رد: ما موقفك من الجماعات الاسلامية الموجودة علي الساحة؟
 

اه طبعاً لازم تتحدد نقط ومحاور اساسية للحوار والحوار طبيعى هيتشعب لكن تبقى المحاور الاساسية محددة لسياق التحاور وقيمة المناقشات

انا دلوقتى مش عارف اكتب فى انهى اتجاه ولا ارد على ايه ولا مين
ومكدبش عليك عندى ذعر من كمية المغالطات والتناول السطحى للموضوع

رد: ما موقفك من الجماعات الاسلامية الموجودة علي الساحة؟
 

متابع بشغف..................... ..
الموضوع فعلا هام وكبير وتفاصيله كتيره....

رد: ما موقفك من الجماعات الاسلامية الموجودة علي الساحة؟
 

انت كدة خرجتهم من الدين عاوزين حد يرد
هم غير مسلمين؟ ام ان افعالهم و معتقداتهم قد تكون شركية؟

لا طبعا انا مقلتش انهم غير مسلمين الله اعلم بيهم لكن فعلا انا شايف ان لهم معتقدات قد تكون شركية وخلي بالك من قد لاني مقدرش احكم عليهم

انا مشفتش و لا سمعت حد بيقول كدة غير مشايخ الطرق الصوفية
هل حد سمع شيخ سلفي بيقول امشوا ورايا تدخلوا الجنة؟[/QUOTE]

كمان انا مكنش بتكلم عن السلفيين انا كنت بتكلم عن الصوفية والاخوان عندما اوهموا الناس بان نعم من الاسلام ولا من غير المسلمين في الاستفتاء الاخير

رد: ما موقفك من الجماعات الاسلامية الموجودة علي الساحة؟
 

تقصد ايه بالمغالطات؟ في بعض المشاركين معندهمش ميل للاتجاه الاسلامي او معندهمش علم بالفرق بين الحركات الاسلامية فممكن يقولوا كلام غلط و بنحاول نصححه و ده طبيعي
بس لو تقصد ان في ردود الناس الي عندها علم بالحركات الاسلامية مغالطات لتحسين صورة جماعة معينة او حركة معينة او قلب للوقائع فياريت انت او غيرك تنبهنا و ادينا امثلة للمغالطات

مش متفق معاك ان التناول سطحي احنا هدفنا يكون التناول ابسط ما يمكن بدون الغرق في تفاصيل فقهية او احداث تاريخية لان عاوزين كل الي يقرأ الموضوع يفهمه بسهولة
و مكدبش عليك انا كتبت الموضوع و مش عارف هو هيوصل لفين و من ردود الناس و طرحها بجمع كل الاسئلة و الافكار و بصراحة هي كتير جدا

سأكون صريحا معكم اكثر و اقول لكم ان توجهي السياسي هو مساندة التيار الاسلامي السياسي و رأيت انه من الواجب علي كمسلم الاتي:

1- تصحيح نظرة كثير من المسلمين غير الصحيحة من بعض التيارات الاسلامية و خاصة السلفيين و الاخوان المسلمين بالحق و بدون اي مغالطات و بدون اي تجميل

2- الخروج بافكار بسيطة و حقائق ميسرة لعرضها علي الاخوة الاقباط لجفع شكوكهم و تخوفهم من الاسلاميين

و انا لم أكن اخفي نواياي الا لسبب واحد اني كنت لا اريد ان يقف احد في صفي و الا يقف احد ضدي لان الموضوع اكثر من شائك

و لا اخفي عليكم اني لازلت متحير في الكثير من المسائل و منها
1- الصوفيين و موقفهم من العقيدة و هل يشكلون خطرا علي الاسلام بانحيازهم لجهات معينة مثل العلمانيين مثلا
2- لازلت ابحث عن نوايا الجهاديين فأنا طبعا مع فريضة الجهاد و اعرف ان الجماعات الجهادية اعلنت مراجعتها لمنهجهها و اعلانها انها لن تعمل الا ضد أعداء الاسلام و لكني لا اعرف كيف سيحددون من هم اعداء الاسلام و هل في الداخل و الخارج ام الخارج فقط

و لا اخفي عليكم ايضا اني متعصب ضد طائفة معينة و قبل ان تقولوا لي ان التعصب نقيصة و ليس فريضة ساقول لكم اني احاول ان اجاهد نفسي و لكن مع هذة الطائفة بالذات لا استطيع جمح تعصبي و هذة الطائفة هم العلمانيون فانا أري انهم اكبر عدو لمصر مسلميها و مسيحييها

لو رجعنا لنقطتك الرئيسية يا أخ وائل الا وهي تحديد المحاور الاساسية للحوار
سأقوم بطرح محاور محدودة جدا و انتظر منك و من باقي الاعضاء اقتراحاتهم بالتعديل او الاضافة او الحذف

1- هل الشريعة الاسلامية قابلة للتطبيق في العصر الحالي
2- كمسلم هل من واجبي ان اساند الاسلاميين ام لا
3- هل هناك حزب او جماعة اسلامية مؤهلة لتطبيق المشروع الاسلامي؟
3- كغير مسلم كيف اتعامل مع طرح تطبيق الشريع
4- كمسلم كيف اتفهم مخاوف الاقباط و كيف أتحاور معهم في مسألة تطبيق الشريعة

رد: ما موقفك من الجماعات الاسلامية الموجودة علي الساحة؟
 

معلش اتأخرت عليكم
بس للأسف أنا مشغول شوية اليومين دول
سريعا و في عجالة ادعو جميع الاخوة للتعرف على الفكر السلفي من خلال أبنائه للحكم عليه حكما صحيحا
زوروا المواقع التالية
www.anasalafy.com
www.salafvoice.com

رد: ما موقفك من الجماعات الاسلامية الموجودة علي الساحة؟
 

انا تقريبا لسة خسران واحد صاحبي بسبب مناقشة زي دي
مش قادر اصدق و مش عارف الغلط فين
صاحبي مصمم ان السلفيين
- ضالين لانهم متشددين و مغاليين زي النصاري
-منافقين لانهم افتوا بعدم الخروج في 25 يناير
- وهابيين

رد: ما موقفك من الجماعات الاسلامية الموجودة علي الساحة؟
 

متشغلش بالك
انت الجماعة و لو كنت وحدك