|
|
رد: رابطة مالكى الاكسل
بعد إذنكم
عاوزين نفتح موضوع الزيت :010104~171: خصوصا اننا نمتلك نفس العربيه اعتقد هتبقي ميزه ان كل واحد ينقل تجربته وهو مستمر على نوع ايه وبيغيره كل اد ايه وسعره وحالته مع المكنه ؟ انا هبدئ بنفسي :12EA7A~153: بحط زيت شل الاحمر (20-50 ) بيتغير كل 1000 -1500 كم بس لونه بيتغير الى بني مسود بسرعه على 300 - 400 كم مثلا بس لزوجته كويسه بصراحه وصوت المكنه هادى لكن بعد 500 كم بتعلي شوية مش عراف منه بقا ولا عشان التاكيهات كانت عاوزه تتظبط انا لسه ظابطها امبارح ومغير زيت ايضا حالة الموتور 80-90 % على فكره اسعار الزيوت زادت زى الاكل والشرب (( مفيش رقابة ومفيش دولة )) عليه العوض فى البلد ربنا يسترها معانا جميعا يارب وشكرا |
رد: رابطة مالكى الاكسل
اقتباس:
|
رد: رابطة مالكى الاكسل
اقتباس:
انا كنت بستعمل بترومين اكسترا الابيض بعد العمرة وكنت بغيره كل الف كيلو , هو جيد لا بأس به وان كان ليس الأفضل لأنه وقت الغيير بيكون لونه غامق ولزوجته ليست على الدرجة المطلوبة حاليا انا استعملت الشل الاصفر اللى بيتغير على 3000 كيلو مرتين انطباعى عنه انه جيدجدا وافضل من الموبيل والبترومين والأسو بمراحل وبيخلى صوت الموتور اهدأ ولزوحته وانت بتغيره بيفضل محتفظ بيها اسوأ زيت انا جربته كان موبيل الرصاصى اللى بيتغير على 10000 كيلو لا يصلح ابدا للمواتير القديمة لأنه بيفقد اللزوجه بعد 3000 كيلو على اقصى تقدير وبيتحرق فعلا كان سيىء |
رد: رابطة مالكى الاكسل
اقتباس:
|
رد: رابطة مالكى الاكسل
هو ياجماعه الكلاكس لو علق افصله منين اصل بيعلق معايا كتير بس لحد الوقتى لو ضغطت عليه بيفصل بس خايفه الموضوع يتطور
وكمان سلك اللقط بتاعها فين لأنى غاويه مطبات جدا والسلك بيتهز وطبعا الكهربائى بيقعد يصلح فيها طول اليوم ويركب ويشيل وفى الأخر يقول السلك و معلش كمان الكماليات او الاكسسوارات "اروق عليها يعنى " اجيب منين الحاجات دى من المنصورة وجزاكم الله خيرا |
أرجو المشاركة
أشكر مصمم هذه الصفحة ويسعدني الانضمام إليها
أولاً أنا عاوز أشتري العربية دي ومعروضة علية ومواصفاتها كما يلي إكسل هاتش باج موديل 96 مانيوال موتور 1500 سي سي إستيراد من سنة ونصف مثبوت على الرخصة 1300 سي سي باور تكييف أربعة زجاج كهرباء عفشة جديدة بطارية جافة من سنة تقريباً فبريكة برة وجوة تحتاج شغل بوية وسمكرة صاحبها طالب 28 ألف نهائي وأنا أول مرة أشتري عربية هل السعر مناسب أم ماذا أرجو الاهتمام جزاكم الله خيراً |
رد: أرجو المشاركة
اقتباس:
شوف كمان شغل السمكرة وشوف هيكلف كام الهتشباك آخرها 26-27 الف بس فى موديل 1300 سى سى لكن 1500 هتزيد شويه لو بحالة جيدة انا من رأى انها تخلص على 26 الف على اساس انها هتصرف من 1000-2000 سمكرة ودوكو تبقى وقفت عليك ب 28000 وخد بالك برده ان الهتشباك فى الاكسيل سوقاها نايم شوية علشان مش منتشرة كتير زى السيدان , يعنى ممكن تتعبك فى اعادة البيع |
| الساعة الآن 10:08 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017