رد: تجربة الكيا نيو سيراتو - 1600 سى سى اوتوماتيك.
 

التقرير دة لخبطلي الدنيا..... عندي حاجز صني مو2011 وكنت عاوزالغي الحجز واجيب سيراتو
علي الكلام دة الصني تكسب طبعا تسارع وشكل وصيانة لاتقل عن السيراتو
قولولي اعمل اييييية؟؟؟

رد: تجربة الكيا نيو سيراتو - 1600 سى سى اوتوماتيك.
 

هي العربية ممكن تكون زيها زي أي عربية تانية في السعر ده، بس السؤال هو: إيه هي العيوب إلي حضرتك بتقول إن الناس اشتكوا منها؟

شكرا

رد: تجربة الكيا نيو سيراتو - 1600 سى سى اوتوماتيك.
 

اقتباس:
الموتور ضعيف ؟؟؟؟؟؟ وخامل ؟؟؟؟؟ ومفيش تسارع ؟؟؟؟ - حضرتك سوقتها بجد ؟؟؟؟
طيب الموتور القوي من وجهة نظرك يبقي اية ؟ كمثال
ذكرت اسباب ذلك مرار و تكرارا, المحرك ضعيف نسبة الى وزن السيارة المرتفع, كما ان منحنى العزم لا يوفر متعة القيادة المطلوبة.
نسبة المحرك للوزن هى 0.091 حصان لكل كغ, و هى نسبة منخفضة نسبيا و لا تضمن اداء جيد,
عندك مثلا سيارة مثل الفيات برافو ال120 حصان(لأن مواصفاتها فى ذهنى الأن) فان وزنها فى حدود ال1250 كغ, نسبة المحرك للوزن 0.096 حصان لكل كغ, و هى نسبة معقولة.
أضف الى ذلك العزم المأخوذ عند سرعة مرتفعة, و علبة التروس الاوتوماتيكية, ليتبين لنا بما لا يدع مجال للشك أن التسارع ليس من مميزات هذه السيارة



يااستاذ فادى ماينفعش السيراتو بالبرافو تحت تى وجه السيراتو compact car والبرافوsmall family car وعربة ارخص موديل 98 الف وارخص موديل ب130 الف وعربية سيدان بهاتشباك لانها حتكون مقارنة ظالمة بكل المقاييس وكمان البرافو المنافس الاول لها الجولف والابييزا

فلو حبينا نقارن السيراتو عند فيات نقارن باللينيا عربية اللى موتورها 1400 سى سى وبيولد 78 حصان تقريبا وعزمه 115 اه عند 3000 ار بى ام بس وزن العربية 1160 كجم يعنى مش خفيف الى جانب ان العربية مش ايطالى وتركى يعنى راكب عربية مش تقفيل بلدها ففى المقابل واللى هى حتى مش فئة السيراتو اللى هى اقل منها مافيش عربية سيدان اوربى بنفس مواصفات و كماليات السيراتو فى الفئة دى وهنا تالق الكورى واثبت كفاءة فى منطقة وفئة تخص شريحة كبيرة من المستهلكين اذن الاوربى لم يوفر سيارة فى الفئة دى

ففى المجمل السيراتو اتفقنا او اختلفنا نجحت ويتنجح وحتنجح والنقطة الاهم انى حسيت ان ملاك السيراتو مش متفقين معاك فى كلامك ودى نقطة مهمة وخصوصا ان هنا فى مصر موتورز احنا بنذكر العيوب قبل الميزات والصراحة موجودة وكمان ملاكها اقدر ناس بعيوبها فعلا وشكرا ليك

رد: تجربة الكيا نيو سيراتو - 1600 سى سى اوتوماتيك.
 

يا باشا حضرتك بتتكلم ازاي
الناس اللي اشترو السيراتو دول الاعلام ضحك عليهم والاعلانات اثرت عليهم والتوكيل عامل لهم عمل
لكن الناس الخبره اللي بتفهم في العربيات اكيد مش حيشترو سيراتو و حيجيبوا البديل الاوروبي الافضل
علشان كده لما فيات لقو ان في ناس بتفهم في مصر وابتدوا يشتروا اللينيا اوماترا قررت متجيبهاش تاني علشان الناس متلاقيش الا السيراتو و الالنترا
وبعدين اللي بيفهم في العربيات مش حيهمه تمن العربيه و لا انه يكع 50 - 60 الف زياده
المهم يجيب حاجه اوروبي علشان يطلع بيفهم في العربيات .. و برستيييج
وبعدين العربيه غاليه على الفاضي و في احسن منها
حتى بالاماره في عضو فاضل بقاله شهر بيسأل على عربيه في رينج ال 100 - 120 الف غير السيراتو و الالنترا تكون كويسه و محدش رد عليه ...
مش عايزين يقولو له ايه الكويس في الاوروبي او الياباني في الرينج ده لا يجيب زيهم و الاوروبي يرطرط و يغرق البلد ...
علشان يحافظو على التميز ... و البرستييييج

تيييييييييييت ...
معلش اصلها طلبت المره دي !!!

رد: تجربة الكيا نيو سيراتو - 1600 سى سى اوتوماتيك.
 

معلش اسمحلي أعلق أنا، المفروض لو حبيت تقارن السيراتو قارنها بعربية نفس فئتها السعرية على الأقل، بمعنى آخر تقارنها باللينيا 1400 سي سي التيربو (108-112 ألف) هي 120 حصان صافي عند عدد لفات موتور 4000 أو 4500 مش فاكر بالضبط - طبعا أحسن 100 ألف مرة من 6000 دورة.
وبالنسبة لأنها تقفيل تركي، فأنا فعلا ركبت العربية دي بدل المرة 1000 لأنها مع صديقي، وتقفيلها وخامات التابلوه والعزل فوق الممتاز، واسأل أي حد عنده العربية دي.
وبالنسبة للمواصفات والكماليات فأنا متأكد إن اللينيا أعلى من السيراتو وكذلك في مواصفات الأمان، ممكن التكيف فقط هو إلي يحسب للسيراتو - وده مش معناه إن تكيف اللينيا وحش بس مش قوى أكتر من اللازم-.

وشكرا

رد: تجربة الكيا نيو سيراتو - 1600 سى سى اوتوماتيك.
 

ألف شكر ليك يا باشا
على فكرة أنا إلي بقالي شهر بسأل عن العربية إلي في رينج الـ 100-120 وكان نفسي حد يقولي حاجة غير اللينيا لأنها فعلا مش موجودة، وأنا عامل موضوع عن آخر أخبار لينيا 2011 عشان عاوز أعرف كل جديد عنها عشان ناوي أجيبها أول ما تنزل إن شاء الله.

رد: تجربة الكيا نيو سيراتو - 1600 سى سى اوتوماتيك.
 

المشكلة عندنا ان كل واحد فينا بيعتقد ان طالما ركب العربية اكس فهى احسن حاجة فى الدنيا وبيدافع عنها لاخر نقطة دم وللعلم انا ممعايش سيراتو ولعلمك مابحبهاش بس لما نتكلم نكون موضوعيين عربية محققة اعلى استيراد ووعربية مش موجود منها 1/10 من عدد التانية حتى لو النادرة الوجود احسن مليون مرة بس هى فشلت والتانية نجحت واسمحلى اللى بيقول النجاح مش بيع لا هو بيع لان المصنع فاتح عشان يبيع مش عشان يدخل التاريخ والناس اللى جبتشتغل فيه شغاله لفلوس مش للمجد فبلاش كلام ان البيع مش نجاح لان اللى خلاه يبيع انه اختلف واشبع رغبة الناس اللى التانى بكل بساطة مافهمش رغبت الناس (فشل فعلى)بدليل اى حد فينا فتح شركة وعمل شغل تاريخى وشغل يدرس وقفل لانه مابعش فكره بيبقى فشل فعليا


وكمان مستحيل بالمبلغ بتاع السيراتو تاخد عربية باحدث موتور باعلى امكانيات واحدث جير وصيانة رخيصة وانتشار ده رابع المستحيلات وطبق الكلام ده على اللينيا والسيراتو حتفهم قصدى


وحاجة اخير الاستاذ فادى مابيحبش الكورى وهو مش عشاق الفيات والاوربى فطبيعى ان التقرير حيكون بالصورة دة وتعالى نعكس الاية لو انا بكره الماركة اكس وركبتها اكيد عيوبها حتلفت نظرى اكتر من مميزاتها وهو ده الواقع فى التقرير اللى انا بعتبره غير عادل تماما وهو مجرد انطباع شخصى لاستاذ فادى بيوضح عدم حبه للكورى بوجه عام

فبرجاء بلاش الاندفاع وراء انطباعات شخصية ذات خلفية مسبقة وعدم حب للسيارة المجربة فى الاساس لانها غير صحيحة بدليل فشل الاوربى فى الشرق الاوسط ونجاح الكورى ممثلا له هيونداى وكيا والكلام ده فى الحياة العملية مش كلام على ورق ولا على صفحة منتدى والحياة هى الفيصل والمستقبل للكورى وده الواقع تقبلته ام لم تتقبلوه ده حقيقة