|
رد: دليل الاعطال و الاصلاحات للفيرنا
اقتباس:
ده رد كنت رده مره في منتدي اخر ،، هوا يمكن بعيد شوية عن الموضوع ،،، تصدق انتا سألت السؤال اللي نفسي أسأله و كان نفسي اساله لاي واحد اشتري فيرنا قريب بس من وجهة نظر اخري خلينا نكلم بصراحة ،، من الآخر قليل اللي ما بيحتقرشي الفيرنا و مش مجرد احتقار لسيارة عشان شعبية لأ احتقار لأنها تستاهل الاحتقار في وجهة نظرهم و للأمانة مش في المنتديات بس لا حتي في الواقع لدرجة كرهتني انا شخصيا فيها رغم اني راضي عنها نسبيا السؤال اللي بيفرض نفسه الفيرنا اكثر سيارة مبيعا في تاريخ مصر ( معلومة من مصدر شبه مؤكد ) السيارة المفضلة حاليا كتاكسي في المدن الساحلية و مستقبلا في القاهرة ازاي بقه عربية تكون سمعتها سيئة للدرجة دي و تنجح بالدرجة دي ؟؟؟؟ ده يبقي اسمه شزوفرنيا ،،، او شيزو فيرنا ،، اختار اجابة من الاجابات التالية : _ 1- ضعف المنافسين في فترة السنتين السابقتين ( مكنش في فئتها غير اللانوس و الشاهين اللي اكل عليهم الزمن و شوية عربيات صيني علي اوربي شرقي مجهولين ) 2- غبور ساحر 3- الشعب المصري مبيفهمشي بالنسبة ليا كان السبب الأول مكنش فيه في وجهة نظري حاجة اكثر مناسبة غيرها ،، و لذلك كنت بتجاهل اراء الاخريين عن عمد ،، |
رد: دليل الاعطال و الاصلاحات للفيرنا
انا عايز اعرف العربية الفيرنا حلوة ولا لأ علشان باذن الله ناوى اشترى واحدة
|
رد: دليل الاعطال و الاصلاحات للفيرنا
السلام عليكم ورحمه الله وبركاته
افادكم اله على كل المعلومات اللى انا قراتهافى المنتدى وبجد انتوا ناس فاهمه كويس قوى بتقولوا ايه بس انا كان عندى سوال عن الفيرنا عايز اعرف ايه رايكم فى الاوتوماتيك بتاعها كويس ولا لأ |
رد: دليل الاعطال و الاصلاحات للفيرنا
السلام عليكم ورحمة الله وبركاته
احلى سلام على كل الفيرناويه ويارب انضملكوا قريب من الاخر انا لسه جديده فعالم العربيات واكيد معظم الكلام فهماه طشاش بس عاوزة رايكو بجد اجيب فيرنا ولا لآ؟ انا فكرت فى اكتر من عربيه بين اسبرانزا وسبارك وشاريد والتو بس حسيت ان احسنهم فيرنا بالذات ان اعطالها مفهومه وقطع غيارها متوفره ورخيصه اجيب فيرنا ولا ؟ وهل ممكن الاقى موديلات 2007 او 2006 زيرو ؟ وفين؟ ولو جبت من المعرض هتبقى ارخص من التوكيل نفسه؟ وفى حدود كام؟ معلش طولت عليكو بس عشمى فى احلى فيرناويه انهم هيستحملونى ويردوا عليا |
رد: دليل الاعطال و الاصلاحات للفيرنا
اقتباس:
حددي متطلباتك من العربية الاول عشان نقدر نساعدك بس مبدئيا استيعدي الصيني مش هتلاقي موديلات 2006 و 2007 زيرو لانها تجميع محلي طازه في طازه حكاية من معرض او توكيل مبتفرقشي كتير و السعر شبه ثابت يعني اخر لعب فيه ممكن 500 جنيه المهم شروط التقسيط لو قسط و توافر الالوان و البضاعه الحاضره |
رد: دليل الاعطال و الاصلاحات للفيرنا
السلام عليكم ورحمة الله وبركاته
اهلا بحضرتك يا استاذ احمد ومشكور على اهتمامك يعنى مواصفات اللى عاوزاها تكون حاجه شيك بتستحمل _طبعا استعمال بنت_ طريقى غالبيته وسط البلد عباسيه مدينة نصر مصر جديده فى حالة لا قدر الله لو حصل اى عطل او خبطه الاقى قطع غيارها بسهوله وبسعر معقول دى غالبية المواصفات طب بنسبة ل موديل 2008 ممكن الاقيه زيرو؟ولو ممكن ايه تامعارض اللى ممكن الاقيه فيها؟ وهيكون فى حدود كام مثلا ؟ احلى شكر لاحلى اخوات :) |
رد: دليل الاعطال و الاصلاحات للفيرنا
اهلا بيكى يا داكتور بالنسبه لموديل 2008 ممكن تلاقى منه حاجه كسر زير لكن زيرو هايكون صعب اوى اوى لان 2009 نزل السوق خلاص و على رائى احمد انور طازه فى طاز ه و بتكون محجوزه كمان من قبل التصنيع
لكن كسر الزيرو يعنى مثلا و احد جاب و احده و عمل بيها مثلا 10000 الاف كيلو و عاوز يبعها ممكن تشتريها و بالنسبه للسعر من التوكيل بيكون ارخص بس هاتكون فى قائمه انتظار حوالى شهر بس الفرق يستاهل بكون حوالى 2000 جنيه فبكده تكون من التوكيل افضل بالنسبه للفيرنا عموما هيه ساره ممتازه و مناسبه جدا جدا للشعب المصرى و شوارع مصر |
| الساعة الآن 06:50 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017