|
رد: السرقة بالإكراه - ممكن تعمل إيه ؟
شكرا احمد باشا فى سرقه بالاحتيال ان واحد يشاور لك اويعمل ان عربيه عطلانه خصوصا على الطرق السريعه لو قلبك رق اول الباب ينفتح تلاقى 4 شياطين حول العر بيه والباقى اما ينفضوك اوينزلك ويهرب بالعربيه والحل لاتقف لاى احد لاتعرفه ولو لقيت مجموعه واقفه على الطريق وشاورو علشان تقف ومفيش عاوائق ادى اشاره كانك حتوقف واول تقرب منهم دوس بنزين وفر ربنا يكفينا والجميع شر الاشكال دى والامور اتحسنت شويه والحمدلله
|
رد: السرقة بالإكراه - ممكن تعمل إيه ؟
ربنا يجازيك كل خير:Wkiss5:
ويسلام بئا لو حتة بنطقية الية بتاعت اطفال طبعا وخليها علي الطابلوة وانت مسافر او طبنجة اطفال طبعا وخليها علي الطابلوة او الاحسن بئا سارينة وفنار نجدة بيركب في الولاعة ويتحط علي السقف واول ما تحس بخيانة طلع الفنار وحطة علي السقف وشغل السارينة:fun_10_1_124[1]: |
رد: السرقة بالإكراه - ممكن تعمل إيه ؟
انا كنت متعود دايما لما اخرج بالعربية بليل اني اخد معايا عصايا خشب طويلة تخينة واشيلها في الكنبة اللي ورا او احيانا كنت باخد مسدس صوت بس صوته كان بيقطع ودانك ههههه
وعموما انا اصلا بطلت الف بالعربيات بليل من فترة بس دلوقتي بدات ارجع اسوق براحتي وكمان ما شاء الله الحالة الامنية في سوهاج ممتازة جدا بصراحة وربنا ينعم علينا بالامن والامان |
رد: السرقة بالإكراه - ممكن تعمل إيه ؟
اقتباس:
ثانيا فعلا نصائح غالية شكرا يا باشا اقتباس:
اقتباس:
|
رد: السرقة بالإكراه - ممكن تعمل إيه ؟
ممتاز جدا
بس خلى بالك وقت الجد احيانا التركيز بيخون صاحبه اهم شىء التركيز مع النصائح اللى انت قولتها فى الموضوع هتبقى فى امان وانا حصل معايا موقف مشابه وكان خطير جدا بس زى ما قولت ليكم التركيز كانوا قاطعين الطريق فى فردة جانبية سريعة وحاطين حجارة ونازلين بالرشاشات علنا الساعة 7 الصبح ايام والطريق كان شبه خالى التركيز ازاى طبعا ما حدش عاطى خوانه والطريق بدرى والزراعة على الجانبين بصيت قدامى لقيت ميكروباص ركاب مليان وقف المسافة كانت كبيرة بس حسيت بحاجة غلط لانه ليه وقف لغاية اللحظة انا مش شايف لا احجار ولا بنى ادمين انا شايف ميكروباص واقف بعيد لسبب مجهول هنا استنتجت بتركيز فيه حاجة هديت وقربت لقيت واحد منهم بيجرى عليه طبعا الهدوء والتوقع والثقة بالنفس محصلتها النجاة بمنتهى الثبات رحت ضارب فرامل بحيث العربية عملت دائرة حوالين نفسها زى الافلام الامريكانى بالضبط وسحابة غبار رهيبة لانى العربية صرخت وانزلت حرف الدائرة فى التراب نزلت دماغى تحت لانى توقعت انه يضرب نار كان بينى وبينه اللى جى حوالى 5 امتار بالضبط ورحت راجع عكسى وجبت الدواسة فى الارض وطرت ضرب طلقة فى الهواء بس تجيبنى منين ما شافنيش وطبعا لازم احذر اللى جى شاورت لكل اللى قابلته يرجع لان كل اللى عدى اتقلب بما ففيهم ميكروباص الركاب لو خفت او اتهزيت كان ممكن اغلط او اعور نفسى الحمد لله ربنا سلم مع انها عربية قديمة 128 ومش مغرية ولا حاجة بس كانوا هيقلبوا كل حاجة ثمينة وخفيفة وربنا يسترها علينا كلنا |
رد: السرقة بالإكراه - ممكن تعمل إيه ؟
يا ساتر يارب
الله ينور يا باشا بس بتهيألى اكيد ده كان زمان و دلوقتى و الله اعلم الاحوال احسن و لا ايه ؟ |
رد: السرقة بالإكراه - ممكن تعمل إيه ؟
في فكره توصلنا مع بعض اصدقائنا اليها ولكننا لسه مش عملناها
الفكره هتكون بدل زرار فصل او كتاوت الفصل تايمر تايمر يشتغل مع كل مره الماتور يدور فيها و وظيفة التايمر ده انه يعطل اي شئ فعال فى السيارة ( يفصل كهربا عن طرمبه او يحرق الموبينه او حاجه مش من السهل اصلاحها )و يخليها تقف بعد مسافه قليله من التحرك بها والتايمر ده بيشتغل بعد فتره ولتكن دقيقين من بدايه عمل المحرك ويكون في مفتاح او زرار مهمته انه يلغي العد بتاع التايمر ده يعني انا صاحب العربية جيت اركب العربية و دورتها ( التايمر اشتغل ) ادوس علي مفتاح ابطال التايمر ( ويرجع تاني لوضع الاستعداد والانتظار لدوران المحرك مره اخري ) وامشي عادي لكن لو انا مش صاحب العربية وركبتها التايمر هيتشغل و هيعد تنازلي و لحد لما ينفذ المهمه بتاعته وساعتها مفتاح فصل التايمر مش هيكون له فايده لان خلاص مهمه التايمر اتنفذت وفكرنا برضه نحط زي قنبله دخان فى الصالون جوه التكييف و تشتغل مع بدايه عمل وظيفة التايمر فالبتالي اول تصور ليا ان العربية بتولع علشان كده وقفت و هنزا اسيبها وامشي وحتى لو فضلت جنبها هعمل بيها ايه ما العربية وقفت خلاص فهدور علي اي حاجه اشيلها منها وامشي بس لسه مش عارفين ننفذ الافكار دي |
| الساعة الآن 09:06 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017