مصر موتورز مجتمع السيارات - حقير يقتل فقير ليرضي غشيم بتأييد من غبي !

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - حقير يقتل فقير ليرضي غشيم بتأييد من غبي ! (https://www.masrmotors.com/vb/showthread.php?t=74284)

رد: حقير يقتل فقير ليرضي غشيم بتأييد من غبي !

اقتباس:

المشاركة الأصلية كتبت بواسطة lost2008 (المشاركة 575285)

ياجيش مبارك جددت عارك
وفتحت نارك على أهل دارك
وبنكسة تانيه من إختيارك
سودت صفحة فى كتاب منارك
سبت اللصوص تاخد قرارك
والمفسدين يسعو فى دمارك
إصحى وفوق واعدل مسارك
خليك يمين إنت يسارك
من دمنا بتاخد بتارك
وفى قلبنا صايب عيارك
ماحنش يهود إحنا عمارك
لو ضعنا يتسهدم جدارك
أمك وابوك واختك وجارك
وابنك واخوك وكل مصرى فى انتظارك
منقول..

ممكن تقول لى أنت عاوز ايه بالظبط؟؟!!!!!:shy::shwt:

رد: حقير يقتل فقير ليرضي غشيم بتأييد من غبي !

المجلس العسكري هو السبب
سايب الناس بتاكل في بعضها وفرقنا طوائف وأحزاب

يقولنا الحقيقة.

ايه اللي بيحصل ؟؟؟ مين السبب ؟؟؟ مين الناس دي ؟؟؟؟
ومين العيال اللي في الشارع دي ؟؟ وازاي جيش بالحجم والعتاد ده مش قادر يلمهم بضربة واحدة ؟؟؟
لو ٦ ابريل هنضربهم بالجزم
لو طرف تالت, مين الطرف التالت ده ؟؟؟
فين المخابرات والأمن الوطني ؟؟؟

صمت المجلس العسكري غريب وبيشككنا فيه وفي نواياه
وليه مش عاوزين يظهروا الأدلة اللي معاهم؟؟؟
هم خايفيين ليه ؟؟؟ ومن مين ؟؟؟

يفهمونا ويريحونا واحنا نقف معاهم
أنا مش شايف غير سحل وقتل ودم :cry2W9:
مهما كان الشخص ده مأجور أو بلطجي, ليه بيتضرب في مقتل ؟؟؟

الموضوع فيه حلقة مفقودة ولعبة قذرة
لا حول ولا قوة الا بالله

رد: حقير يقتل فقير ليرضي غشيم بتأييد من غبي !

اقتباس:

المشاركة الأصلية كتبت بواسطة طارق السحت (المشاركة 575441)

ممكن تقول لى أنت عاوز ايه بالظبط؟؟!!!!!:shy::shwt:

الغرض كله مفهوم من الاول من اول ما عرفت بتوع 6 ابريل وعرفت نواياهم وهو تقليب الشعب على الجيش المطلوب الشعب يكره الجيش ودخول البلد فى حرب اهليه .. او حدوث انقسام فى الجيش وضياع الجيش المصرى وجعل العميل رئيس على مصر

رد: حقير يقتل فقير ليرضي غشيم بتأييد من غبي !

اقتباس:

المشاركة الأصلية كتبت بواسطة مادا (المشاركة 575085)

اعرف من كلام حضرتك اللى انتا سايب اللى غلط من الاول ومسكت فى اللى استفاد من الغلطه .. سايب اللى معسكرين امام مجلس الوزراء لاكثر من شهر ومحدش عارف هما عاوزين ايه بالضبط .. وماسك فى المجلس اللى عرف يستفاد من التظاهر ده .. مش فاهم انتم ليه بقالكم شهر محدش عايز يغلط الناس دى كان حق مشروع لهم التظاهر امام مجلس الوزراء ومنع رئيس الوزراء من مباشرة عمله .. ولما الجيش ضربهم كله قام على الجيش يعنى يسبهم يولعوافى البلد مش فاهم ..
مين اللى ولع فى مبنى الوثائق
.. مين اللى كان عاوز يحرق مجلس الوزراء
مين اللى قفل شارع القصر العينى بدون اى سبب او مبرر
كل الكلام ده ميستهلش ان الجيش يضربهم علشان يمشوا ... خلاص لو انتوا عاوزين كده ماشى جيش مصر خاين والمتظاهرين اللى احنا مش عارفين هما مين ولا عاوزين ايه هما اللى صح وبيحبوا مصر

أولا: انتا بتقرأ العلى مزاجك بس و تسيب الباقى, عشان انا قلت انى مش راضى على منعهم دخول الجنزورى لمقر عمله, و قلت أهداف المتظاهرين ايه (وفقا لاعتقادى) لكن انتا بتقرأ الانتا عايزو بس و ممكن ترجع للمشاركات عشان تلاقى اجوبة لأسئلتك البتسألها و مبتحاولش تقرأ الأجوبة.

ثانيا: المعسكرين دول شباب صغير فى منهم الفاهم لقضية كويس, و فيه العنده حماسة زايدة و بيشارك رغم عدم المامه بكل الجوانب و طبقا لتصريحات المجلس العسكرى فالاعتصام حق مشروع, و حتى لو افترضنا انهم أخطأو ف فيه فرق كبير اوى من شباب صغير متحمس و بين حكومة و مجلس عسكرى مفروض انها متمرسة و ذات خبرة كبيرة (للأسف مجلس أثبت غشامته الفاضحة), و فى الأخر أقصى عقوبة على الشباب ديه مفروض تكون القبض عليهم و تسليهم للنيابة للتحقيق معهم,مش ضربهم و سحلهم و تشويههم.
ثالثا: محدش خون الجيش, لكن عندنا شكوك فى نوايا المجلس العسكرى, و ده البنقوله الف مرة, و بردو مش قادرين تفهمو ان فيه فرق كبير بين الجيش و المجلس العسكرى, الجيش مفترض به الحماية و ليس الحكم.
رابعا: موضوع الحرق انتا خدت قرار ان هما الحرقوا و بأت من المؤكدات بالنسبة ليك, لكن الشواهم كلها ان المتظاهرين همل الحمو المتحف ايام الثورة,و هما الساعدوا المطافى على تطفية حريق الشقة فى شارع محمد محمود و الشرطة هيا الضربت غاز على المتظاهرين و رجال المطافى و المتظاهرين هما الشالوا رجال المطافى الوقعوا و جريوا بيهم لى المستشفى.
و الأغرب ان المطافى عرفت تدخل شارع محمد محمود و معرفتش تخش عند المجمع العلمى, و الحكومة طلعت طيارة اطفاء لمجلش الشورى من سنتين و محاولتش تطلعها على المجمع العلمى مش عارف ليه.

رد: حقير يقتل فقير ليرضي غشيم بتأييد من غبي !

اقتباس:

المشاركة الأصلية كتبت بواسطة walidelwahsh (المشاركة 575101)

من فضلك متحورش كلامي وتفهمو بطريقتك

انا برد على استفسارك اية اللي ودى البنت دي هناك بتعمل اعتصام زي فيلم رامي الاعتصامي...وبعدين انا مالي ومال نظام مبارك...هو اللي يقول كلمة مش عاجباك بقى نظام مبارك ...اتقى الله بلاش تخوين..دي بقت 600 حتة ....
دا بتوع 6 ابريل هما اللي ماليين النت دلوقتي اكاذيب وتضليل وافتراءات

لا تصدق جبت التايهه
تحليل ولا اروع بصراحة
المجلس العسكري اصله اهبل وبرياله يولع في البلد بالشكل دا عشان مصالحة الخاصة
طب مانتهزش الفرصة لية في ينايروعمل المخطط البديع اللي بتقوله دا وكان زمان مبارك لسة ريس لغاية دلوقتي..أقول ايه بس ...ربنا يهدي

بصراحة لتانى بردو بتصدر أحكام و بتدخل فى النيات بدوع علم ولا معرفة, و اتهمت البنت ديه بالباطل رغم انها ممكن تكون ارجل مننا كلنا, و رغم انو فى عز مالعالم كلها بيتكلم عليها دلوقتى (كل جرايد انجلترا نشرة صورتها و بتمدح فيها) و رغم كده هيا مأعلنتش عن شخصيتها حتى الأن.

المجلس العسكرى (و ليس الجيش) انتهز الفرصة على أفضل ما يكون, تولى مقاليد الحكم فى ساعة, و تخلص من كل من كان يزعجه و يجنبه سنين لحساب زبانية جمال مبارك و تعلية لسلطات الشرطة على الجيش, و عمل تحالف أهوج مع الأخوان لضمان سكوتهم و أربكنا جميعا باستفتاء دستور تنكر هو ليه بعد كده و سرعان ما تبين له التخلص من سيطرة الاخوان على كثير من الأحداث و بردو فشل, و حاول يمرر وثيقة السلمى للتستر على مصالحه الشخصية و فشل, يا بيه الموضوع أكبر بكتير من جيشنا حامينا و عيال مندسة, انتو سايبين الصورة الكبيرة و ماشيين ورا فتات.

رد: حقير يقتل فقير ليرضي غشيم بتأييد من غبي !

اقتباس:

المشاركة الأصلية كتبت بواسطة tonsy1979 (المشاركة 575236)

محدش بقى فاهم حاجة بس الحاجة الوحيدة الواضحة وضوح الشمس ان مصرنا الغالية تتعرض لمؤامرات داخلية وخارجية من قبل خونة ومأجورين حتى تحترق مصر .. لك الله يامصر ستظلين آمنة رغم انف الحاقدين كما ذكرك ربك الكريم وسيظل جنودك خير اجناد الارض ارجعوا الى القرآن الكريم:837:

الحل الأمثل التعجيل بانتخبات الرياسة, و استسلام المجلس العسكرى بتسليم السلطة فورا بعدما أثبت فشله الذريع فى ادارة البلاد اقتصاديا و سياسيا.

رد: حقير يقتل فقير ليرضي غشيم بتأييد من غبي !

اقتباس:

المشاركة الأصلية كتبت بواسطة مادا (المشاركة 575624)

يا راجل وانتا عرفت انه عميل اواى, و مين العميل الداخل انتخبات رياسة و المخابرات المصرية و الحربية سايباه هايس فى البلد كده و هيدخل انتخبات رياسة و مفيش دليل واحد ضدو (معأنو تاريخو كلو معروف و واضح على مستوى العالم) و كل الاتعمل نشر اشاعات ساذجة و تصديقها من قبل أفراد أكثر سذاجة و تبنى اكثر الناس هطل و تخلف من امثال عكاشة و احمد سبايدر تشويه سمعة ناس ليهم فضل على البلد.