مصر موتورز مجتمع السيارات - اية اطرف موقف حصلك مع بداياتك فى السواقة ؟؟؟؟

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - اية اطرف موقف حصلك مع بداياتك فى السواقة ؟؟؟؟ (https://www.masrmotors.com/vb/showthread.php?t=38123)

رد: اية اطرف موقف حصلك مع بداياتك فى السواقة ؟؟؟؟

اقتباس:

المشاركة الأصلية كتبت بواسطة BASSEM BESO (المشاركة 344966)

ياريت حضرتك تنورنا فى مقابله اسكندريه الجايه

ايه يا رجالة المنتدى هو الموضوع اتنسى ولا ايه عايزين نشوف مواقف اكتر و نضحك بجد من القلب

رد: اية اطرف موقف حصلك مع بداياتك فى السواقة ؟؟؟؟

اقتباس:

المشاركة الأصلية كتبت بواسطة Eng . Mano (المشاركة 283233)

جميل اوى الموضوع ده يا استاذ باسم ، بس انا اطرف حاجة حصلت معايا مش اول ما اتعلمت السواقة ، بالعكس انا كان بقالى حوالى 9 سنين باسوق .
من حوالى 5 سنين كده واحد صاحبى كان لسة جايب عربيته الجديدة دايو لانوس ، و دى كانت اول مرة حد اعرفه يجيب العربية دى .
المهم فى يوم احتجتها منه و طبعا بحكم الصداقة القوية سابلى العربية اخلص بيها مشوارى ،
الحمد لله اخدت العربية و رحت مشوارى ، المهم كنت رايح مقر شركة فى شارع فى هليوبوليس و طبعا اكيد عارفين الشوارع الجانبية هناك ضيقة ازاى . فدخلت الشارع اللى فيه مقر الشركة دى و طبعا كانت اوى مرة ليا اروح هناك فالعنوان مش عارفه اوى ، المهم عديت العمارة اللى فيها المقر بحوالى 100 متر او 150 . فقولت ارجع الحتة دى مش حيجرى حاجة ، طبعا انا جبت المارشدير و بارجع لقيت العربية بتطلع لقدام ، الموضوع ده عملته مرة و 2 و 3 و العربية راسها و الف سيف ماترجع ، لغاية مابصيت على رسمة النقلات اللى على عصاية الفتيس لقيت المرشدير لقدام ، فجبت الفتيس لقدام العربية مصممة برده تتطلع لقدام ، المهم قعدت حوالى تلت ساعة اجرب مانفعش خالص ( للعلم كانت اول مرة فى حياتى اسوق لانوس ) . حاتقولولى طيب ماتطلع قدام و لف من اى لفة ، بس للاسف كان اقرب لفة هى عن طريق ميدان تريومف و ده كان يومها واقف تماما و برده كنت حاجيب مارشدير لما اركن العربية و اطلع بيها تانى .
بعد تفكير عميييييييييق لقيت ان الحل الوحيد هو انى ازق العربية ال 150 متر دول و ارجع بيها تانى للشركة اللى انا رايحلها و اركنها هناك صف تانى ، لان الحتة اللى كنت واقف فيها ماكنش فيها اماكن و كمان انا كنت قلقان على العربية اسيبها فى حتة بعيدة . الحمد لله بعد مازقيت و ركنت العربية ، بعد ماخلصت المصلحة بتاعتى نزلت و سبحان الله ، لقيت واحد بيدور عربيته لانوس برده و ماشى بيها فروحتله جرى و سألته انت ازاى بتجيب مارشيدير ، الراجل مشكور قالى انه سوستة و اجيبه لقدام زى الاول . طبعا انا كنت حاتشل لانه طلع هايف جدا و لانى جربت كل اوضاع الفتيس ماعدا الوضع ده ، و من ساعتها و انا حالف انى ما اسوق العربية دى لانها فعلا بهدلتنى و البيه صاحبى نسى تماما انه يقولى حاجة زى دى . و الحمد لله عدت على خير ..
مرة تانية شكرا استاذ باسم و موضوع فعلا جميل ، و معلش اذا كنت طولت عليك بس دى اطرف حاجة فعلا اتعرضتلها و انا باسوق و الحمد لله ان مافيش حاجة تانية ؛؛

انا حصلى نفس الموقف بس بعربية نوبيرا 2 و اتزنقت شارع ميعديش الا عربية و ادامة حوالى 5 عربية و انا مش عارف اجيب المارشيدير و خد الشارع لحد اخرو زق و نفس الموقف اما كان معانا الرينو ال 18 و كان المارشيدير سوستى و تانى و خد عربية عمى ال 128 اصلحها و خد عربيتنا و اما ادانى عربيتنا حبيت اركنها و عمال اجيب مارشيدير الى هو حمب الرابع و اجيب و هى مش راضية تاخده و برده خدها و روحت لابويا بقولو قالى ثوانى اجرب قالى ما هى سليمة اها قولتله استنا و بجيب الرابع راح قفا محترم نزل على دماغى و قالى ركز شوية يا اهبل

رد: اية اطرف موقف حصلك مع بداياتك فى السواقة ؟؟؟؟

ياعم على الدماغ

رد: اية اطرف موقف حصلك مع بداياتك فى السواقة ؟؟؟؟

هههههههههههههه مواقف جامده كلها يا جماعة
انا بقى لسه الموقف ده جديد لسه مش شهر تقريبا انا عندى 16 سنة .. و المشكلة اى اصلا مش بعرف اسوق .. الحاج بقى كان لسه جايب اول عربية لانوس 2011 و فرحان بيها بقى و كده .. فقولتوا هات المفاتيح هقعد فيها بس من غير لما اشغلها ( و انا اصلا مليش اى علاقة بالعربيات )
المهم خدت المفاتيح و نزلت .. قولت اشغل السى دى جاى بضغط علبيه مش راضى يشتغل .. اعدت اضغط على كل الزراير لاقيته طلع فى ايدى .. قلت اشغل العربية بس علشان افتح الزجاج لانه كهرباء .. قامت العربية اشية معرفش ازاى كانت هتخبط فى الشجرة لولا ربنا ستر
و اسف لو كنت طولت

رد: اية اطرف موقف حصلك مع بداياتك فى السواقة ؟؟؟؟

معظم المواقف ايلى بتكون فى اول سواقتك بتبقى كوراث ولا يوجد بها اى كوميديا

رد: اية اطرف موقف حصلك مع بداياتك فى السواقة ؟؟؟؟

اني كنت بحاول اطلع العربيه وكنت بسوق بضهري بقي وانا ساعتها كنت حماره في السواقه بالضهر
فجبت ورا وبدوس بنزين لاقتني بمشي بوشي كان رابع مش ورا فكانت هدوس ابن الجيران قعد يضحك عليا وفضل يتفرج عليا لحد ما طلعتها بقي يقولي حلوه اوي فقره الساحر دي ههههههههههههههههههههههههه
:CONGRA~238:

رد: اية اطرف موقف حصلك مع بداياتك فى السواقة ؟؟؟؟

ههههههههههههههههههههههههه ههههههههههه

فكرتيني بأول مشوار بالعربية ال 128 اول عربية في حياتي وكنت عند خالي وكان في فرح في الشارع واضطريت اني ارجع بظهري وعمال برجع وحاسس ان في حاجه حاشره العربية مش راضيه ترجع فاكرها حجر وعمال بحمل اكترعلي البنزين وفاجاة لقيت الناس بتجري علي العربية وانا بطلع راسي من الازاز بقولهم خير يا جماعه في ايه قالولي بص وراك كدا ببص لقيتيني يا عيني مروق واحد ورايا وعايز ينزلي من العربية مش عارف لاني برجع بظهري علي الباب عنده ومن دوشة الدي جي مش سامعه وهو بيزعق بس الحمد لله طلع راجل ابن حلال شتم بس :070104~242::khd: