رد: قواعد اختيار زيت الموتور.. إزاي تعرف الزيت المناسب؟؟؟
 

هل معدل البخر بتاع الزيت بيختلف من موتور لموتور يعنى انا كنت بحط اكس اتش بى حطيتة كام مرة كدة حوالى 3مرات المهم غيرت لكاسترول طبعا مكملش 3 الف كيلو واتحرق وبقى فحم وطبعا كنت بستخدم موبيل وان بس كان اخرة خالص 7 الف كيلو المهم ناس شكرت قوى فى شل هيلكس 10 الف حطيتو وبصراحة ملوش حل بجد تحفة يعنى قعد دلوقتى معاية 11 الف كيلو ولسة ما شاء الله لونة بنى واللزوجة كويسة قوى بقارنها بشوية فى الجركن اللزوجة قلت بس شوية صغيرين خالص بس حسيت ان الزيت ناقص لما العربية جابت 9 الف كيلو شوية صغيرين خالص غير ملحوظ زودت شوية يعنى لا يذكر بصراحة بساط جدا المهم دلوقتى قل بردة حوالى نفس النسبة هل كدة يبقى فى معدل بخر فى زيت شل ولا اية بالضبط علما بأن دة اول زيت يبقى فى معدل البخر البسيط دة وبسيط على كل حاجة فى العربية مفيش اية تسريب زيت نهائى بس اول مرة الزيت نقص كان فى ترشيح من ناحية الموبينة كدة والميكانيكى ظبطها وبقيت زى الفل بس الزيت للما اقل المرة دى بعد 11 الف كيلو ومفيش اية تسريب خالص من اية مكان فى العربية شوفت الطبة والموبينة وكل حاجة فى الموتور كويسة يبقى كدة الزيت دة لية معدل بخر ولا اية بالظبط

رد: قواعد اختيار زيت الموتور.. إزاي تعرف الزيت المناسب؟؟؟
 

اللي حضرتك بتوصفه اسمه "استهلاك الزيت"

كل مواتير العالم بتستهلك زيت مع التشغيل... بمعنى إن الزيت بيتحرق مع البنزين أو السولار

وده بسبب طبيعة عمل الموتور اللي فيها الزيت لازم يزيت أي جزء متحرك علشان تبقى حركته سهلة وما يولدش حرارة عالية

http://1.bp.blogspot.com/-IxLwx4kSQz...vU/s1600/8.jpg http://upload.wikimedia.org/wikipedi...h-airflows.gif

السلندر من جوه لازم يبقى عليه طبقة من الزيت عشان البستم يمشي كويس... والبستم بيبقى فيه حلقات بتمنع اختلاط غرفة الحريق عن الأجزاء التانية المتحركة، ودي اللي معروفة بإسم "الشنابر"، ومن ضمن الشنابر دي فيه واحد أو اتنين مخصصين لمسح الزيت من على السلندر... بس المسح عادة مش بيتم بصورة كاملة، وبتفضل فيه طبقة رقيقة على السلندر بتتحرق مع البنزين

http://www.motorera.com/dictionary/pics/p/piston.gif

الموضوع ده لا يمكن نتفاداه... بس ممكن نقلل منه


إزاي؟؟؟

*حاول تستخدم زيت أثقل بعض الشيء (مداه مناسب لجو مصر).. لإن كل ما كان الزيت خفيف ، كل ما كان استهلاكه أكتر

*حاول تستخدم زيت تخليقي

*حاول تقلل من الدوران العالي للموتور... يعني خليك في المدى المتوسط بتاع الـRPM

على سبيل المثال... في كتالوج تويوتا كورولا 2010 (في أمريكا) مكتوب إن معدل استهلاك ازيت ممكن يوصل لحد 1 لتر كل ألف كيلو !!!!! بس المعدل العالي ده لإن الزيت اللي بيستخدموه هناك خفيف جدا لإن الجو هناك بارد في مناطق كتير ... ده غير إنهم عاملين حساب طريقة السواقة الرياضية.



أرجو إني أكون فدتك



...

رد: قواعد اختيار زيت الموتور.. إزاي تعرف الزيت المناسب؟؟؟
 

وبجد شكرا على الشرح الجميل والصور الجميل والتوضيح متشكر جدا على الافادة rpm عندى بغير على غيار متوسط جدا 2500 لفة فى كل غيار يعنى كويس قوى بس كدة الصورة وضحت لية بقى لانى فعلا كنت بستخدم زيت عالى اللزوجة زى موبيل دة كان 10w50باين مش فاكر بس كان عالى فعلا والزيت دة اللى بستخدمة حاليا هو شيل هيلكس تخليقى 10 الف كيلو ودرجة لزوجة هى 5w40 يعنى لزوجة اققل وممكن يكون نقص الشوية الصغيرين دول علشان هو كان فى الصيف ومتهيألى فى الشتاء مش هينقص متهيألى ثم صح منت عارف ان الزيوت مش بتكامل مصدقت لقيت زيت يكمل المدة بتاعتة ويعديها كمان اية رأيك اكمل هو نقص يعتبر مرة واحدة ابقى ازود الشوية دول وخلاص بس يعنى شوية هل فى غلط لو ذودت شوية الزيت ولا غلط ولا اية بالظبط اية رأيك

رد: قواعد اختيار زيت الموتور.. إزاي تعرف الزيت المناسب؟؟؟
 

مفيش مشاكل إنك تزود الزيت...

بس على شرط..

إنه يكون نفس نوع الزيت الموجود في الموتور... بمعنى إنه يكون من نفس الماركة أو بمعنى أصح.. من نفس العبوة

المشكلة إنك لو خلطت نوعين زيت أو ماركتين زيت... احنا ما نضمنش محسنات اللزوجة والإضافات اللي محطوطة في الزيت الأولاني تتفاعل مع اللي في الزيت التاني ولا لأ

عشان تريح دماغك.... يفضل وانت بتشتري جالون الزيت تشتري عبوة صغيرة من نفس الزيت عشان تزود بعد كده.



...

رد: قواعد اختيار زيت الموتور.. إزاي تعرف الزيت المناسب؟؟؟
 

شكرا يا غالى هو فعلا نفس النوع وشكرا على تعبك معاية

رد: قواعد اختيار زيت الموتور.. إزاي تعرف الزيت المناسب؟؟؟
 

الأخ العزيز م/أحمد انا حطيت للعربية اسبيرانزا 516 زيت موبيل xhp ومانت لزوجته 20W50 وده حصل فى مركز خدمة معتمد فى حين ان كتالوجال سيارة بيقول أحط موبيل وان 0w40 فهل هذا يؤثر فى طلمبة الزيت أو فى الموتور ؟؟وشكرا مقدما

رد: قواعد اختيار زيت الموتور.. إزاي تعرف الزيت المناسب؟؟؟
 

الأخ العزيز م/أحمد ..انا حطيت للعربية بتاعتى اسبيرانزا 516 زيت موبيل 20W50 فى حين ان كتالوج السيارة بيقول أحط موبيل وان 0W40 ..فهل ده يأثر على طلمبة الزيت أو الموتور ؟؟ أو يعمل مشكله ما ..مع العلم ان التبديل حصل فى أحد مراكز الخدمة المعتمد ..وشكرا مقدم[