مصر موتورز مجتمع السيارات - المختصر المفيد في الإلانترا الجديد

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - المختصر المفيد في الإلانترا الجديد (https://www.masrmotors.com/vb/showthread.php?t=71148)

رد: المختصر المفيد في الإلانترا الجديد

يا جماعة انا بجد حتجنن ازاي في ناس لسة بتفكر بالشكل دة - طبعا مع احترامي لجميع الاراء - بس المسالة بقت بجد شغل هبل في هبل, ناس بتنزل عربيات بدون ادني وسائل الامان وبسعر خرافي وناس بتنزل عربيات من فئة اقل وبسعر اكتر من الفئة الاكبروناس بتنزل عربيات كوري باسعار مبالغ فيها (اللي هي سبب انتشارها اساسا هو ميزة فارق السعر الكبير عن الصانع الاوربي), والمصيبة الاكبر انة في ناس بتشتري وبتدافع كمان علي الاستغلال, انا كل اللي حقولة اني حسيب تحت مشاركة ليا كانت في موضوع عاملة منسق مبيعات قسم هيونداي وللاسف ماردش علي ولا بند واحد من اسئلتي, وحسيب ليكو الرد يمكن انا اللي عايش في دنيا لوحدي, المشاركة كانت كالتالي:

لما تكون عربية تمنها برة 13000 دولار يعني 78000 جنية تقريبا دة متضمن مكسب البياعين برة بردة , وحوالي 50% جمارك وضرايب يعني تفريبا 110000 جنية وتتباع ب 165000 للمواطن المصري يعني مكسب حوالي 55000 جنية في العربية (مع العلم باني حاسب ضمن الشعر مكسب البياعين برة وضاربة كمان في 2) دة يبقي اسمة اية؟
لما تكون السيارة الاتنرا اللي سبق دكرها في النقطة السابقة بتنزل بمواصفات اعلي بكتير من اللي عندنا حتي الموتور بينزل GDI والناس هنا تاخدها بتكنولوجي قديمة موتور قديم MPI وتنزل با تنين اير باج بدل 8 وبدون الاوتو باركنيج بيقي دة اسمة اية؟
لما الوكيل يستهبل الناس ويديهم ضمان 3 سنين وبرة ضمان الهيونداي 7 سنين في اوروبا او حتي الخليج يبقي اسمة اية؟
لما نص شركة هيونداي التاني اللي هو KIA تنزل عربية زي السيراتو واللي اسعارهم علي النت واحدة برة وفي الخليج ويبقي سعر الهاي لاين في السيراتو 129000 جنية واختها من نفس المصنع تبقي ب 165000 جنية يبقي اسمة اية؟
لما الوكيل يشيل كل وسائل الامان القياسية من العربيات وطظ في امان الناس واولادهم وحياتهم, ولما تسال العربية دي فوق ال 100000 جنية لية يقولك دي كاملة تكييف وباور وسنتر, ههههه دة علي اساس ان دي كماليات مش اساسيات بتنزل في اي عربية بمواصفات قياسية او علي اساس اني دافع فوق ال 100000 جنية علشان اخد عربية من غير باور ومن غير تكييف, دة يا راجل بيشيل حتي حلية هيونداي الليي بتبقي علي الدركسيون علشان يوفر , بالذمة يبقي اسمة اية؟
لما الوكيل يغلي سعر العربية علشان فرق سعر العملة ولما تنزل العملة تاني ما ينزلش سعر العربية, يبقي اسمة اية؟
لما الوكيل يغلي سعر العربية 2000 جنية ويجي بعدها بشهرين ويقول فرصة تخفيضات 2000 جنية لفترة محدودة, يبقي اسمة اية؟
لما الوكيل ينزل عربية كوري ب 165 الف جنية ويدخل في فئة الاوروبي الخالص يعني تركب فليوننس وتوفر 15000او لو زودت 8000 جنية ممكن تركب جولف 6موديل 2012, او حتي اوكتافيا فانتازيا - مع احترامي لتطور الصانع الكوري- الا انة صعب جدا المقارنة مع الصانع الالماني سواء من جودة او عمر افتراضي او امان, بجد شتان في المقارنة,حتي في اسعارهم خارج مصر, يبقي دة اسمة اية؟
انا بقي عايزك وعايز الاعضاء المحترمين يردو ويقولو اسمة اية؟ لاتعليق

رد: المختصر المفيد في الإلانترا الجديد

يا باشا الصانع الالمانى الخرافى اللى بتقول عليه اتفرج على العربيات الجيتا ال نزله بعيوب فى الفتيس وشوف الموضوع ده http://www.masrmotors.com/vb/showthread.php?t=44392
يعنى من الاخر سيبك من الالمانى خلاص زمنو انتهى
ثم العربيات الكورى اثبتت انها اكتر اعتمادية من الالمانى والاوربى فى اوربا نفسها وشوف التقرير دى
http://www.masrmotors.com/vb/showthread.php?t=71480

لكن الكلمة اللى الكل بيقولها السييارة الكورى عمرها ما تحصل الاوربى
فاحب اقول انها تفوقت موش لسه هاتتفوق على العربيات الاوربى

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة khaabas (المشاركة 548488)

لا يا خي الكريم زمنة ما نتهاش ولا شيء كل المصنعين بلا استثناء بيعملو عربيات وبيعدلو فيها
لكن السؤال هنا:

هل لو العربية الكوري في مصر حصل فيها اي عيوب هل حيستبدلوا الجزء المعيب او حتي الاستاذ غبور حيصلحها ؟ دة ساسا العربيات بتدخل صيانة بتخرج بعيوب جديدة وراجع قسم هيونداي ومصايب الاعضاء مع مراكز صاينة غبور وبالاخص المراكز الرئيسية.
نسال اي عضو مهما كانت اتجاهاتة ورغبااتة, تركب هيونداي ب 165 ولا تركب هوندا سيفيك او كرولا اومازدا, فلوونس او حتي تزود 8 وتركب اوكتافيا او جيتا او جولف 6؟؟؟؟؟
اي تفوق اللي حضرتك بتتكلم علية, شوف اسعار العربيات برة بكام (واكيد فرق السعر الكبير برة مش اعتباطا) وسعرها هنا كام, طبعا الاوروبي والياباني اغلي بنسبة كبيرة, شوف نسبة استحواذ هيونداي علي السوق الاميريكية والاروبية ونسبة تويوتا او فولكس والفرق الرهيب في الاستحواذ(برغم سعر الكوري المنخفض بنسبة كبيرة عن الياباني والامريكي والاوربي), اي تفوق اللي بتتكلم سيادتك علية ؟؟؟؟

بجد انا مش متحيز ابدا ولو العربية الكوري بجد سعرها منافس وبتنزل بكل المواصفات القياسية وسعرها فعلا بيفرق عن الياباني والاوربي , اكيد طبعا كنت حكون في صفها , لان طبيعة بلدنا ومعدل الدخل فيها بيتطلب شراء سيارة بمميزات وسعر تنافسي عن الاروبي والياباني الغالي, ودة اللي خلي الكوري ينتشر في مصر اساسا وللحياد ممكن حضرتك تدخل وتشوف اي برنامج تقييم سيارات زي توب جير مثلا وتعرف شكل التقييم اللي بتاخدة سيارات كيا وهيونداي في مقابل السيارات اليابانية والاوروبية, طبعا فروقات شاسعة, مع كامل احترامي لاراء الجميع

رد: المختصر المفيد في الإلانترا الجديد

خلاصة الكلام
كلمة السر : غبور
العربية دي في ظل الظروف اللي البلد فيها ( جمارك و ضرايب و خلافه ) الفولي لودد اّخرها 130 ألف

رد: المختصر المفيد في الإلانترا الجديد

والله حراااااااااااااااام
ده على اساس انى اقل عربية المانى يعنى بكااااااااااام

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة shisho117 (المشاركة 548485)

لما تكون عربية تمنها برة 13000 دولار يعني 78000 جنية تقريبا دة متضمن مكسب البياعين برة بردة , وحوالي 50% جمارك وضرايب يعني تفريبا 110000 جنية وتتباع ب 165000 للمواطن المصري يعني مكسب حوالي 55000 جنية في العربية (مع العلم باني حاسب ضمن الشعر مكسب البياعين برة وضاربة كمان في 2) دة يبقي اسمة اية؟ (يبقى اسمه استغلال وسرقه, ومع إحترامي لحسبة حضرتك أنا لسه قاري موضوع تاني تقريبا على مصر موتورز برضه بيقول ان التوكيلات دي اصلا مش بتدفع جمارك العربيه كامله وانه يدوب بيدفع عليها 15 أو 20 ألف جنيه, الله اعلم بالحقيقه لكن في ظل نظام افتح الدرج ومشي حالك ممكن جدا اصدق)
لما تكون السيارة الاتنرا اللي سبق دكرها في النقطة السابقة بتنزل بمواصفات اعلي بكتير من اللي عندنا حتي الموتور بينزل GDI والناس هنا تاخدها بتكنولوجي قديمة موتور قديم MPI وتنزل با تنين اير باج بدل 8 وبدون الاوتو باركنيج بيقي دة اسمة اية؟ (ده بقى اسمه تهريج وضحك عالناس, بحجج مختلفه بس اسطمبات جاهزه وحفظناها ومللينا منها, زي ان التكنولوجي العالي مش مناسب للمصريين عشان هما بصمجيه والخبراء الاجانب جم وعملوا دراسه للشوارع والسواقين واكتشفوا ان الانسان المصري آخره كارو 2 حمار) يعني الناس اهم خايفين علينا برضه
لما الوكيل يستهبل الناس ويديهم ضمان 3 سنين وبرة ضمان الهيونداي 7 سنين في اوروبا او حتي الخليج يبقي اسمة اية؟ في ظل تكالب الناس على منتج معين (طبقا للإشاعات من نوع بيقوللك وكده) اكيد الوكيل هيسرق واحد بيبيع الهوا في أزايز والناس بتقتل بعض عليها مش عايزه يغللي ؟؟
لما نص شركة هيونداي التاني اللي هو KIA تنزل عربية زي السيراتو واللي اسعارهم علي النت واحدة برة وفي الخليج ويبقي سعر الهاي لاين في السيراتو 129000 جنية واختها من نفس المصنع تبقي ب 165000 جنية يبقي اسمة اية؟ (نفس رد نقطه 4)
لما الوكيل يشيل كل وسائل الامان القياسية من العربيات وطظ في امان الناس واولادهم وحياتهم, ولما تسال العربية دي فوق ال 100000 جنية لية يقولك دي كاملة تكييف وباور وسنتر, ههههه دة علي اساس ان دي كماليات مش اساسيات بتنزل في اي عربية بمواصفات قياسية او علي اساس اني دافع فوق ال 100000 جنية علشان اخد عربية من غير باور ومن غير تكييف, دة يا راجل بيشيل حتي حلية هيونداي الليي بتبقي علي الدركسيون علشان يوفر , بالذمة يبقي اسمة اية؟ ماتقلقش من الكماليات قدام شويه بإذن الله هتكون الكماليات دركسيون و 4 فرد كاوتش, أما عن الأمان فحدث ولا حرج :) :)
لما الوكيل يغلي سعر العربية علشان فرق سعر العملة ولما تنزل العملة تاني ما ينزلش سعر العربية, يبقي اسمة اية؟ (لو تفتكر فيلم الكيف, ننزلها شعبي, ولما يبقى ليها زبونها تعمل لنفسها سوق وتغلى) مع ان الموضوع هنا تجاوز فيلم الكيف جدا, بس هقول ايه, حماية مستهلك مفيش, اجهزه رقابيه نايمه, تفكير مستهلك.......
لما الوكيل يغلي سعر العربية 2000 جنية ويجي بعدها بشهرين ويقول فرصة تخفيضات 2000 جنية لفترة محدودة, يبقي اسمة اية؟ (............)
لما الوكيل ينزل عربية كوري ب 165 الف جنية ويدخل في فئة الاوروبي الخالص يعني تركب فليوننس وتوفر 15000او لو زودت 8000 جنية ممكن تركب جولف 6موديل 2012, او حتي اوكتافيا فانتازيا - مع احترامي لتطور الصانع الكوري- الا انة صعب جدا المقارنة مع الصانع الالماني سواء من جودة او عمر افتراضي او امان, بجد شتان في المقارنة,حتي في اسعارهم خارج مصر, يبقي دة اسمة اية؟ (برضه.................)
انا بقي عايزك وعايز الاعضاء المحترمين يردو ويقولو اسمة اية؟ لاتعليق

أستاذي الفاضل
اشكر ردك جدا وان كنت خايف لا تلاقي ردود من اللي لاقيتها انا في أول الموضوع من انك مش عايز الناس تعيش ومفتري وعشان ربنا مديك مش عايز الغلابه يركبوا ( ب 160 الف ههههه)
رديت على أسئلة حضرتك في الاقتباس من وجهة نظري المتواضعه بعد ما لفيت عالعربيه البلاستيك دي
وجهة نظرك ونظر الجميع تحترم حتى اللي خالفوني في الرأي, لكن انا كنت نفسي واحد يخالفني برأي علمي أو عملي, لكن للأسف ما اظنش.. واحنا بإيدينا اللي وصلنا نفسنا ان واحد في المبيعات يكون رده على عدم وجود ديسكات خلفيه للفرامل (ان العربيه طويله وهتعوّم)
معلش يعني واحد بيبوس إيدك وبيقوللك أرجوك إشتغلني, تعاملك معاه هيكون إزاي ؟؟
يعني تخيل مثلا لو انت معاك إلانترا الشكل القديم ولو سعرتها دلوقتي جابتلك 70 ألف, هاتلي سبب واحد يخلليك تغيرها بالجديده (أم 160 ) !!!! واديني اهه جايب أختها عشان ماحدش يقوللي الماني وياباني والكلام ده

إحنا اللي عملنا كده في نفسنا للأسف في المجال ده وفي مجالات تانيه كتير كمان فيها حد بيفكر يستغللنا كمستهلكين
وأخيرا موضوعي ده مش هجوم على اللي بيركبوا العربيه دي, ولا بحاول اوقعها, ولا داخل او خارج من جيبي ملليم
ولو العربيه دي كانت نزلت أخت اللي في كوريا وبسعر منافس أكيد كنت هقول فيها كلام زي الفل, العربيه دي مش واخده من ورثي يعني !!
لو واحد معاه 40 ألف وعايز يجيب عربيه غالبا هتكون كوري
وهنا ال price over value هتكون منطقيه
انما اللي غبور بيعمله ده من رفع أسعار في الفئات الأقل زي علبة السردين اللي اسمها الجيتز وصولا لمهزلة الالانترا ده كلام فاضي فاضي وأتحدى اي حد يثبتلي العكس
وموضوع صيانة الكوري بالنسبه للناس اللي بتتكلم على صيانه الماركات التانيه
اظن اللي عمل صيانه للكيا مثلا شاف فواتير ب 2000 جنيه, وحتى ده بقى عادي ومقبول وهيدفع وهو مبسوط !!!
ليه ماحدش عايز يفكر وليه بقت كل حياتنا أمور مسلّم بيها ؟؟ الله اعلم !!
وبرضه لسه في ناس بتتكلم في الصيانه !!

رد: المختصر المفيد في الإلانترا الجديد

اقتباس:

المشاركة الأصلية كتبت بواسطة khaabas (المشاركة 548488)

أستاذي الفاضل أهلا بيك
رميك للألماني كلله بعيب ظهر في موديل او توكيل في مصر هو زي اللي يقول على أي حد ملتحي مش كويس لمجرد انه مره قابل واحد حرامي بدقن
اه كانت العربيه دي فيها عيب واعرف واحد (شخصيا) كان معاه باسات بنفس الفتيس والتوكيل غيرها غصبن عنه بعد ما راسل الشركه الأم في المانيا
يعني انت نسيت الثبات والنعومه والكماليات وبتتكلم على مشكله واحده ظهرت في تكنولوجيا جديده, الله اعلم نازله كده ولا سوء استخدام
وعموما احب اطمنك بالنسبه للمشكله دي اتحللت في الموديلات الجديده
وكمان حاجه كده على جنب انا رديت على حضرتك في المثال اللي ضربته بس عشان اقوللك الحقيقه
انما اصلا مافيش وجه مقارنه بين عربيه كل شئ فيها تكنولوجي وعربيه يادوب ماشيه بمبادئ الميكانيكا
وبين عربيه عمرها الافتراضي 300 ألف كيلو
وعربيه تانيه عند ال 100 ألف خلاص بتكون جابت آخرها :)
وأنا طلبت من حضرتك وهطلب تاني معلش
اديني اثبات ان السياره الكوري (في مصر) تفوقت على الألماني (في مصر برضه)
بدلائل وكلام عملي لأن في الاول والاخر العربيه شئ تكنولوجي كما يفترض فالكلام والمقارنات تكون علميه شويه مش مجرد شعارات
في انتظار ردك