رد: اخر اسعار قطع غيار الرينو 19 والرينبو
اقتباس:
بالنسبه للسعر كويس على الموديل ثانيا الكاتينه جنزير مش سير(لان دى رينبو الموتور ال1300 لو الموتور الاينرجى ال1400 كان بيبقى على سير وبيتغير كل 80 الف وتمنه 150 جنيه اصلى فرنسى ومكتوب ومختوم عليه رينو)انما الرينبو اللى مع صاحبك واللى انت عايز تشتريها كاتينه جنزير الكبالن حسب النوع والصناعه وبصراحه انا مش متذكر اوى هى بكام بس كانت فى حدود جوز الكبالن الكاملين بحوالى 700 جنيه على ما اتذكر بس هو معظم التغيير بيكون لراس الكوبلن مش للكوبلن كله ودى على ما اتذكر بتعمل فى حدود ال350 للجوز وممكن حضرتك لو محتاج تعرف سعر الكبالن بالظبط تدينى فرصه يوم ولا حاجه واكون جبتلك السعر بأذن الله |
رد: اخر اسعار قطع غيار الرينو 19 والرينبو
اقتباس:
من اسبوع واحد صاحبي لقى رينبو 97 ب 24000 هل السعر ده كويس وهل الموديل 97 مثل 99 وبصراحه هي شكلها شيك وكنت أول مره أعرف ان قطع الغيار رخيصه كده وطالما أصلي يبقى حتعيش وتعمر في العربيه |
رد: اخر اسعار قطع غيار الرينو 19 والرينبو
اقتباس:
والموديلات ال96 زى 97 زى 98 زى 99 زى ال2000 كله نفس الامكانيات بنفس الشكل انما انا ليا تعليق على التوقيع بتاعك معناه ايه؟؟؟؟ptmnlo123per118ptm nlo123per118 |
رد: اخر اسعار قطع غيار الرينو 19 والرينبو
اقتباس:
بس بقى أنا كنت بشتغل في الميناء وكنت بتعامل مع سواقين تريلات زي المان والافيكو والمرسيدس وسكانيا وطبعا الرينو وكانت بتعجبني جدا الرينو براميوم ورينو ميجنام ورينو ماجور وكان في سواق اسمه ياسر راكب بريميوم توب لاين يعني سقف عالي وكان دايما يقولي يا باشا سواق الرينو الله يعينو وكان مركب كاوتش كبير وبيقولي أنا بمشي بيها 130 كم /الساعه وفي لعبة نريلات اسمها 18 wheels of steel pttm لعبه جامده قوي واحسن عربيه تسوقها الميجنام t440 المهم أنا قابلت صاحبي من شويه وقال لي الرينبو دي محتاجه مصاريف وممكن يخلصها على 21000 وقولت له ده في واحد اسمه البوب في منتدى مصر موتورز ممكن أستفسر لك على اللنت عايزه منه ممكن بقى يا بوب تقولي سعر الحاجات دي * أكصدام أمامي-- اكصدام خلفي * 2 فانوس امامي بالاشارات ، 2 فانوس خلفي * تابلوه ، فرش باب من الداخل هي كامله مانيوال ومحتاجه وش نظافه من بره بس قالي موتورها ممتاز لدرجة أن ما كنش مصدق انها 1300 سي سي عموما انا بشكرك ومنتظر ردك يا بوب يا جميل أنا باحترمك جدا |
رد: اخر اسعار قطع غيار الرينو 19 والرينبو
اقتباس:
الاكصدامات الواحد بيعمله فى حدود 250 استيراد لاننا لفينا قبل كده على جديد وملقيناش وكذا واحد قالى هتجيلى بس انا افضل انه يتجاب استيراد الفوانيس الاماميه والخلفيه سعرها مكتوب فى اول الموضوع تقصد ايه بفانوس الاشاره الفانوس اللى جنب الفانوس الامامى اللى واخد زاويه ده ولا تقصد الغماز اللى فى جنب العربيه؟؟؟؟؟؟ لو فانوس اشاره امامى (اللى جنب الفانوس الامامى يبقى تمنه 30 جنيه) لو الغماز بصراحه مسألتش عنه خالص بس لو مهم بالنسبه ليك اسألك عليه واقولك التابلوه برضه معرفش يعمل كام لانى بصراحه عمرى ما شفت 19 او رينبو محتاجه تابلوه لان تابلوها من اجود الخامات ومشفتش عربيه واحده تابلوها تعبان ومحتاجه تابلوه هو ممكن الزرارير تبقى بايظه ونغيرها انما تابلوه كامل مشفتش بصراحه بس اعتقد هيعمل فى حدود ال600 مثلا وربنا يوفقك يا باشا واى استفسار البوب تحت امرك ورقمى 0191818978 عشان لو ملقتنيش اونلاينptmnlo123per198 |
رد: اخر اسعار قطع غيار الرينو 19 والرينبو
على فكرة المواضيع بتعتكوا جمدا اوووى وانت يابوب الجامد ارائك بتعجبنى اوووى
وعايز منك خدمة كتالوج رينو 19 وانا عارفك بوب الجامد واكيد حتعرف تجيبوا:HAPPY_~211: |
رد: اخر اسعار قطع غيار الرينو 19 والرينبو
احب اضيف على اخى العزيز البوب الجامد ان الاكصدام الجديدد موجود فى جسر السويس وسعرة تقريباا 500 جنية بس النصيحة انك تجيبة استعمال ارخص وانضف من حيث الخامات والفينش بتاعه كمان
والرفارف عامل فى حدود 500 الاتنين والطنابير الخلفية 450 |
الساعة الآن 08:07 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017