مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- اﻷنشطة و المقابلات و التعارف (https://www.masrmotors.com/vb/forumdisplay.php?f=96)

- - تعرف على كورسير (https://www.masrmotors.com/vb/showthread.php?t=60484)

رد: تعرف على كورسير

اقتباس:

المشاركة الأصلية كتبت بواسطة د.كمال (المشاركة 454367)

حبيبى كورسير ....مش تقولولى ياجماعه ....انتو نازلين فيه عصر كده ليه.

حبيب قلبي دكتور كمال كدا يا دكتور سايبني ليهم كدا نازلين يقطعوا فيا جزل

عندى كام سؤال كده ....خد عندك

اتفضل يا غالي انتا اسئل واحنا نقر ونعترف

الاول ...حاسس بفرق بين كرسى الاعتراف ده وكرسى الحمام

هههههههههههه تقريبا الاتنين بيقضوا نفس الغرض بس كرسي الاعتراف قعدته متعبه الصراحه ههههههههههه

الثانى ...لو محدفتكش الظروف وعشت فى مصر وفضلت فى الصعيد كان هيبقى دمك خفيف كده ذى دلوقتى .

هههههههههههههههههه هو انتا فاكر ان الصعايده اللي عايشين عندنا دمهم تقيل طب انا هعزمك مره عندنا في البلد والله طول ما عنيك مفتحه بقك مبيبطلش ضحك كل حراكتهم كوميدية من الدرجة الاولي وبعدين والله انا كان نفسي اعيش في الصعيد والله جو مفيش بعد كدا والبيت هناك النيل بيعدي من قدامه وحواليك خضرة مفيش بيوت

وديه صورة بيتنا في البلد

http://www10.0zz0.com/2011/06/16/08/257241368.jpg

تخيل بقا يا دكتور اني سايب جمال الطبيعة ده وقاعد في القرف هنا

السؤال الثالث ...بما انك الصديق الصدوق لأستاذ احمد بدر عايز اعرف سر الحوادث الكتير إللى الراجل بيعملها .

فقري من يومه وبيبقي جي وفي نيته انه يطلع يجري ورايا في الشارع علشان المواقف اللي بعملها فيه هههههههههههه

السؤال الرابع ....إيه تأثير فيلم كتكوت عليك .

ياااااااااااااااااااااه ده فيلمي المفضل وعمري ما بزهق منه مهما اتفرجت عليه لانه كان بيلعب لعبتي المفضله البوكس ههههههه

السؤال الخامس ...بما إنك رافض الجواز ومشعايز تتجوز تقدر تجول كده عندكم فى الصعيد وتعلنها رسمى .
وكفايه عليك كده النهارده

انا اساسا مبروحش الصعيد علشان كدا لاني اخر مره روحت فوجئت انهم بيبرطوا خلاص علي الجوازه وعملت مكالمة وهميه من الشغل وقولتلهم ان في مصيبة عندي في الشغل ولازم اسافر حالا ومن ساعتها وانا حالف ما روح تاني البلد

رد: تعرف على كورسير

اقتباس:

المشاركة الأصلية كتبت بواسطة محمد زكي (المشاركة 454207)

يرات اشوفك انت والجماعه الي جمبنا هنا ونقعد قاعده حلوه

انا في النخيل النهاردة اخر النهار باذن الله ان لاقيت حد بيكسر عليك بلوجان فيراني يبقي انا متقلقش

رد: تعرف على كورسير

اقتباس:

المشاركة الأصلية كتبت بواسطة akerima (المشاركة 454563)

انا في النخيل النهاردة اخر النهار باذن الله ان لاقيت حد بيكسر عليك بلوجان فيراني يبقي انا متقلقش

نتقابل على الكافيتريا اللى قبل البوابة وانا حكلم فرقة العجمى
اية رايكم نتقابل على الساعة 7
ودة رقمى للتنسيق
0112511044

رد: تعرف على كورسير

إيه ياخدعان إرحموا الراجل شوية , بس ده إن دل فيدل على حبكم الجامد لكورسير وهوه فعلا يتحب ربنا يكرمه , وعن نفسي لازم أول واحد أقابله لما أنزل مصر كورسير ده طبعا بعد مقابلة الباشا أحمد بدر لإنه إسكندراني والموقع الجغرافي يحكم , بالنسبة للأسئلة مش حطول عليك قوي لإني بجد مشفق عليه:Wkiss5:الأسئلة كالآتي :-
1- إيه رأيك في BMW مع إنك شكلك كده مجربتهاش .
2- إيه أحلى أكله بتحبها ومتفهمنيش غلط لو سمحت SPAGETY
3- لو بتفكر في مشروع تعمله تفيد بيه بلدك ممكن يكون إيه ؟
كفاية كده علشان متزهش مني

رد: تعرف على كورسير

اقتباس:

المشاركة الأصلية كتبت بواسطة كومندا (المشاركة 454501)

ابو الكراسير يا جامد :260309~352: اسمحلى اسالك كام سوال من بره المنهج

يا غالي براحتك بره المنهج جوا المنهج قبل المنهج احنا عنينا ليك

وبما انك من شباب الثوره اجب عن السؤال الاتى.
س1: لو اتعرض عليك تشكل الوزراه الجديده من اعضاء المنتدى هتختار مين فى كل وزاره .

سؤال جميل جدا واول مره اتسئله

بص يا غالي

رئيس الوزرا هيبقي هشام باهي

بالنسبة للمالية هيمسكها الشيخ طارق

وزارة التضامن همسكها لسومو علشان هو هيراعي رغيف العيش كويس هههههه

وزارة الثقافة همسكها للدكتور تامر

وزارة الداخليه همسكها لوائل ابو نورا هههههههههه وهو عارف ليه

وزارة الطيران كابتن طيار احمد علي

وزارة البترول لاحمد بدر ده احسن واحد يمسكها ده خلاني انا اجيب جاز شوف بقا هيعمل ايه في البلد ههههههههه

وزارة التربية والتعليم هيمسكها احمد حمدي ده دماغه متكلفه وهيظبط العيال

وزارة التعليم العالي هيمسكها الغالي سيف الدين سعيد

وزارة التجارة والصناعه طبعا لحبيبي سيف الدين ملك التجاري

وزارة القوة العاملة همسكها للدكتورة هبه انا عارف انها مش هتخلي حد عاطل ههههه

وزارة ميكي ماوس طبعا لمرمر هههههههههههههه

وزارة الصحة والسكان لدكتور كمال

وزارة الاتصالات وتكنولوجيا المعلومات للاستاذ payo هاني

وزارة الخارجية للاستاذ نبيل عبد الرحمن

وزارة الكهرباء هيمسكها احمد فاروق السيد علشان يكهربنا بمزاج ههههههه

وزارة استيراد المنتجات الصينية للابو الاسعاد وباسم بيسوا مدمني الصيني هههههههههه

وهمسكك انتا يا كومندا تدريب فريق الصاعقه هههههههههههههه

نخش بقا على الاسئله الشخصيه
س2: هل انته مدخن ام لا .

الحمد لله لا ادخن

س3 : ازاى اتعرفت على مصر موتورز.

اول ما اشتريت الفيرنا كنت بدور علي معلومات عن صيانتها والحمد لله لقيت المنتدي الجميل ده واستفدت منه استفادة كبيرة جدا

س4: مين اكتر صديق ليك هنا فى المنتدى .

طبعا بعد خالد الله يرحمه كل الناس هنا في المنتدي بحبهم كلهم بدون اي نسب كلهم عندي فوق دماغي وبعزهم جدا

س5: ايه اعلا سرعه مشيت عليها بالفيرنا وهل انته من محبى الجرى بالعربيه ولا بتحبى تمشى برحتك

ههههههههههههههههههه اانا امشي براحتي ده تبقي اكيد في حاجه غلط

انا اعلي سرعة جيبتها كانت 195 علي الطريق الصحراوي الغربي لكن الطبيعي بتاعي 140 ل 150

س6: بتصيف فين وبتحب تقضى وقت اجازتك ازاى

الغالبية العظمي بتبقي في اسكندرية وساعات مرسي مطروح وجمصه وراس البر وبورسعيد فقط لا غير

س7: ايه فيلمك المفضل ونوعية الافلام اللى بتحب تتفرج عليها دراما -اكشن-رعب.

بالنسبة للعربي بحب افلام الكوميديا وافلام القصة زي افلام عمر عبد الجليل وخالد الصاوي وبالنسبة للاجنبي بحب افلام الكوميدي والاكشن وفيلمي المفضل بحب اتفرج علي وش اجرام بتاع محمد هنيدي

س8: ايه اكتر اكله بتحبها وبتعشقها.

القلقاس اكتر اكلمة بعشقها
اتمنى تكون اسئلتى سهله وخفيفه على قلبك يابو حميد:THE_PR~18:

يا حبيبي انا سعيد جدا باسئلتك الجميلة ديه وربنا يديم المحبة ما بينا

رد: تعرف على كورسير

كورسير ياغالى
مش عاوزك تندم على جلوسك على كرسى الاعتراف
عصروك جامد - بس دليل على انك شخصية جميله ومحبوبه
انا بقى مش هسألك ولا سؤال
لكن هدعيلك ربنا يحبب فيك خلقه كمان وكمان .
انا فى انتظار المقابلة الجايه عشان اشوف كل الحبايب اللى وحشينى جدا .

رد: تعرف على كورسير

اقتباس:

المشاركة الأصلية كتبت بواسطة احمد بدر1978 (المشاركة 454505)

الله ينور يا شباب :fun_10_1_124[1]::fun_10_1_124[1]::fun_10_1_124[1]::fun_broken::fun_broken: :fun_broken::fun_broken:

الله ينور عليك انتا استاذ في الفضايح ده انتا هتشوف ايام :fun_broken:

اقتباس:

المشاركة الأصلية كتبت بواسطة كومندا (المشاركة 454512)

الدور عليك يا استاذ احمد وكورسير مش هيرحمك:010104~171:

اصبر علي رزقك انا مستني اليوم ده بفارغ الصبر عايزه بس يسخن نفسه كويس