رد: كم اكثر سرعة مشيت عليها
 

220 كم
شيفروليه لومينا 2004
طريق الرياض الدمام السريع

رد: كم اكثر سرعة مشيت عليها
 

السلام عليكم
انا اكبر سرعة ليا كانت 150 بعربية اسبيرانزا تيجو 4*2 اوتوماتيك
السبب كان نفسى اجرب العربية
اتزان العربية مكانش مظبوط ودا راجع ان العربية اساسا كانت محتاجة صيانة ولمبة الموتور كانت منورة يعنى المفروض ما اجريش بيها
علما بأن دى اول مرة ليا اعدى ال 60

رد: كم اكثر سرعة مشيت عليها
 

الطريق الدولي بين دمياط والاسماعيلية معرفتش اجيب عليه سرعة ال 100 بسبب وجود كباري كتير ومدخل الكبري ومخرجه مرتفع عن الطريق وتلاقي العربية بتنط من علي الارض
ومن المفارقات اللطيفة
لقيت راجل قاعد في وسط الطريق علي مد البصر
اديتو كلاكسات وانوار مفيش فايدة
هديت جامد ولما وصلت عنده لقيته صياد فارد الشبكة علي الاسفلت وبينقي السمك منها
ووقفت قبله وهو ولا هنا
وقلتله بعد ازنك يا حج ممكن نعدي؟
بصلي بصة كان هياكلني وبعدين لم الشبكة من الحارة الشمال يدوب تعديني
وقعد يكمل شغله
ودي كانت اول واخر مرة امشي علي الطريق الدولي
وانا لله وانا اليه راجعون

رد: كم اكثر سرعة مشيت عليها
 

ايه يا جدعان انتوا بتجيبولى احباط والمصحف هههههه
اللى جاب 140 واللى 180 واللى 220 ايه ده يالهوى (what)
انتوا بقى عارفين انا اكتر سرعه مشيت عليها كام ؟ 80
وكمان كان لغرض تجريب العربيه ولعده ثوانى فقط ورجعت لسرعتى المفضله 60
وكمان كان فى شارع فاضى خالص مفيش فيه ولا بنى ادم ولا عربيه
بالرغم انى معايا شيروكى يعنى عربيه بتاعت جرى
بس الصراحه انا وجهه نظرى امشى عدل يحتار عدوك فيك يعنى ممكن اجرى و يحصل موقف اخبط انسان او عربيه و ادخل فى مشكله و اتحجز فى قسم و اتهان وانا اساسا مش بتاع مشاكل طب ليه احط نفسى فى موقف كده من الاول
ملاحظه بس الكلام ده جوا المدينه وانا مجربتش اسافر و اسوق على طريق سفر مين عالم ممكن اجرى ساعتها بس برده مأظنش انى ممكن اتجاوز السرعه القانونيه

رد: كم اكثر سرعة مشيت عليها
 

2104445464BY4

رد: كم اكثر سرعة مشيت عليها
 

السرعه : 185 كيلو متر
السياراه : النترا 2011
مكان التسارع : طريق العلمين
الميعاد : 1 صباحا
الثبات : هايل جدا لحد 160 بعد كده انا قلقت ولما وصلت ل 185 ما كنتش ناوى اعديها بس ما اعرفش اصلا السياره ممكن تعديها ولا لا
سبب التسارع تجربه السياره وسخنت مع BMW وكانت ممتاز بصراحه

رد: كم اكثر سرعة مشيت عليها
 

السرعه : 165 كيلو متر ومقدرتش ازود لان كان معايا والدتى وانتوا طبعا عارفين الامهات
السياراه : فيرنا 2009
مكان التسارع : طريق القاهره الصحراوى
الميعاد : 3صباحا
الثبات :كان جيد جدا بس بحس ان السياره بتخف خالص بعد ال150
سبب التسارع :كنت رايح اجيب اخويا م المطار وكنت متاخر شويه