مصر موتورز مجتمع السيارات - اية رايك فى سواقة السيدات

مصر موتورز مجتمع السيارات (https://www.masrmotors.com/vb/index.php)

- سيارات حواء (https://www.masrmotors.com/vb/forumdisplay.php?f=181)

- - اية رايك فى سواقة السيدات (https://www.masrmotors.com/vb/showthread.php?t=3718)

رد: اية رايك فى سواقة السيدات

انا مش فاهمه فى ناس ظالمنا كتير اوى ده حقنا وفعلا فى ستات سواقتهم وحشه جدا بس برده فى ستات سواقتهم كويسه بس المشكله فعلا ان فى ناس اول ما تلاقى واحده ست الى بتسوق بيرخموا عليها وانا شوفت الموضوع اكتر من مره ومش عارفه ايه السبب

رد: اية رايك فى سواقة السيدات

ما هي الملوخيه اللي ناقصها تقليه هي اللي اديتهم رخص سواقه
انا نفسي بجد نعمل زي السعوديه بالظبط و اللي يحصل يحصل

رد: اية رايك فى سواقة السيدات

اقتباس:

المشاركة الأصلية كتبت بواسطة بدر بسيونى (المشاركة 94559)

الستات فى السواقة ينقسموا الى فئتين فئة مالهاش فى السواقة ودى الفئى الغالبة وتمثل حوالى 85 % من السيدات فى مصر و10% بتسوق بتحفة وبراعة ودى الفئى الاقل للاسف و5%الفئة المميتة اللى بتجرى ومش بتسوق اساسا

فئة 85%
حق مكتسب تكسر عليك وتيجى ادامك وتوقفك وتدخل ادامك ولو بس اعترضت تلاقى نظرة استغراب بمعنى انت اتجنيت ولا ايه مالك ولما تكون بتطلع من عربية واقة ومدى اشارة وست اللى جليه تعمل مش واخدة بالها وتدخل برغم انها شايفاك والقمة باه لما تبقى ماشيه على 40 كم فى الحارة الشمال ومش مهتمة بالناس اللى وراها اوبتحكى مع اللى جنبها او معاها تليفون مهم ياحرام و

فئة 5%
اللى بتجرى وتشد والهاش فى السواقة اساسا وعربيتها ماتلاقيش حته ممكن تخبطها لان الصاج متدمر وتقرص ومابتعرفش تلم نفسها ودى الفئة الاخطر

فئة 10%
الفئة دى بتشمل ستات بتسوق احسن من بعض الرجالة وبتشد وغرز وترس وكل اللى نفسك فيه معاك وانا بحب شخصيا الفئة دى

والحل مش فى سواقة الستات بس الحل اننا كلنا نسوق سواقة متحضرة ومحترمة لان عدم التزام فئة حتخلى الباقيين مش ملتزمين ونخلى اختبار رخصة القيادة اختبار بجد اختبار بيبين اللى بيسوق من اللى مالوش فيها (يعنى قلل او الغى الواسطة)

ولو لاقدر الله عملت حادثة مع ست وفى الاغلب حتكون هيه اللى غلطانة حتنزل تتطمن على عربيتى واحاول اتجنب الكلاممعاها عشان مااثيرش اعصابى وااتصل بالنجدة ولو معاها اطفال حتطمن عليهم الاول طبعا وظز العربيات اساسا

وشكرا بجد موضوع لامس كل اللى بيسوق فى مصر

ماشاء الله عليك يا بدر باشا
والله داخل اقول رايي قولت أقرا المشاركات الاول
لقيتني كنت حاقول نفس كلامك بالضبط
دا توارد خواطر دا ولا ايه؟؟؟
ليا الشرف طبعا

رد: اية رايك فى سواقة السيدات

الكلام اللي اتقال لم المفيد كلة
بس تعليقا على الستات اللي زعلانين من حكاية ان الستات سواقته وحشة وان الرجالة قاصداهم والحوادث بسبب الرجالة والكلام ده كلة
التعليق عشان يكون موضوعي هنقول ان اجمالي عدد السيدات اللي بيسوقوا عربيات في مصر كام؟
وعدد الرجالة اللي بيسوقوا عربيات كام؟
الخطوة التانية الستات اللي سواقتها وحشة عددهم كام ونسبتهم كام من العدد اللي فوق؟ ونفس الموضوع بالنسبة للرجالة ونشوف فرق النسب وعايزواحدة من الستات اللي ترد بس ماتكونش مراتي
ماحدش بينكر ان فية ستات بتسوق احسن من ميت راجل وانا قابلت اكتر من واحدةمنهم واحدة كنا في زحمة وكانت راكبة جيب بسم الله ماشاء الله على السواقة والغرز ومرتين كانت بتسوق مكروباص واحدة انسة والتانية مدام الانسة كانت ميكروباص عبود شبين الكوم بصراحة سواقة شبابي جميلة جدا
أما المدام كانت ميكروباص طنطا عبود وكانت سواقة رزينة ومظبوطة جدا زي ماتكون سواق مخضرم
وفية واحدة اسمع عنها سواقة معاها رخصة درجة أولى في سيدي كرير بتسوق تريلا وبيقولوا ان سواقين المينا بينادوها في الدخلات الصعبة جوة المينا
بس بنرجع ونقولان نسبة السيدات السواقين قليلة ونسبة الستات اللي سواقتهم بتعمل مشاكل كبيرة

رد: اية رايك فى سواقة السيدات

انا اكتر حاجة بتنرفزنى لما تدى اشارة يمين وتخش شمال بقيت متبرمج لما الاقى واحدة بتدى اشارة يمين اعرف انها داخلة شمال والعكس ده غير انها بتقف مرة واحدة ومتنقيش غير الاماكن اللى توقف 3 حارات مع بعض ازاى معرفش ده غير طبعا الركنة لما اشوف واحدة بتركن لازم اسحب كرسى واقعد نص ساعة اتفرج عليها ده غير واحدةكنت هانسى انها ست وانزل اضربه علشاان اوسعلها فضلت دايسةعلى الكلاكس متواصل لما خرمت ودنى واول ما اديتها سكة مسكت نص الشارع وماشية تاتة تاتة امال ايه الصاروخ اللى حسستنى انه جاى من ورايا

رد: اية رايك فى سواقة السيدات

اقتباس:

المشاركة الأصلية كتبت بواسطة didos (المشاركة 419928)

انا اكتر حاجة بتنرفزنى لما تدى اشارة يمين وتخش شمال

ودا اللي حصل معايا ماشي في امان الله لقيت العربيه اللي قدامي بتدي اشاره يمين ... دخلت من علي الشمال عشان اعدي فجأة لقيت العبيه قدامي عشان تلف في الدوران ولما مسكت فرامل كنت جبت الرفرف وحته من الاكصدام والباب ... وكانت سيارة اخويا لسه نازل بيها من السعوديه واخدتها اجربها "JMC" ونزلت لاقيتها "أنسه" ولما شفت عربيتها كانت صعبانه عليا بجد ....

اتصلت بوالدها وطلع في الميري زي حالاتي

ودلوقتي بقول "رُبّ خبطة خير من الف ميعاد " عشان هي أصبحت زوجتي :fun_36_3_3[1]::crazyW14:

رد: اية رايك فى سواقة السيدات

اخوانى الكرام قياده السيارات للسيدات بها جرائه اكثر من الرجال وذلك راجع الى تيقن المرأه بأن الرجال صبورين على اخطائهن والله يسامحهن على ايذائهن للرجال و المسامح كريم .