رد: موسوعه فى الرد على اعطال السيارات الفيات
 

أخى العزيز تحياتى لك على مجهودك مشكورا وربنا يجزيك كل خير عنه
مشكلتى معى 127 وأنا ماشى بها فوجئت بها مرة واحدة أنها ما تسحبش وتبطل ولما بادورها تانى تدور على المور واول ماخد غيار تبطل انا الصراحة كنت لسه مفول قمت بصيت على الفلتر فوجئت به شبه فاضى وسحب طلمبة البنزين شبه منعدم ولكنها بتدور ومشيت شوية ركنت لمدة ساعتين وجيت ادورها لاقيت البطارية فارغة الشحن تماما بصراحة انا احترت ما علاقة سحب البنزين بافراغ شحن البطارية ؟ المهم ما هو الحل هل هو شحن البطارية وهل لن تفرغ مرة اخرى ولا الدينامو لايقوم بالشجن ؟
جزاكم الله كل خير

رد: موسوعه فى الرد على اعطال السيارات الفيات
 

رد: موسوعه فى الرد على اعطال السيارات الفيات
 

رد: موسوعه فى الرد على اعطال السيارات الفيات
 

الشيخ طارق الرجل صاحب الخلق الرفيع ، والشخصية التي قلما يجود الزمان بمثلها تحياتي الشديدة لحضرتك ، وشفاك الله وعافاك من مرضك وجعله في ميزان حسناتك ان شاء الله .
جزاك الله عنا خير الجزاء .
بعد اذنك انا عندي مشكلة في سيارة 128 موديل 78 وهي ان العربية بتاكل بنزين بشكل ملحوظ مع العلم أن حالة الموتور جيدة جدا وسحب العربية ممتاز وصوت العربية مش عالي والكهرباء مظبوطة .
تم عمل الآتي :
1- طقم سرفيس كامل للسيارة (بوجيهات + أبلتين + كوندنسر) وتم الكشف على سير الكاتينة وحالته ممتازة .
2- تم تغيير علبة شكمان بها ثقوب تحسبا أن تكون هي السبب .
3- تم ظبط تاكيهات للعربية وصوت العربية كويس ومش بتسخن .
قبل كده لما كنت بظبط تاكيهات وأقطع مشوار كبير في حدود 50 كم على طريق سريع كنت آلاقي شكمان العربية من الديل لونه رصاصي مش هباب لكن دلوقتي وبعد الظبطة الأخيرة بلاقي هباب مش عارف ممكن تكون المشكلة في ظبط التاكيهات ولا ايه .
العربية مش بشم رريحة بنزين وأنا ماشي ولون العادم الصبح طبيعي من غير لون والعربية مش بتنتش ولا فيها اي مشكلة غير أكل البنزين تقريبا بتعمل 140 كم / 20 لتر داخل البلد مع العلم اني مش بمشي بيها في زحمة جوه البلد ومش بتقف شغالة لفترة طويلة من غير حركة .
على الطريق السريع بتعمل تقريبا 200 كم / 20 لتر .
فياترى ايه سبب المشكلة ديه ولك من عظيم الشكر والاحترام والتقدير .

رد: موسوعه فى الرد على اعطال السيارات الفيات
 

الإستهلاك ده عالي جداً فعلاً بالنسبة لعربية 128 :thinkW19::thinkW19:

رد: موسوعه فى الرد على اعطال السيارات الفيات
 

اخبار الكربيراتير اية :pty:

رد: موسوعه فى الرد على اعطال السيارات الفيات
 

معدلات الاستهلاك نسبية فى العربيات المستعملة

انما فى الجديد قياسية

يعنى ال 128 ممكن تعمل فى اللتر الواحد من 7 الى 10 لتر
حسب ظروف الطريق وحسب حساسية القدم وحسب سرعتك وعوامل تانية كثير

لو عملت معاك 8 كيلو فى اللتر حلو

لو عملت 9 حلو جدا

لو عملت 10 يبقى ممتاز

انت على الطريق السريع عملت 200 كيلو فى ال 20 لتر

كده فى السليم

جوه البلد والزحمة هيزيد الاستهلاك

وخلاصة الكلام لو فيه مشكلة فى الاستهلاك

اولا

بيكات الكاربيراتير ( واسعة من قدم عمرها او من الاستهلاك )
عوامة الكاربيراتير بتخرف
بوجيهات مهنجة او مش بتحرق كويس
خليط غير موزون نتيجة فلتر مش ابن حلال ( مترب او مبهدل او مسدود )
ضبطة الكهرباء مش متوازنة يعنى عالية سنة بسيطة

راجع دول

وان شاء الله عزوجل

هتتحل المشكلة

وادعيلى