|
رد: صيانة اكسيل مانيوال 1500 cc
اقتباس:
أول صوت موجود وانا ممور والعربيه دايره وواقفه فى مكانها وبيروح لما بدوس دبرياج وثانى صوت وجوجه وانا ماشي ولما بمور والعربيه ماشيه بيروح او وهى ماشيه برده ادوس دبرياج بيروح وصوت الموتور نفسه اتغير بعد ما غيرتله الزيت بقا عامل زى غدير المياه مثلا متابع ردودكم القيمه ولكم جزيل الشكر والامتنان |
رد: صيانة اكسيل مانيوال 1500 cc
أنت حتعمر ....ولا حتشترى مكنه بالفتيس .....؟
|
رد: صيانة اكسيل مانيوال 1500 cc
اقتباس:
بقول لو ربنا اراد ونفع طقم شمبر ونص عمره بس هكتفي بذلك لكن لا قدر الله لو عمره كامله هروح اجيب مكنه وامرى لله نقطة الفتيس دي بقا مش عارف بصراحه هو كده طبيعي ولا مشكلته كبيره تستدعي للتغيير؟؟ بس ليه حضرتك قولتلى كده حاسس من كلامك انه فى حسم شوية عكس نظرية حضرتك انى اصبر شوية ؟؟ هو الاصوات اللى وصفتها دى وضحت لحضرتك اشياء اخرى تخص الفتيس والمكنه مستنى ردك التفصيلي يا بشمهندس وازادك الله تعالى من علمه ولكم جزيل الشكر |
رد: صيانة اكسيل مانيوال 1500 cc
طبعا كده فيه مشكله فى الفتيس أو الدبرياج
وكله حيبان بعد الفك وأعتقد حتحتاج تعمر دبرياج وتغير بلية عمود الدريك للفتيس وأنا أفضل أنك تكشف على المكنه من الداخل الأول جايز العمليه تتلم من خلال طقم شنبر وعمرة دبرياج وبلية عمود الدريك وكده حترجعك أمورك عشره على عشره ومش حتتكلف كتير تقريبا 1000 ج ( لو لقيت حالة المكنه زى ما أنا بأتمنى ) يخلوك تاخد دبرياج جديد وفتيس صح ومكنه زى الفل وكده حيبقى أفضل من موضوع الأستيراد |
رد: صيانة اكسيل مانيوال 1500 cc
اقتباس:
باذن الله هستشير الميكانيكي يفتح المكنه وربنا ييسر وتطلع نص عمره وتتظبط الامور ربنا يخليك يا بشمهندس سمير |
رد: صيانة اكسيل مانيوال 1500 cc
5 مرفق
السلام عليكم
جيبت لحضراتكم بعض الصور للموتور ولكم جزيل الشكر |
رد: صيانة اكسيل مانيوال 1500 cc
السلام عليكم
يارب حضراتكم جميعا تكونوا بخير انا روحت لميكانيكي اخر النهارده وقالى نفس الكلام انه مش هيتحدد شئ الا لما المكنه تتحل ويبان فيها ايه ومحتاجه نص ولا عمره كامله ؟؟؟؟ وله راى برضه فى موضوع العمره انها افضل من المكنة الاستيراد لانك ممكن تشتريه وتمشي بيها شهرين تلاته مثلا وترجع تعمرها وبيقول حتى لو خرطت قبل كده لكن متكونش الخرطه الاخيره عادى تعمرها افضل من انك تشترى مكنة استيراد بطيخه مقفوله وبخصوص الفتيس قالى مبشتغلش فيه لكن وانا حالل المكنه اديلك الفتيس توديه لعفشجي يشوفهولك وبقوله على الصوت اللى موجود ولما بدوس دبرياج بيروح وكان رايه انه مش بلية دبرياج وان ده من داخل الفتيس نفسه وبيقول ان لو بلية دبرياج كان يحصل العكس انك لما تدوس دبرياج الصوت يجي مش يروح ؟؟؟؟؟؟؟؟؟ مستنى ردودكم القيمه ولكم جزيل ا لشكر |
| الساعة الآن 06:00 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017