الزيت اول باول مش منش مشكلة
اما لو التسريب جامد ممكن تفك الخرطوم وتروح للخراط يكبسه من جديد او يلحم المواسير لو التسريب من مواسير الباور.

رد: سال وهتلاقى المتخصص الى هيجاوبك عن سوالك فى بيجــو
 

حاول تنف بوابة الحقن وتغير فلتر هواء وفلتر بنزين وبوجيهات
(دة لو انت مش عامل صيانة)
اما لو انت عامل الصيانة قريب لازم ابص عل العربيه بالجهاز