رد: اسعار بعض قطع غيار ستروين AX
 

الف الف شكر على الاضافة الممتازة وكل سنه وانتى طيبة غيبتك طالت ربنا معاكى
الاسعار دى ممتازة جدا جدا جدا يا أروبه مانا عارفك فى البيع والشراء ههههههههههههه
وان شاء الله مستنين موضوع شامل عن تجربتك بقى عشان نستفيد from A to Z:danceW7:

رد: اسعار بعض قطع غيار ستروين AX
 

ربنا يباركلك يا رب طبعا الاول بقيت ادور واسأل واجمع فى التليفونات ولما نويت اشترى بقيت اتصل بيهم الاول واعرف الاسعار علشان لما انزل ابقى عارفا سعر الحاجه بكام وحنزل لغاية كام طبعا ده طبع فى البنات ههههههه
نجيب من الاول لانى الى كتبتهولكم ده الاخر ههههههههه
اولا الماتور قعد اسأل والف والف وعرفة قبل رمضان ان مفيش فى بورسعيد مواتير سيتروين المهم لما ارتحت لحد بتعامل معاه من زمان جبت منه الماتور وطبعا كان معايا ميكانيكى ودخلت واتفرجة على المواتيروطبعا كونت لفيت ودورة وعرفة الاسعار واتأكد ان مفيش فى بورسعيد المهم اننا دخلت المخزن واتفرجة على المواتير لانى كونت عايزا واحد 1400 سى سى كويس ابن حلال ههههههههه اختارت انا واحد وقولت هو ده بعد ما عرفة معلومه مهمه جدا ان ركنة الماتور عند الراجل بتنشف الزيت وتهنك التكاتك بتاعت الماتور اخترت واحد مزيت هههههه وطبعا جبته هاف اتوماتيك يعنى اخته مكنه ممتازه من غير تراب ولا حاجه لانه كان راكب بدون كربيراتير يعنى مش من عربيه سيتروين قديمه من موديل جديد اعزرونى لانى مش عارفا اوى افهمكم المهم انا سألت عليه فاضى بدون الادوات التغزيه بتاعته الى هى الفتيس والموبينه والكلام ده كله طولت عليكم 1750 جنيه المهم انا نزلته ل1500 ولما ركبته اخته بوحدة الحريق بتاعته والاسطوانه والدسك وعمل معجزه علشان يركبه عندى لانه عالى وتانى حاجه من غير كربيراتير ركبلى الكاربيراتير بتاعى ودى مشكله لانى بغير الكربيراتير دلوأتى لاكن انا صممت اخد ماتور حديث حننت الراجل طبعا وفى الاخر اخته بكام ههههههههههههه طولت عليكم لاكن انا اكتشفت حجات تانيه لازم احكيلكم عليها لان ده سبب فى ان الراجل استعوض ربنا فى الماتور وادهولى ههههههههههه صعبت عليه اوى لقيت المقصات متبهدله والكبالن متبهدله هههههههه المهم اشتريت منه المقصات المقص ب 150 اشتريت 2 والكوبلن 175 طبعا بتهيألى انه رعانى لانى صعبت عليه وفى الاخر بقى اخد الماتور بككككككككككككككككككاااااا اااااااااااااااام 1200 جنيه ههههههههههههههههههه يعنى غيرت ماتور وجبت ماتور حديث وطويل شويه ههههه وبالدسك والاسطوانه بتاعته وعدد 2 مقص و2 كوبلن ده كان الاول قبل حاجة الكهرباء الى كتبتيلكم عنها طبعا الراجل كان محترم جدا جدا جدا ده ميييييييين بقى ده مؤمن فى الحرفيين طولت عليكم جدا جدا كفايه عليكم كده انهاردا

رد: اسعار بعض قطع غيار ستروين AX
 

بداية مبشرة جدا مستنيين باقى التفاصيل
على فكرة اسمها (تكايات) مش تكاتك
من الواضح ان مؤمن عمل الصح وزيادة ههههههههههههه
ربنا يبارك لك فى مجايبك واتمنى لك ستروين راضيه عنها ومبسوطة بيها
المهم بقى ان شاء الله اول ما تتظبط تنزى بيها لوحدك ومن غير خوف هههههه
فاهمانى ......؟؟؟؟؟؟؟؟؟؟؟؟؟؟:01FD AB~189:

رد: اسعار بعض قطع غيار ستروين AX
 

مستنين بقية تفاصيل تجديد السيارة لنتعلم منكم (ا.ايمن و ا.صحبة خير)

رد: اسعار بعض قطع غيار ستروين AX
 

انا خلصت التجديد والتظبيط عندى تابع بقى مع صحبة خير هى اللى داخلة على لله ربنا ييسرلها امورها

على فكرة بمناسبة قطع الغيار واسعارها
انا غيرت المساعد الخلفى الشمال لانه كان محجر وقبل كده كنت مغير اليمين الواحد 60ج واكتشفت ان الكوبلن بيتصلح وعرفت واحد فى امبابة (متخصص كبالن) فى ش القومية العربية صلحت الكوبلن بتاعى عنده بـ 45ج طبا ده اوفر لى بكتير من تغييره بواحد تانى استيراد بـ 225ج والعربية كانت بتحك فى المطبات عشان واطية فا عليتها شوية طبعا الشكل العام من ورا مش اللى هو بس مريحانى جدا ومافيش حك ولا خبط وكمان بتتظبط اكتر لما اركب معايا 3 او 4
العفشجى خد 40ج مصنعية تعلية وتركيب مساعدين وكوبلن
ودى كانت اخر تطورات الاسعار وقطع الغيار والمصنعيات

رد: اسعار بعض قطع غيار ستروين AX
 

يا جماعة انا عندي قطع غيار موتور بيجو 106 هو نفس موتور ال AX
1- شمايز
2- بساتم
3- مارش و دينامو
4- فتيس
5-كاربيراتير
اللي محتاج حاجة من دي يكلمني 0119297548

رد: اسعار بعض قطع غيار ستروين AX
 

رادياتير استيراد 275 ج من الوكاله
ماكينة زجاج خلفى (عادى-مانوال) فرده واحده يمين او شمال قول 30ج
انا كنت رايح اجيب الرادياتير لان اللى عندى اشتكى وطلع عينه وطلع عينى معاه وماكانش معايا غير 300ج وبرضه عايز الماكيمة بتاعة الزجاج الخلفى مانوال
الاول قالى الرادياتير 350 والماكينة 75
بعد مباحثات ومداولات وتليفونات استقرينا على 300 الرادياتير + الماكينة
وكل سنه وانتم طيبين