المشاركة الأصلية كتبت بواسطة دهبه77 (المشاركة 436284)

السلام عليكم ورحمة الله وبركاته
موضوع جميل جدا وانا لما بدخل المنتدي بحس ان انا داخلة عند اسرة تستضيفني فترة اقامتي اسرة تعمل بمبدا اكرام الضيف واجب ....بس هو المواضيع دي بتحط الواحد في حيرة بين حاجتين
موضوع كموضوع عام في الحياة مهم
ولكن بالنسبة للسيارات ؟؟؟؟
عموما اجمل شئ ان ميبقاش في حدود وقوانين في كل حاجه يعني ...حتي المنتدي هيبقي بقوانين!!!
انا شايفة من خلال الردود بنيرة تحامل علي المراة شوية!! معلش اعذروني اصل انا واحدة منهم
اولا بالنسبة لعمل المراة طيب ما هي للاسف الظروف السيئة اللي احنا فيها هي اللي عاملة كدة للاسباب المادية وحاجة تاني للاسف كل مدي عن زمان تلاقي الناس بقت اوحش بالتالي هي لعدم شعورها بالامان تقول اهو الشغل تخرج تشوف ناس وتجيب قرش يطمنها
دي مشكلة مجتمع كامل باخلاقياته اللي للاسف بمرور الازمنة بتقل!!
الحاجة التانية لو علي عمل المراة زمان او شرعا كثير من النساء كن يعملن حتي في الجهاد خرجت امراة لللجهاد متلثمة لم تعرف الا بعد دفاعها عن النبي صلي الله علية وسلم باستماتة وكذلك من عملن بالطب وغيرها من المجالات
مش معني ان المراة خلقت مراة انها متعملش شئ ولكن هي الاصل انها تقر في المنزل ولكن ان اضطرتها الظروف لازم تعمل كدة وتحاول علي قدر ما تقدر تتقن عملها ودة بييجي بالتدريب
الحاجة التانية هي مش حرب!!!!!! بمعني ايه كل جنس بيبقي اناني لنفسة ومحدش بيلتمس الاعذار لحد لو اهتدينا بنهج النبي صلي الله عليه وسلم (التمس لاخيك ولو سبعين عذرا) امال بقي الازواج او الزوجات؟ لازم سياسة ضبط النفس -لازم نلعب يوجا-
الحاجة السادسة لما راح صحابي (للاسف مش فاكرة ان كان ابو بكر او عمر) ليشتكي للنبي صلي الله علية وسلم علو صوت زوجتة عندما اقترب من الدار كاد ان يرجع لانه سمع صوت ابنته وهي تجادل الرسول صلي الله عليه وسلم ولكنه عاد وكاد ان يضربها فنهاه صلي الله عليه وسلم
يعني لازم كل واحد يصبر علي التاني ويبص للحاجات الحلوة للاسف زي مثلا معمالة الاهل انت بتبستحمل باباك ومامتك ليه لان هم عملو حاجات كتير جدا طيب لما بيعملو حاجه تضايق بتحاول تسكت او تصبر - افتكر الحلو برضة للزوجة والزوجة كذلك حاولو تعاملوهم علي انهم مش ازواج انها ام مثلا وهي تعاملة علي انه اب هتلاقو المعاملات نفسها اتحسنت جدا زي ما بتكلمو صحابكو بالذوق طب ما الطرف التاني اولي بالمعاملة الحسنة دي !!!

11- لو كان الزواج سئ مكانش النبي صلي الله عليه وسلم امربه وقال (يامعشر الشباب من استطاع منكم الباءة فليتزوج) متحاولوش تضحكو علي نفسكو ويتم ذلك بالدعاء كثيرا والاوستخارة والاكثار من اوجة الخير ايا ما كانت

الحاجة اللي كان نفسي اقولها من اول الكلام بقي ان الفلوس مش كل حاجه ولكن للاسف زي ما قريت برضة المسالة تعود بمعني ان المراة بتبقي سعيدة جدا جدا جدا بالجنية اللي جوزها بيصرفة عليها لو بتبقبض مليون جنية مش هيعجبها الا الجنية اللي جوزها بيديهولها فاذا كنت ممكن تدي اهلك فلوس وتتصدق علي المسكاين والغلابة اشمعني عند الزوجة لأ ولا هو مبدا الندية وخلاص الموضوع مش حرب هي تصرف وهو يصرف علي البيت مش مشكلة في النهاية كله للبيتقال صلي الله عليه وسلم درهم تنفقه على نفسك ودرهم تنفقه على زوجتك، ودرهم تنفقه في سبيل الله خيرها من تنفقه على زوجتك

اخر حاجه بقي (قبل الاخيرة)وبعدين المقوله السائدة بتاعة لو هي صرفت فلوسها في البيت وهو ابتدي يشم نفسة شوية هيتجوز تاني هو لو عايز يتجوز تاني هيتجوز وكلها في الاخر اقدار ولا يصح الا الصحيح لو هو متجني عليها هيبقي هو اول واحد خسران واعتقد ان الظلم اخرته وحشة بدليل_الثورة واللي حصل فيها_

اخيرا(الحمد لله اخيرا خلصت كلام كل دي مقالة انتي ما صدقتي!!)
هو موضوع الزواج ده نصيب ولازم كل طرف يضحي شوية وميبقاش اناني والطرفين لازم يبقو هم ال2 بيحاولو ينقذو المركب واولا واخيرا ربنا اللي بيسلم وبيكرم وطاعة الله وقال بعض الصالحين اني لاجد اثر الذنب في خلق زوجتي وخلق دابتي
اسفة للاطالة
شكرا لسعة صدوركم
اخر حاجه نسيت بجد اخر حاجه
في كتاب اسمة النساء من الزهرة والرجال من المريخ يا ريت لو كل 2 هيتجوزو بستحملو شوية ويقرو بس النسخة اللي بالانجليزي افضل لان الترجمة بتاعته طويلة جدا جداجدا
:14369D~149: