رد: كل الرجالة اللي في المنتدي تدخل ضروري - سواقة ستات
 

امى الى علمتنى السواقة و سواقتها ممتازة
انا علمت مراتى و فى رايى انها برضه حتبقى ممتازة حتى الناس اللى كانوا واقفين و هى بتعدى القراطيس فى الامتحان كانوا معجبين بسواقتها بالمقارنة برجالة كانوا بيمتحنوا فى نفس اليوم
هى بس ناقصها الممارسة الفعلية
و ده تقصير منى لانى مقتنع ان المشكلة مش فيها المشكلة فى العشوائية الى متخططة بيها الشوارع الى ادت الى العشوائية الى الناس بتسوق بيها
و برضه انا الصراحة خايف على العربية الى حيلتنا
بس احنا ناويين نجيب عربية صغيرة ليها ان شاء الله لما الحالة تسمح ... ادعوا لنا

اهم نصيحة للستات :
معظم مشاكلهم فى الركن محتاجين تدريب و تركيز
لانى فعلا قرات فى الاهرام زمان عن دراسة فى انجلترا عملتها شركة تامين بسبب ان معظم تعويضات التامين لحوادث اثناء الركن بواسطة السيدات
فاكتشفوا ان قدرة مخ المرأة فى استيعاب الثلاثة ابعاد اقل منها عند الرجل

فنصيحتى ان هما يتدربوا على الركن كتير ده حيخليهم يسوقوا احسن كمان علشان حيفظوا ابعاد العربية

و ارجع اقول يا ريت كل الرجالة يسوقوا زى الستات .... نسبة الحوادث البسيطة صحيح حتزيد ..... بس فى المقابل مش حيبقى في حوادث مميتة

رد: كل الرجالة اللي في المنتدي تدخل ضروري - سواقة ستات
 

رد: كل الرجالة اللي في المنتدي تدخل ضروري - سواقة ستات
 

احب اضيف انى زى الاستاذ منسوب بحب ادور على تعليقاتك يا كورسير

رد: كل الرجالة اللي في المنتدي تدخل ضروري - سواقة ستات
 

اولا شكرا لحضرتك جدا ع ردك
وان شاء الله تجيبو عربيه صغيرة قريب باذن الله

وشكرا ع نصيحه حضرتك بخصوص الركنه واثباتها بدراسه
بس اكيد الركنه امرها محلول بالتدريب وكمان الباركينج سينسور بردو :HAPPY_~211:

رد: كل الرجالة اللي في المنتدي تدخل ضروري - سواقة ستات
 

رد: كل الرجالة اللي في المنتدي تدخل ضروري - سواقة ستات
 

ههههههههههه
حلوة أوى صحن فول دى يا كروزر
ومحدش قدك يا عم معجيبنك إبتدو يزيدو
وفعلا يا جماعة أكيد فى ستات بتعرف تسوق كويس بس للاسف أنا عمرى ماشوفت واحدة من النوع دة
ولما أشوف واحدة شايفة نفسها وعمالة تأخد عرز مش بتبقى حريفة لا بتبين شوية حركات عشان تبين لصاحبتها إنها بتعرف تسوق

رد: كل الرجالة اللي في المنتدي تدخل ضروري - سواقة ستات
 

لسه يا جماعة شايفة حادثة دلوقتي
تربطبت بين اخر موضوعين اتكلمنا فيهم وهم سواقة الستات والموتوسيكلات


ست ماشية في المعادي الجديدة بعربية تويوتا كورولا وانا بعدها عطول فجاة لفات يمين موتسيكل بتاع بيتزا او مؤمن طلع من يمني وعدته تقوم الست اللي قدامي بتاعت التويوتا تدخل يمين مرة واحدة وبسرعة ويقوم الموتوسيكل لابس في العربية واتقلب والله واعلم ايه اللي حصل بس وانا راجعة من الجراند علشان انا كنت رايحة الجراند مول لاقيت اسعاف وصف موتوسيكلات
ربنا يقومه بالسلامة أن شاء الله
بس انا قولت قبل كده علشان واحد ياكل واحد يموت
ربنا رزقه بست خشيمة خشم من غير اشارة ولا اي حاجة ودخلت يمين بسرعة من علي حرف الفاتحة وهوب لبسو في بعض والواد اتكوم علي الارض .
علشان نقول التانئي حلو طالما اللي سايق مش متمكن سو ست او رجل
الحمد الله الذي عافانا عما ما بتلي بيه غيرنا وفضلنا علي كثير من العالمين
ربنا رزق اتنين ولاد حلال ببعض